أضف سؤال أو موضوع جديد          

هل العوض ما فيه خير

up 7 down 4
افكار جديدة 662
قبل 5 سنه و 6 شهر



السلام عليكم 
قبل مده صار لي حادث و كان الغلط على اللي صدمني و هرب من موقع الحادث لكن الحمدلله المرور لحقوه   و كان مأمن  و ما تنازلت عنه و قدرت سيارتي و طلعت تالف  و طبعا التامين دفع لي قيمة السياره و اخذت الفلوس و ما قدرت اشتري سياره ما ادري كيف راحت الفلوس  هل العوض ما فيه خير ؟  







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


اول شي الحمد لله على السلامه 

ثانيا ياخوي قل الحمد لله انهم حصلوه احسن ان مايحصلونه وماتسلم على ولا ريال 

ثالثا كل شي مكتوب ومقدر قل الحمد لله على كل شي وحاول تددور لك موتر على قد الفلوس واسال الله ان يرزقك كل خير 


up 5 down 0
Bader 9212 530
قبل 5 سنه و 6 شهر



برائيي مقولة قديمة لاتسمن ولاتغني من جوع
السيارة جبتها بفلوسك ماجاتك بلاش عشان يكون حرام
لو مامعه تأمين وشفته انسان على قد حاله يمكن اسامحه
ثانيا هرب من موقع الحادث وهالاشخاص حتى لو مامعه تأمين مااسامحه
والله يعوضك بموتر احسن من موترك
والحمدلله على السلامه



up 6 down 1
احمد 170 245
قبل 5 سنه و 6 شهر



هذي كلمه يقولها الغلطان عشان تسامحه ... اجل الفلوس مافيها خير ؟؟؟ ياشيخ طيررررر


up 6 down 2
YASSER505 4174
قبل 5 سنه و 6 شهر



السلام عليكم
اخوي العوض حق من حقوقك شرعا
ومقولة العوض ما فيه خير غير صحيحه
ولا ما كان الله عز وجل شرعها وهو الخبير العليم بامور وشؤون البشر
لكن اعتقد ان المشكله في فلوس التأمين هي اللي حرام والسبب ان الواحد يدفع مبلغ قيمة العقد والتامين ياخذه بدون وجه حق
واذا صارحادث التأمين يدفع مبلغ التعويض اكبر من قيمة عقد التأمين اضعاف بدون وجه حق وللاسف يسموه تأمين اسلامي
وهوبعيد عنه


up 6 down 0
dub_r-50 441
قبل 5 سنه و 6 شهر



اللي تربينا عليه ان العوض مافيه خير .



up 2 down 5
ابوعـــمـــــــار 99
قبل 5 سنه و 6 شهر



والله يخوي 
انا صار لي حادث مرتين واخذت اول شي ٢٠٠ وبعدها صار لي حادث بعد و اخذت ٤٠٠٠ طبعا كلها من التأمين
اخر صدمه يوم طلعتها من الورشه ب ٣ ايام والسياره تخبط وتكلف ٩٠٠٠


لكن دام السياره راحت تالف والله ماني مخلي ٣٠الف او ٤٠ 
واقول العوض مافيه خير


up 0 down 0
mohaammad 166
قبل 5 سنه و 6 شهر



خذ الكلام الصح و لا عليك من إلي يقول غيره العوض ما فيه خير في حالة واحدة فقط اذا كان فيه ظلم خصوصا ان نظام التقديرات عندنا

متخلف جدا خصوصا من المرور وايضا نجم لكنهم افضل شوي و قد صار لنا مثل هذي المواقف و انا مسامح لوجه الله

والله يعطي كل واحد على قد نيته  , اما غير كذا ان طالبت بالعوض فهذا حقك و من واجبك انك تتطالب فيه و اذا سامحت هذا كرم

منك واخلاق و تأجر عليه بإذن الله طبعا اذا كان فيه تأمين والضرر فوق 500 لا تسامح ابد لان الرجال ماهو مستفيد شي و انت الخسران

والرابح التأمين و سلامتكم


up 2 down 0
أبو صلوح 911 131
قبل 5 سنه و 6 شهر



هذه العبارة يقولها كثير من الناس بقصد الاصلاح وتشجيع الناس على المسامحة

لكنها غير صحيحة والعوض حق من حقوقك ربنا شرعه لحكمة حتى يعود الحق لصاحبه

ابحث عن سيارة بالفلوس الي معك ولا توسوس


up 1 down 0
أبو عبادة 4852
قبل 5 سنه و 6 شهر



يا أخي سيبك من هذا الكلام فلوسك حلال باذن الله و لا تنسى أن الحلال يذهب و الحرام يذهب بأهله


up 3 down 0
ayham73 659
قبل 5 سنه و 6 شهر



كلمة ... يرددها اناس لا يهتمون بحقوق الاخرين عند تعرضها للتلف من قبلهم 
هذا حق مشروع لكل واحد 
والعفو والصفح الان يكون على حسب حال الشخص المادية ... ودرجة الضرر الحاصله 

يعني لو صدمني احد وتسبب بتلف سيارتي وانا دافع فيها مبلغ وقدرة  وشىء اكيد المبلغ ذا قرض من البنك لان اهل الكاش نادرين في الزمن ذا 

ويجيك صاحبا ويقول .. العوض ما فيه خير 
هذا فقع وجه وبعدين قله العوض ما في الخير 
اكثر الشباب اليوم ... 
يشتري سيارة وهي تكون في الغالب سيارة العمر ما عاد يقدر بشتري غيرها 

فا اتركك من كلام هولاء السفهاء .. العوض ما فيه خير 

ورب النعمة لو سيارته وهو دافع دم قلبه فيها حرام بالله انه ما يسامح فيها 

وبكل صدق وامانه لو حصل لي ذا الامر  ما اراح اتنازل 
قدامي 5 سنين اقساط للبنك 
وما املك شىء في الدنيا الا ذي السيارة ... 
وانت  وغيرك تعرف ايش معنى السيارة في الزمن ذا بالنسبة للواحد 
كل مشاويرك ودوامك عليها 
ورب النعمة انها تحفظ ماء وجهك من طلب الناس ... 
وتوفر فلوسك وتكفيك عن التكاسي وقرفها 


up 3 down 0
honda 2014 528
قبل 5 سنه و 6 شهر