التاجير المنتهي بالتمليك هو فعلا مجاز شرعا ؟

الحلال والحرام له مختصين بقررو فيه 
لكن المنطق يقول انه نظام سيء جدا والفائده فيه فاحشه لدرجه الفجر
والتأمين لصالح الشركه وتدفعه انت 
والفائده علي كامل المبلغ بدون خصم الدفعه الاولي ما انصح اي حد به نهائيا 

هالنظام ماكان فيه في عهد ابن باز الله يرحمه
من بعد وفاة ابن باز ظهرت هذي الامور بشكل فاحش وعلني 

وعاد افهموا السبب ليه 

أخوي بيع التقسيط ما فيه مشكلة و أجازه الرسول الكريم (اللهم صل على سيدنا محمد و على آله و صحبه و سلم) لكن بشروط و منها أن يكون البائع يملك السلعة تملك حقيقي و ليس تملك على الورق لذلك بيع الوكالات ليس فيه شبهة ربا بعكس بيع البنوك
المصدر
http://www.shubily.com/index.php?news=53

^^^
طيب من هذا اللي يقسطك شي ويكون ملك لك
كل الشركا والبنوك ماتقسط سيارة الا تكون انت غير مالك لسياره فقط مفوض

هنا المشكله ؟

شرط بيع التقسيط الصحيح هو أن يكون البائع مالك السلعة و ليس المشتري و يتم البيع بمجرد انتهاء فترة التقسيط و دفع قيمة الأقساط المتفق عليها
لكن البنوك تطلب من الزبون يجيب عرض سعر للسيارة المطلوب شراؤها فيقوم البنك بشرائها من الوكيل أو المعرض على الورق و بشكل صوري غير حقيقي ثم يقوم بعمل عقد بيع بالتقسيط منه (أي البنك) للطرف الثاني و هو الزبون

نصيحه ابعدو عن ايجار التمليك مافيه بركه 

كل يوم سامعين واحد اخذ سياره ايجار تمليك ياتالف ياكل يوم مصيبه

اللي مضطر ياخذ قرض ويروح للوكاله سيدا وياخذها كاش 

فيه فرق بين التقسيط والتأجير
التقسيط تكون السياره باسمك وملك لك تقدر تتصرف فيها تبيعها زي ماتبي
التأجير السياره ماهي ملك لك ملك للشركه او البنك وماتقدر تتصرف فيها واذا تأخرت بالسداد يسحبوها منك 
وبالنسبه لحكم التأجير اكتبو فاليوتيوب حكم التأجير وبتلاقي شيوخ كثير يتكلمو عنه

السلام عليكم,

بصراحة ما جربته وان شاء الله ما احتاجه.  الله يرزقني بسيارة كاش من الوكالة.  انت جرب وشوف حراج.كم  وشوف التنازلات

اللي تصير على السيارات.  سيارة تكون مو ماشية شي غير بس ألف كيلو و يمكن اقل.  هذا كلله بسبب الفوائد العالية اللي تكون

مع الأقساط وان اصحاب السيارات هذي محتاجين لسيولة, الله يعطيهم ويعوض عليهم.  البنوك فوايدها في 3 في 1 و في تحصل توصل 4 % لكن الشركات العادية مثل اليسر و تأجير هذولي يضرب 

فيهم المثل بالشركات الشافطة للفلوس.  اليسر و تأجير فوايدهم عالية مقارنة بالبنوك توصل 11% و يمكن أكثر.

لهذا السبب التأجير المنتهي بالتمليك حرام شرعا.  حتى لو جا شيخ ويقول لك حلال أنا مالي خلق ادخل في الديون منطقيا ما راح

ادخل فيها.  لو بطلع سيارة وكالة يا باخذ قرض من البنوك بسعر السيارة و بكذا تكون السيارة لي ولا البنك ولا غير البنك له سلطة

علي في سيارتي اروح وآجي فيها وين ما أبي.  أو باخذها أقساط وليس تأجير منتهي بالتمليك يعني تكون سيارتك باسمك بس في

شروط محددة بين العميل و البنك في هذه المسألة.  و على قولة الشباب "مد لحافك على قد رجليك" الحمد لله ربي منعم علي بسيارة تخدمني

لين يفرجها لي ربي واقدر اطق واحدة ان شاء الله كاش. 

