أضف سؤال أو موضوع جديد          

عن تجربة .. مشكلة التكييف تبدأ من الفريون

up 9 down 8
ربيع الأول 293
قبل 4 سنه و 3 شهر



السلام عليكم ..
وباختصار وعن تجربة بقول لكم ماذا يفعل الفريون الصيني
وكيف تعرف الصيني من الامريكي ؟
بداية اشتريت كامري استخدام خليجي من الامارات والسيارة جت بالصلاة ع النبي 
مكيف ثلج بمعنى الكلمة .. في عز الظهر وعز الحر في جده 
ودرجة الحرارة تقارب ال 50 
ووالله العظيم بدون مبالغه اني على درجة رقم 1 وصرت اعلي حرارة المكيف لانه مافي اقل من الدرجة 1
المهم بعد سنة راح المكيف عندي ورحت لكهربائيتنا الاجلاء
ابو دعاية امريكي وعندي امريكي وكل هرجهم امريكي في امريكي
وسوولي المكيف .. وخذوا خيبة الأمل
صرت احطه على درجة 3 عشان احس بالبرودة ومافي فايده
المهم بعد فترة قعد يخف شوية شوية الين ماصار في تبريد
وهذا اللى اثبت لي انه فريون صيني لاني جربته على 3 سيارات تخصني
المشكلة ان الكهربائي عزيز علي ويقول لي الفريون امريكي 
لدرجة اني قلت ان الكهربائية نفسهم يتخموا بالفريون

ماذا يفعل الفريون الصيني في سيارتك ؟
1- بمجرد ما ينتهي الكهربائي من تعبئة الفريون تلاحظ ان البرودة أخف من السابق
2- بعد 3 أشهر تبدأ البرودة بالانعدام شيئا فشيئا
3- تبدأ رائحه غريبة تدخل من فتحات التكييف
4- تسمع صوت تنسيم بعد فتح المكيف مع زيادة في الرائحه
5- يخلص الفريون وتفحص الليات .. وتتفاجأ ان الثلاجه روحت
6- الله يعوض عليك بثلاجه

وهذا عن تجربة يا سادة
باختصار الفريون الصيني ما يكمل 7 شهور الى سنة
وياريت يا ريت ياريت ان راس ماله ينسم
بل راس ماله ياجماعة الخير ثلاجه ايوا والله ثلاجه
وسياراتي اللى اكلت التجربة المريرة
هي : كامري 2006 - شيفروليت فنشر - تويوتا تيرسل
وازيدكم من الشعر بيت .. اشتريت سيارة كيا ريو الان
وصاحبها نصبني وسوالها فريون صيني قبل مايبيعها والظاهر داخلين على ثلاجه والله المستعان

لكن بقول لكم شي
عندي فورد اكسبديشن سويت فريونه عند واحد جني ابن جني
اخذ مني 800 ريال فقط عشان يعبي فريون
وانا عارف انه نصاب وسلاخ ابن 66
لكن والله سيارتي وعزيزه علي دفعت فيها 800 ريال لاجل فريون
واقسم بالله العظيم 3 سنوات لا تنسيم ولا تبريد يخف
الصلاة ع النبي ثلاجه ثلاجه

ولاتسألوني عن السلاخ اللى سوا لي الفريون
لاني اعرف بعضكم بيكون شرواي بيدفع ام الفلوس لاجل سيارته الغالية
مع الأسف قفل ورشته وصارت له مشاكل الله يستر عليه ويهديه ويصلحه

فيا أخوان .. بعد تجربتي واكلي ل 4 سيارات بمكيفاتها
هل الحل ان نذهب الى الوكيل ؟
انا لا ارى غير ذلك







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الحل تروح للوكيل اللي يبيع الفريون الامريكي وتشتري منه دبه 


صح سعرها ٣٥٠ ريال او اكثر بقليل بس تكفي ثلاث سيارات


up 2 down 2
ابو هيثم 7 2252
قبل 4 سنه و 3 شهر



والله انا من كثر مانغبنت في موضوع الفريون

رحت طلبت فريون من امريكا من موقع ebay في عندهم نظام علبه الفريون اكبر من علبه البيبسي بشوي طلبت كرتون حول 12 حبه

وقفوه الجمارك طلبو تصريح من الحياة الفطريه عشان ادخل الفريون !!!!!!!

والفريون الي ينباع ويعدم سيارات الناس داخل ولافي اي مشكله ويوم بغيت فريون نظيف لموتري تصاريح وقروشه

