اشتري اي سلعه بدون خوف سيارات اجهزه كهربائيه وغيرالك

بكذا راح تصير مشاكل , كيف احول مبلغ ونا ما استلمت شئ وش الضمان حتى لو الموقع الله يصلحك بروح المحكمه اقول يعني والله انا اعطيت الموقع فلوسي ؟؟
صدقني الفكرة هذي يبي لها تفكير اكثر , عفوآ

احسن من كذا يتم ادخال طرف ثالث يكون من الاعضاء المتفرغين او العاطلين يكون مسئول عن منطقه الرياض مثلاً يقوم بالترتيب بين البائع والمشتري بمعاينه الغرض المراد شرائه ويصوره او يوضح لك انه مطابق وكل شي تمام بعدها يتم تحويل المبلغ من قبل المشتري للبائع ويقوم المندوب
بتوصيل طلبك اما بالبريد او عن ريق شركات النقل المختلفه ويسلم غرضك ويرسلك رقم الطرد ويكون له عموله يتم الاتفاق عليه بينه وبين الشاري ..ويتم منح الاشخاص الي راح يقومون بالعمل كمندوبين عضويه خاصه بشرط ان يتم ارسال صوره من بطاقه الاحوال على الاداره ويوضح المنطقه الي راح يعمل بها واقصد بالعضويه الخاصه يكون اسمه بلون مختلف عن الاعضاء ويكون لهم خانه توضح اسم المندوب ومنطقته ورقم جواله

تقصد " وسيط " , الوسيط فكرة جميلة حقيقةً لكن ينقصها شخص متفرغ ..

اخوي السآهي الكلام الي تقوله هو الي نبي نصححه كيف ابي ارسل فلوسي وتجيني السلعه في ناس فيها الخير وان شأالله انك واحدمنهم ولاكن في ناس انسالابتجيك سلعتك ودورعاد لاكن حنانبي شركه عند استلام السلعه تستلم فلوس البائع بدون تعب ولاينتضر علم الغيب اخوي الباشا606كلامك زين بس الفكره يبيلها شغله وتكاليف على الموقع وشغلة الشركه ابسط واضمن واريح للبائع والمشتري والموقع ومعمول بها في كثير من المواقع مثال سوق كوم

الخ عمله نادره لاتحتاج وسيط ولاشي شركات التوصيل كثيره وعندهم نفس التعاملات ومتداله بكثره ولكم تحياتي

قصدك ييكون مثل موقع سوق لاكن لابد تضيف قيمه الشحن 

والله كثير ماعندهم مشكله في قيمة الشحن مادام انها آمنه

انا معك انه فيه شركات توصيل لاكن مقصدي هل تضمن ان يكون الغرض او الشي الي شريته مطابق لكلام صاحب العرض اوضح اكثر عرض شخص جوال كمره بسعر 500 وشارط عليك انه مافك من قبل الصيانه وانه شغال 100% وتحول له الفلوس ويرسلك الجوال عن طريق شركات التوصيل واذا استلمته انت تتفاجا انه مايشتغل او مكسور او مفكوك والكمراء عطلانه وووو
لاكن لو كان فيه وسيط يشيك عليه عند اي محل ويعطيك الخبر قبل التوصيل وقبل تحويل المبلغ وتكون ضمنت بعد الله الجهاز كويس .

وتوضيح بخصوص الوسيط راح تنفع ابناء ديرتك العاطلين الي ودهم يشتغلون ويستفيدون احسن من الجلسه .

والله فكره ممتازه لاكن سياست الموقع هي الي تفيدك ولك على الخاص رد

موضوعك مفيد ولكن يبيله شغل طويل عريض ..

الفائده تسهل الشغله الطويله صدقني لو عملنا بهذه الطريقه واخذ الايجابيات وترك السلبيات فيمايتعاملون به في الاسواق الاخرا راح تزيد بيعات الموقع ويتزيد المصداقيه وراح يكون عالميا

الاخوان الاعزاء اشكركم علاتفاعلكم وانت ياالباشا انتقادك في محله لاكن عند استلام السلعه تقيمها زانت دفعت مازانت تعودالسلعه علا راعيها اذا الخلل مقنع منت ملزوم