أضف سؤال أو موضوع جديد          

زيت بنفس خصائص بترومين A1 هل تعرفه

up 14 down 3
ابو هيثم 7 2253
قبل 5 سنه



السلام عليكم ورحمه الله 

بالبدايه ياشباب انا من ضمن المتابعين لمواضيع الزيوت بالمنتدى اخر 3 سنوات ولاحظت اشادة كبيرة بزيت بترومين A1  وجربته وفعلا كان ممتاز وفاق توقعاتي بصراحه .

استمريت عليه سنه ونص مااغير الا هو ؟ لين حصلت مشكله بين ديكسوس وبترومين وسحبو اعتمادهم منه .. وطبعا فيه ناس نقول انه انتهى العقد ورفضت بترومين التجديد ؟ المهم ان الاعتماد سحب لمده 6 شهور تقريبا من منتصف عام 2015 حتى بداية عام 2016 

وكثيرررر من الناس جرب زيت بترومين هالفترة وقال انه كثير المشاكل ؟ يعني الزيت تغير عن اللي كنا نعرفه خصوصا انه مشهور بثلاث خصائص ( تخفيص صوت المكينه + زيادة العزم + تقليل استهلاك البنزين ) وللامانه انا ماحببني بذا الزيت الا اعتماد ديكسوس ، يوم انه انسحب منه تركته ورحت أدور على زيت ثاني

للمعلوميه الزيوت اللي تجي بعلامة ديكسوس هي 4 زيوت ( بترومين a_1  + فوكس تيتان سوبر سن + اي سي ديلكو + موبيل 1 ) وجميعها بدرجه لزوجه 5w30 

اي سي ديلكو تخاف منه لانه كثير فيه التقليد ؟ ودام بطارياتهم مضروبه اجل مب بعيده عن الزيوت .. وموبيل 1 كثير الصناعات هذا اذا حظك زين وقدرت تحصله بعد .

مابقى غير فوكس تيتان سوبر سين ، قلت خلني اجربه واشوف ( طبعا انا تركت باقي الزيوت مثل موتر كرافت وشل هيلكس مع انه حق الوكاله ؟ ولاننسى طويل العمر كاسترول لكن انا يهمني اعتماد ديكسوس مع ان سيارتي ليست من انتاج جنرال موتورز او شيفروليه )

جربته 6 مرات اغيره على 10 الاف و النتيجه انه نفس بترومين بالضبط مايفرق بشي ؟ يارجل لولا اني اشوف العامل يركبه قدامي كان قلت انه بترومين اصلا 

نفس كل شي حتى ان الزيتين ماتتتغير ألوانها الا بعد 8500 كيلو .. واغير الاثنين على  10 الاف واشوف باقي فيها نصف اللزوجه ماشاء الله ( طبعا بعد 8 الاف ينقص ربع او نص علبه وهذا طبيعي جدا بسبب تبخر الزيت وليس عيب في المكينه )

حاليا زيت بترومين A1 رجع لاعتماد ديكسوس بدايه من عام 2016 وكان قبلها يغرد خارج السرب لوحده ( تقريبا ) ومتربع على عرش قائمة افضل الزيوت بالسوق ، الان فيه منافس عنيد له وبنفس الخصائص بل ارخص سعر 

الشاهد من الكلام : هذي تجربتي على موتري الازيرا 2014  ويعلم الله اني مااسوق لهذا المنتج او ذاك ؟ لكن حبيت ابين للناس معلومة اتضحت لي من تجاربي الشخصية .. وحاليا اذا لقيت فوكس تيتان اخذته واذا ماحصلته اخذت بترومين وكلهم بالنسبة لي عينين براس .









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


استاذ هيثم بغيت اسالك كم علبة زيت تاخد النترا 2013 مكينة 1.6 مع السفون يعيط العافية على الرد


up 0 down 0
متجر المسـتـقـبل 2030 264
قبل 4 سنه و 3 شهر



طيب الي عنده طقطقه خفيفه اول مايشغل سياره وتحمى وتختفي هل بسبب لزوجة الزيت


up 0 down 0
نواف01 1
قبل 3 سنه و 7 شهر