أضف سؤال أو موضوع جديد          

قدر الله وماشاء فعل محتآج مشورتكم

up 3 down 0
hack1 2915
قبل 8 سنه و 8 شهر



السلام عليكم ورحمة الله وبركاته
أعزائي
اليوم واحد من جيراننا رجل محترم وطيب وأحترمه جدا
المهم تفاجأت اليوم بطرقه للباب وكلم أخوي وقال خلي Hack1 يجي يوخر السياره لأن الوايت بيجي المهم كنت نايم قمت وماتأخرت صراحه عليه
المهم نقزت فالسياره على طول وشغلتها إلا وهو يناديني
نزلت له وقال أنا دقيت سيارتك
المهم شفت الضربه قلت ماجاها شيء
طبعآ هو معاه جيب وفيه الشنكار الي يجي فالخلف وكسر لي زاوية الصدام دخلها جوه
المهم حلف إنه يصلحها قلت له ترى الصدام سعره بالضبط 2400 ريال
المهم قال مافيه مشكله أهم شيء ترجع مثل ماكانت وحتى لو نخيطها قلت والله ماخذ ريال منك
المهم أصر علي أنه يصلحها ولو بالخياطه عند محلات الفيبر



وأنا لي تجربه مع محلات الفيبر قلاس بخصوص الصدامات هم يصلحوها وترجع مثل ماكانت بس أي ضربه وحتى لو كانت خفيييييييييييفه ينكسر أو تتكسر البويه
وثاني شيء إذا خيطتها راح يحطو معجون وبكذآ أدنى صدمه رآح تتكسر البويه 100%


وشـ رايكم أنا صراحه محتاآآآآآآآآآآآآآآآآآآآآآآآآآآآآآآآر

وفكرت إني أبحث عن صدام فالتشاليح
يمكن يكلف مع البويه بحدود 800 ريال

ولا ودي أخذ منه ريال

أعطوني حل










إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


والله اشوف دام الرجال غلطان بقصد او من غير قصد
مجبور يصلح لك السياره لكن دامك سامحته وهو رافض الا يصلحها


توكل على الله واشتر صدام جديد تجاري ورشه باحسن روشه اذا اذا كثرت 150 ، 200 ريال

الا وش نوع موترك


up 3 down 1
وحش الرياض 2022
قبل 8 سنه و 8 شهر



والله ي الغالي أنا مشكلتي فالحياة إني ما أحب أشتري شيء تجاري ولا أحب أشتري شيء درجة ثانيه نهائيا

وهو بالفعل غلطان ولاكن أخاف أكلف عليه لأن السعر غآآآلي


up 0 down 0
hack1 2915
قبل 8 سنه و 8 شهر



انا اشوف اذا الرجال عنده تأمين خلها على التأمين وحاول انك تجيب تسعيرة بصداام جديد واتمنى لك التوفيق


up 2 down 0
ماكسيما 2008 6743
قبل 8 سنه و 8 شهر



طيب تقاسم السعر انت وياه النص بالنص عشان ماتكلف عليه و ترا الصدام كله بلاستيك مايفرق اصلي ولا تجاري


up 3 down 0
كاتم الونات 739
قبل 8 سنه و 8 شهر



والله إنك صدقت ي مكسيما بسأله إذا هو مأمن كويس رآآآآآآآآآآحت عن بآالي
وأنا بشوف إذا مامعاه تأمين وأصر عليه بنتقاسم سعر التصليح

شكرآآآآآ لكم جميعآ


up 0 down 0
hack1 2915
قبل 8 سنه و 8 شهر



حبيبي اهم شي صور الحادث وجيب نجم او لمرور يقررون الحادث وبحيث يكون لغلط عليه مية بالمية وتكون موقف بشكل صحيح وبعدها روح صلح سيارتك على حسابك وانتظر تجيك فلوس التأمين لانها تأخذ وقت


up 1 down 0
ماكسيما 2008 6743
قبل 8 سنه و 8 شهر



محلات الفاير توفر حركه اسمها التلحيم 
طريقه حلوه بدون خيطاه و كلام فاضي و اخرتها معجون 
اسأل عن التلحيم انا سويتها بكامري الصدام انشق علي و كلفني التلحيم زايد رش بويه بدون معجون بـ 500 ريآل 
اسال عنها 


up 2 down 0
عبدالله الشهري1987 2362
قبل 8 سنه و 8 شهر



إن شاء الله يكون مأمن بس

وبالنسبه لك أخوي عبدالله
محلات الفايبر مجربها وربي إذا لحمت صدامات تأكد إنك أنت الخسران لأن بيجي يوم وبتتكسر البويه أو يجيك واحد يسلم على السدام بس وينكسر

