تفويض القياده والتامين

إذا كان لديك رخصه و وثيقة التأمين تغطي فئتك العمريه، فنعم.

إذا كان أي من الشرطين لا، فلا يغطيك.

السلام عليكم
اخوي الله يجنبك الحوادث انت والجميع
انا مشتري سياره ومأمنها ومعطيها لولدي 19 سنه عمره ومسوي له تفويض
الاسبوع الماضي صدم واحد والخطأ على ولدي 100%
التأمين شمل الطرف الثاني فقط لانه تامين ضد الغير
اما سيارة ولدي فما شملها

من واقع تجربة 
أغلب خوياني معاهم سيارات بأسماء والديهم و عملوا حوادث و نجم ما ركز في هذه الناحية 

وانا مع عبدالله خالد19 نجم مايدقق ومستغرب هالشيء منه
لو موجود التامين على طول يصور ويعطي المصدوم اوراق
ويقولك امشي توكل المرور افتكره يدقق بالعمر واثباتات ووجع راس

انتبهوا من شغله ..
التأمين ضد الغير لاينظر الى السائق طالما أن عمره 21 فما فوق
يعني اي شخص يسوق اي سيارة فيها تأمين ف التأمين يشمل جميع السائقين بدون النظر لصلة القرابة او الجنسية او ان صاحب التامين هو اللى صدم او لا

لكن في حال المفوض اقل من 21 سنة 
ينبغى اضافته عند شركة التأمين وهنا الورطة
لانهم يطلبو حوالي 2500 ريال تقريبا فقط مبلغ تامين ضد الغير
لكن سؤالي ياراعي الاعلان
هل والدك مسوي لك تفويض قيادة في شركة التأمين نفسها ؟

* انتبهوا يا اخوان .. شركات التأمين بغض النظر عن نجم او غيره
اذا دققت وشافت مافي رخصة او العمر اقل من 21
بامكانها رفض التعويض ورفع قضية على السائق ومحاكمته وادخاله في نظام سمه

الاخ احمد شريف معك حق .. نجم مايهتم في ذي الشغلات
لكن المصيبة لما تسوي لاقدر الله حادث وتنتهي الاجراءات
وبعد 6 شهور يجيك اتصال من شركة تامين يقول لك تعال ادفع التعويض اللى دفعناه
للعميل لانه طلع عمرك اقل من 21 وما انت مصرح لك بتأمين الفئة العمرية

اللي يقولون نجم ما يركز 
اذ كان الخطا على اللي خصمك يطلب منك فقط الرخصه 
اذا مشترك او عليك الخطا يطلب الرخصه والتامين واذا ما يشملك يحرك ويجي المرور
اغلب الناس اذا لا قدر الله وسوو حادث يجي ابوه ولا اخوه مكانه وهذي ماتنفع دايم يمكن الطرف الاخر يعترض 

هذا في نظام مؤسسة النقد ... اذا كانت تحمل رخصة قيادة (سعودية او غير سعودية (لازم تكون مقبولة في المرور السعودي)) والفئة العمرية مثل ماهي مسجلة في وثيقة التأمين
انت هنا في السليم حتى لو السيارة مش بإسمك .... ودمتم
التفويض للشرطة فقط (امنياً ، خروج من المملكة ، ..... )

مشكلة التامين اقل من عمر٢٥ مرتفع سعره

الحل الوحيد انك تاخذ معك صوره من هوية مالك المركبه وتحفظها مع بطاقاتك وتعطيها نجم

018/07/22
أعلنت مؤسسة النقد العربي السعودي "ساما"، عن صدور قرار تحديث الوثيقة الموحدة للتأمين الإلزامي على المركبات، والتي من المقرر بدْء العمل بها اعتبارًا من تاريخ 15 / 12 / 1439هـ الموافق 26 / 08 / 2018م، ومن أبرز التعديلات المُدخلة على الوثيقة الموحدة للتأمين الإلزامي على المركبات أنها أصبحت تغطي سائق المركبة المؤمن عليها البالغ عمره 18 عامًا وما فوق ويحمل رخصة قيادة وذلك خلافًا للمعمول به سابقًا، حيث كانت الوثيقة لا تغطي من يقل عمره عن 21 عامًا، كما تم إضافة التزام على شركة التأمين بإيداع مبلغ التعويض بعد تسوية المطالبة من خلال الحساب البنكي للمستفيد مباشرة عن طريق رقم الحساب المصرفي الدولي (IBAN).