المشكلة الي راتبه اقل من 5000 ماامديه يطلع قرض
وانا مجرب هذا الشي  ولا اكيد تشتري كاش احسن من الاقساط والديون 
والمشكلة الواحد يحتاج السيارة بشكل يومي عمله بعيد ومشاوير والسيارة القديمة
ماتجمل معه ولا معه سيولة هنا ينحد بقوة على التاجير المنتهى بالتمليك.......... الله المستعان

الحل الوحيد للفرار من الشريطيه ( الشبيحه ) يضاعفون عليك السعر ويغشونك ومعامله سيئه

فمهما كان وضع الايجار افضل 100 مره من الشراء من الشريطيه

الي يقدر يشتري كاش او عنده ياخذ قرض من البنك
او
ياخذ تاجير منتهي بالتمليك ولا ياخذ من الشريطيه

+1 لايك للجميع

أنا أخذت سيارة تأجير منتهي بالتمليك من عبد اللطيف جميل

في الحقيقة وبغض النظر عن حكمه الشرعي النظام هذا فيه غبن للمشتري وتلاعب وأكل أموال الناس بالباطل بشكل لا تتصوره

لو كنت صاحب قرار لمنعته من باب درء المفاسد مقدم على جلب المصالح

التأجير المنتهي بالتفليس

اذا فيه من قال انه حلال وفيه من قال انه حرام شوف الادله عند كل واحد ويبين

اشوف اذا مضطر خذ قرض 20000 الف واشتر فورد خفيف على الجيب وحلال 100%

حرام حرام حرام رضوا اصحاب المصالح او زعلوا 
والمصايب وكثرة الحوادث ما صارت الا بعد نظام الاجار المنتهي بالتمليك والتامين 
ولو رجعنا الئ الشيوخ الي صادقين مثل ابن باز لعرفنا وش جوابه  
لاكن الانفس صار الحرام عندها هين وتقول وش نسوي مجبورين 

حرااام  لو كان فيه اختلاف بين بعض العلماء لكن مايطلع من الشبهه
الواحد يتجنب الشبهات ويغنيه الله 

صحيح فيه ناس تنحد عليه لكن التساهل بالحرام واني مضطر ومن هالكلام مصيبه 
اكثر الناس اللي تأخذ تأجير منتهي بالتمليك مو مضطرين والدليل يتنازل عنها بعد سنه او شهور !

ابعدوا عن الحرام ياناس والله سيارة ب15الف حلال افضل بمليووووووون مره من التأجير المنتهي بالتمليك

لوهو ماهو حرام ماتكلمو الناس عنه ابد
والااثم ماحاك في الصدر او خفت ان الناس يشوفونك
وهذا التاجير المنتهي باالتمليك يحك بصدور الناس
وبس يتكلمون فيه
واحد يقسط بطاقات سواء حاطهم في البيت
من جاء عطاه وكتب عقد تقسيط 
اقوله ترا لو تعطيه فلوس افضل من انه يروح يخصمون عليه
هاالمسكين كم بطاقة لاجاء يبيع البطاقات
تدرون وش يرد علي الفلوس باالفلوس حرام
طيب الله حرم على اليهود الشحم وراحو ذوبو الشحم وقالو حلال
يعني انت رايح جايب بطقات سواء بدال الفلوس 
المشايخ يقلون مافيه احد يقرض قرض حسن 
واجازو بعض البيع باالااجل بس ماهو باهاالطريقة
الناس صايرة ماتتورع عن شي جيب فلوس وخلصنا
وباالتوفيق للجميع

http://www.saaid.net/fatwa/f29.htm

حكم التأجير المنتهي بالتمليك

اعلم الناس بالربا علماءنا ..... راجع فتواى العلما ء راح تعرف الحكم و بالدليل 

محد راح يحله لك الا انسان جاهل او غاشك او صاحب مصلحه فيه 

عندك موقع اللجنة الداءمة للافتاء .
ادخل على قوقل واكتب عنها يطلع لك موقعها على الشبكة  اكتب فيه سؤالك . وتلقا الجواب   الكافي

 

قال علية الصلاة والسلام في ما معنى الحديث "استفتي قلبك"

يعني انت راح تعرف حكمها بمجرد ما تسئل نفسك "هل هذا الشي بينفعني ولا له ضرر كبير ليا؟" و من هذه الاسئلة اسئل نفسك 
قاعدة شرعية حطها لنا الرسول علية الصلاة والسلام 

اسئل الله سبحانة ان يفرج همكم ويرزقكم من حيث لاتعلمون وان يستر عليكم .. ويرزقكم يارب ..ولاتحتاجون هالقروض يارب ..ورحم الله الديكم .