أضف سؤال أو موضوع جديد          

تقرير تجربتي لكورولا 2015 الأسوء من ناحية الأصوات الداخلية

up 29 down 11
TA CARS 854
قبل 5 سنه و 8 شهر



السلام عليكم ورحمة الله وبركاته 

أحكي لكم هذا الكلام من باب إني بس ودي أطلع اللي في قلبي 

من سنة تقريبا ، كانت عندي كورولا 2013 نص فل ، وكانت من أجمل السيارات اللي تملكتها ، " قوية ، وحقت كرف " ومافيها أصوات لا بالديكور ولا غيره

بعد مدة من استخدامي لها قررت أبيعها وأشتري كورولا جديدة آخر موديل

وهذا تقرير بعد تجربتي لها لمدة ٩ شهور ووصلت ٢٠ الف كيلو

التقييم سيكون من ٥ 

داخلية السيارة /
• الشكل الداخلي = 4,5 من 5
• جودة الديكور من ناحية خلوه من الأصوات = 0 من 5
• جودة كرسي السائق من ناحية ثباته وخلوه من الأصوات = 0 من 5 " كل دعسة بنزين او فرامل يطلع صوت مززززعج  ( تك تك ) " 
• عزل الهواء الى 120 كم : 4 من 5
• مساحة الأقدام : 4,5 من 5 " ممتازة مقارنة بالشكل القديم "
• صفاء السماعات : 5 من 5
• البصمة : 5 من 5
• تبريد المكيف = 5 من 5

خارجية السيارة /
• شكل الواجهة : 4 من 5
• شكل الخلفية : 3 من 5
• شكل الجنوط : 5 من 5
• قوة وتماسك البودي والصدام : 5 من 5
• ثبات ورساوة السيارة : 4 من 5

ماكينة السيارة /
• القير =  2,5 من 5 ( بسبب عدد الغيارات ٤ فقط مما يؤدي لارتفاع الآر بي إم وصوت الماكينة ) 
• العزم وقومة السيارة = 2,5 من 5 ( جدا سيئة بالقومة ، يمكن بسبب مانع الانزلاق ) 

معاملة الوكالة ( عبداللطيف جميل ) ما بعد البيع /
• هل يصلحوا لك العيوب المصنعية على الضمان ؟ لا ، ما فيه ولا موظف وما احد يعطيك وجه ، جلست عندهم من ١٠ ص الى ٧ المغرب من موظف لمدير ، تطاردهم ، الا اذا كان بتصلح على حسابك كلهم عندك واقفين
• هل ينفع بلاغ وزارة التجارة معهم ؟ مستحيل ، تم البلاغ عن عيب مصنعي لم تستجيب الوكالة لاستقباله ، والنتيجة صفر
• أسعار القطع والصيانة ؟ جدا مرتفعة ، غيرت أقمشة وهوبات فقط ، بتكلفة ٤،٤٠٠ ريال وسعر الصيانة الدورية حقت الـ ٢٠ بـ ١١٠٠ ريال فقط زيت وسيفون وفلتر مكيف .










إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


أخطأت بتغيير الاقمشه وشراها من الوكالة في وكلاء معتمدين تقريبا اقل بنص القيمة من ابو جميل الله يهديك بس ترى حتى الضمان ما يسقط عليك تعميم من الغرفة التجارية له اكثر من سنتين تقريبا عندك بناشر معتمدة مثل بترومين + التميمي وايضا يقدرون يفيدونك الوكالة فيهم لو تسالهم ما يقدرون ينكرون حقيقة المفروض تغيير الاقمشة ما يتجاوز مع شغل يد 500 ريال لو خارج الوكالة !!!!! 


up 0 down 0
cresmes007 -8
قبل 5 سنه و 5 شهر



اخي هوبات ما تتغير تنخرط عند اي ورشة 4 هوبات 70 ريال


up 0 down 0
cresmes007 -8
قبل 5 سنه و 5 شهر