اخر شي تركت الفريون عندهم ومشيت 

حتى الي ينباع على اساس انه امريكي مغشوش كله


up 3 down 0
ibrahime 1196
قبل 4 سنه و 3 شهر



بصفة عامه 90% من المحلات تبيع فريون مغشوش, بغض النظر عن كبر المحل او جنسية العمال. وصارلي تجارب سيئة معهم وخسرت مبالغ كبيرة.
والحل مو الوكيل لأن سمعت ان بعضهم ما يعبوا فريون, واللي عندهم اسعارهم خيالية, وبصراحة ما أثق فيهم.أفضل طريقة بسيطة جدا.
١- انك تروح لمحلات التكييف و تسوي تفريغ فريون وسحب الهواء الموجود الى ان يوصل الى ٢٥ او ٣٠ تحت الصفر. في محلات يكون عندهم جهاز وفي نفس الوقت يكشف اذا كان في تهريب ( في حالة الشك في وجود تهريب ولم يتوفر الجهاز تتعبأ الدائرة بالنيتروجين او هواء عادي وتتم مراقبة الضغط وهذه تحتاج وقت).
٢- تشتري اونلاين فريون موتركرافت او Du pont suva او Genetron وكلها علب صغيرة بحجم علبة البيبسي وفي شركة اسمها AC PRO كل اللي جربوها يمدحوها. تكفي استخدام مره واحدة.
3- بعد التفريغ من الفريون القديم والهواء تشوف سيارتك تحتاج كم جرام ( لاتعتمد على الضغط لانه يتغير بتغير درجة الحرارة الخارجية) موجود في الكتلوج و قطعة معدنية واضحة تحت الكبوت. بعدها تشبك الهوز في low pressure وتعبيه. بهذه الطريقة انت مادفعت اكثر من 150 وضمنت فريون اصلي. وماراح تعبي الا بعد 3 سنين.


up 1 down 0
dell2012 1022
قبل 4 سنه و 3 شهر



لان الفريون الصح لما تفكه من الدبه يطلع ثلج لانه بطبيعته بارد ولايحتر مع حراره الجو الى بعد ماتوصل الحراره لدرجه كبيره لان في اصله لازم يقاوم الحراره ولا شلون يبرد سيارتك وحراره السياره عشان كذا يعطيك بروده

لكن الفريون الي عندنا من يوم يحتر الجو الخارجي تلاقيه الفريون نفسه يحتر فتلاقي البروده تقل


up 1 down 0
ibrahime 1196
قبل 4 سنه و 3 شهر



اتفق معك بالاضافة الى ان الغش وصل لشي ما تتصوره
العامل يعبي صيني في علبه امريكيه اذا خلصت يرجع يعبيها صيني
صدته لان السباك علبته مهترئه من كثر اعادة الاستعمال
(لانه ما راح يشتري علبه امريكيه كل مره ويعبيها صيني ما راح يكسب عشان كذا يعبي نفس العلبه)


up 1 down 0
ابوزياد123321 208
قبل 4 سنه و 3 شهر



والله قاعد اشوف اراء عجيبه
انا اعرف كهربائي الوالد يعرفه من 20سنه بجده هنا الي يبغاه اوصفله معروف شغله ومعروف الكهربائي الفريون عنده 150ريال
يعبيها الى لو جمس لانه يستهلك فريون اكثر ثلاجتين وكمبرسوره اكبر ووضعه يختلف
انا عبيت من عند واحد ثاني فريون جينترون 120ريال ماحكيلكم المكيف ايسكريم قليله عليه ومعروفه مكيفات الكرسيدا
وبعددها عبيت من الكهربائي صاحب الوالد وماشاء الله نفس الشئ والمكيف ثلج ثلج ثلج لحد مالقزايز تثلج عندي
والله شئ غريب ماعليهم مراقبة ويسون الي يبغونه


up 0 down 1
احمد شريف 3168
قبل 4 سنه و 3 شهر



فين مكان الكهربائي اللي في جدة يا أحمد شريف ؟


up 0 down 1
amer ahmed 545
قبل 4 سنه و 3 شهر



عاد تصدق كان معي صابونه 91 ضبطت المكيف وعبيته امريكي وقعد اسبوع وراح صار هوا

وعبيته فرنسي.  ونفس الحكاية. وعبيته سعودي وجلس 5 شهور  واخرتهاا طفرت ورحت عند كهرباني وقلت عبلي فريون ب20 قال اعبيلك صيني. 

قلت الشكوئ لله. خله يمشيني اسبوع اللين تنفرج.  وعلئ ذيك التعبيه. جلت سنه ونص الي بعت. وهو ثلج * ثلج


up 2 down 2
جاي امس 442
قبل 4 سنه و 3 شهر



الفريون الأمريكي تلقى مكتوب عليه بالانجليزي 
Hanywell

علشان تتأكد أكثر


up 1 down 1
بدر الباثفايندري 1096
قبل 4 سنه و 3 شهر



2كهربائيه شغلهم عال العال 
واحد بالرويس عند المسجد المقابل لمقبرة الرويس بعد المسجد في 
لفه يمين تدخلها حيجيك محل موية صحه اول ماتعديه على يمينك
كهربائي تبريد هو صومالي الجنسيه قوله من طرف شريف وشوف الفريون عنده وعاينه
وتاكد من كل شيء على هواك وخليه يتاكدلك من التهريب وكل شي
الثاني الشرفيه عند فندق الدار البيضاء تخليه على يسارك والسفاره الامارتيه على يمينك تمشي
سيده لين ماتلقى بقالة النهدي على يسارك هو يجي بيمينك
اسمه عرفان شايب بكستاني ومعاه واحد يشتغل سمين وقصير 
يعبي الفريون120ريال الجينترون بس نصيحتي للصومالي
فريونه هوني ويل افضل وانسان فاهم يتاكد من التهريب بطرق ممتازه


up 1 down 0
احمد شريف 3168
قبل 4 سنه و 3 شهر