نقاش اسعار الدداسن المبالغ فيها بالموقع

اذا وصلت ٤٠ ازيد ١٠ واخذ اصفار ١٦ خلها تصدي عندهم ولا هايلكس ٢٠٠٢ مسيوم ٤٥ ولا باع الاشكال هذي لا تعطيها وجه

كم توصل اسعار ال 2006 قزاز كهرب غمارتين؟

صراحه 40 الف كثير مابقى شي عالجديد 
انا في نظري سعر النظيف مايتجاوز 30 

مبزة نيسان .. يعطيك شي رخيص .. 

يعني ددسن او هايلكس  بالعقل منت ماخذه تكشخ .. تبي تحميل عفش او للنفود 
نبسان معطيك غماره فل كامل اصفار مكيف ب 50 الى 53 الف فقط غمارتين توصل 58 الى 60 الف فل كامل وطبعا اتكلم عن معارض حايل 

اللي ممشي الددسن سعره المعقول .. مكيف وتحمل الكرف وبدي قوي بسعر رخيص 
لكن اللي بموقع حراج يتهمجون العالم باسعارهم 

وكم توصل اسعاره انا معي حدود ال 23 احصل 2006 فل كامل

مع الاسف هذي اسعارها قبل سنتين ال 2004 يباع ب 37 الف بس نصيحه تبي ددسن فك جديد لو اقساط قسطة 800 ريال وفيها على يدك واكرفه على كيفك ماتحصل شي الا مكروف حتى لو كان نظيف وبعدين الددسن والهايلكس سوقها طول السنه وسيارات مافيها خسارة وزبونها جاهز النظيف منهاا 

23 الف تجيب لك 2001 كربريتر بعد ال 97 الددسن يباع ب 30 و26 ومع الاسف هذي اسعار السوق اتكلم عن النظيف المعدوم تحصه ب 15 الف 

اقساط مابي بعدين ياخوي حنا شارين 2003 ب 20 ماتوقع 2001 توصل كذا

اقساط مابي بعدين ياخوي حنا شارين 2003 ب 20 ماتوقع 2001 توصل كذا

يا طويل العمر زميل لي توه طاق ام عزيز 2008 فل الفل ورده ب 26 الف وبيني وبينك كنت اتوقع سعرها مبالغ فيه لكن بعد موضوعك هذا شكل الرجال صادها الله يبارك له فيها .

ماشاء الله الله يبارك له

انا بايع   2003  غمارتين  قزاز هندل  دركسون هوا  ،   تنقص   
فيها رفرف  فقط  ،،  بعتها بعد جهد وجهيد   22  
بعد  شهررررر  من تسحيبها  للحراجات  وتوقيفها بالمعرض 
قبل  كم شهررررررررررر     سعرها   حدود  26    او اكثرر قليلا  لاكن السوووووووووق طايح

حصلت  ايضا  2009   اتوقع ماهي جي ال  ،  

غمارتين  يقول نظيفه  ، ولاتنقص  تسام  25

2001  موجود  غماره باعلاني    ب13