بس محلات الفيبر قلاس تصلح فالقطع الداخليه الي ما عليه أي خوف من صدمه لا سمح الله



up 0 down 0
hack1 2915
قبل 8 سنه و 8 شهر



اخوي .. في ممحلات عن محلات .. في منحلات تغش ببلاش و تكلفك فوق مقدرتك .. و في محلات امينه .. مثل المحل اللي سويت الصدام عنده
سوداني زي العسل اميييييين مره 
 يقولي في محلات تلحم و ترش بس لما تسألهم يكذبوون عليك .. التلحيم اخوي اساسا تلحيم داخلي و خارجي .. يعني من النص و و جه الصدام و  خلف الصدام
والله سواها لي و دقيت كمان مره والله ما صار شي ابد .. و شغله فن في فن .. وربي تقول وكآله


up 0 down 0
عبدالله الشهري1987 2362
قبل 8 سنه و 8 شهر



وين التامين بتسامحوهم حرام عليكم


up 0 down 0
البطش 3583
قبل 8 سنه و 8 شهر



أخوي حولها ع التأمين وريح راسك وراس جارك 
تاكد جارك عنده تأمين ولالا 
واذا عنده اتصل ع نجم والباقي راح يوضحه لكم ! 



up 0 down 0
أستشاري الحب 6468
قبل 8 سنه و 8 شهر



والله اذا مامعاه تامين
هذا جار ويكفي انه عطاك خبر
وبصراحه الي كذا ونعم الجار
فانا اقول انك تبيض وجه ابوك قدامه وتتنازل واذا رفض الدور ارخص شي تقدر عليه
حتى لو كان  يضر سيارتك
تراها سياره وحتى مو حديد فيبر لاراح ولاجاء
مكسب الرجال افضل ولا السياره بيجي بدالها سياره


up 3 down 0
بشوش 5096
قبل 8 سنه و 8 شهر



رحت سحبت الي دخل جوه وطلع فيه قطعه أنكسرت وطاحت بحجم الأصبع
بس اليوم بلف على التشاليح وبشوف أسعار الصدام وهو قال بيكلمني ع الظهر
وعلى الله
شكرآآآآآآ لكم جميعا ع الإفاده ودي لكم




up 0 down 0
hack1 2915
قبل 8 سنه و 8 شهر



وعليكم السلام ورحمة الله وبركاته

يالغلا
اذا كان الصدام انعفط الى الداخل فمن الممكن رده لمكانه اذا ما انشق الصدام

في ناس ترجعه محله و بدون تلحيم ولا خياطه

اذكر خالي زاوية صدام سيارته الخلفي دخلت فطلعها بخمسين ريال و الصدام سليم لكن يمكن في اثر بسيط في البويه


لكن اذا ودك تشتري فتقاسم المبلغ
او خليها الين ربنا يرزقك واشتري واحد جديد او مستعمل كلها صدام بلاستيك


up 0 down 0
الفارس المميز 2654
قبل 8 سنه و 8 شهر



ونعم الجار والله وفيك يا صاحب الموضوع 

بس نصيحه لك لا تشتري الا اصلي اصلي اصلي لان التجاري مع الوقت تتقشر البويه وقد حصلت معي وكرهت شيء اسمه تجاري وحتى الفيبر لا تسويه عنده من رايي تشتري صدام جديد اصلي وتقاسم معه المبلغ او اشتر واحد اصلي مستعمل احسن لك بس اهم شيء تاكد انه اصلي لان بعضهم نصابين يجي يبيعه لك على انه اصلي وهو تجاري درجه ثانيه او اولى 

وموفق خير ان شاء الله بس سعر الصدام 2400 اكيد معك الماني هههههههه وتحياتي لك 


up 0 down 0
camry grandi 99 7274
قبل 8 سنه و 8 شهر



المفروض انك يوم سحبته استخدمت استشوار وخليته حار على اعلى درجة ووحطيته على محل الصدمة بشكل دائري من جهة الحواف وواحد يدف بيده وشوي شوي بيرجع زي اول ل والله اعلم


up 1 down 0
ماكسيما 2008 6743
قبل 8 سنه و 8 شهر



صدام 2400 غاليه وش نوع موترك ؟؟؟؟؟


up 0 down 0
نواف 2000 n -101
قبل 8 سنه و 8 شهر



الله يخلف عليك ويرزقك الخير ونعم الرجل نادرا نلاقي زي كذا تستاهل مليون لايك .


up 1 down 0
مستر بن . 10379
قبل 8 سنه و 8 شهر