أضف سؤال أو موضوع جديد          

قصتي مع المكيف والخساير

up 32 down 4



السلام عليكم ورحمة الله وبركاتة




الموضوع عن مكيف السياره 




طبعاً السيارة اكسنت11الشكل القديم 




قدر الله وخرب علي الكمبروسر 




وقررت اشتري واحد جديد 




رحت لوكالة الوعلان وشريته ب1900ريال




ورحت لمحل مكيفات  وياليت مارحت له 




واحد بكستاني قالي اخذ شغل يد تركيب 




وتنضيف دائره التبريد المواصير والرديتر والفلتر




وتعبئة فريون اصلي 350ريال قلت له توكلنا على الله 




الساعة 8الصباح وقفت عنده وبدا يشتغل 




وماخلص الا الساعه3العصر هذا يعتبر انه 




مايعرف يشتغل المهم ركب الجديد وعباه فريون 




وشغلت السياره والمكيف ماشاء الله التبريد ممتاز جداً 




لاكن المكيف مايفصل ابد تحجر المواصير ومايفصل 




خليت السياره نص ساعه شغاله والمكيف عيا




يفصل مع ان السياره بارده جداً والمواصير ثلج 




وامشي بالسياره ونفس المشكله مايفصل 




قالي الحساس خربان  الي يخلي الكمبرسر يفصل اذا بردت السياره 




ورحت اشتريت الحساس ب90ريال 




مكانه يركب تحت الدرج الي عند الراكب 




المهم وركبه ونفس المشكله المكيف مايفصل ابد




المهم عطيته فلوسه ومشيت 




رحت لمحل ثاني قالي اركب لك ثرموستات خارجي 




على المواصير ويفصل المكيف اذا طبيعي 




المهم وركب لي الثرموستات مدري الترمستات اسمه 




زي كذا وشغلت السياره والمكيف يفصل بعد ماتبرد السياره بس اذا فصل ينزل ضغط المكينه وتطفى السياره 




المهم حاسبته ومشيت وبعد اسبوعين مريت 




محل مكيفات شغال فيه بنقالي وقلت له السالفه كامله 




قالي افتح الكبوت وشغل المكيف 




وشيك على الفريون قالي هذا الفريون زايد 




بالمره. وهو السبب الي مايخلي الكمبرسر يفصل 




انا ماصدقت كلامه قلت له يالله نقص الفريون 




وفكت الثرمستات الخارجي وخله يفصل زي نظام الوكاله 




وطلع نص الفريون وشغل السياره الا قسم بالله 




رجع المكيف طبيعي يفصل ويشبك نفس نظام الوكاله 




والسبب كان ان الفريون زايد في الكمبرسر 




مع ان البكستاني يقولي الفريون ممتاز 




ومافيه زياده ولا نقص احتمال ان الساعه 




الي عنده خربانه فاانتبهو ياشباب 




وان شاء الله انكم تستفيدون 




ولا تنسون اللايكات وفي امان الكريم 




اخوكم ابوسعود 




واسف جداًً على الاطاله 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


صارت نفس السالفه معي بتريل بليزر و طلع الفريون زايد فعلا اخوي المكيف يحتاج وزن فريون بالملي عشان يشتغل صح انا شفت بترومين اللي على الدايري مخرج 14 عندهم جهاز كامل يسحب الهوا و يعبي الفريون نفس معيار الوكالة و شغلهم نظيف جدا 


up 3 down 0
khalil zorgui 92
قبل سنه و 8 شهر



صحيح كلامك ولازم ننتبه لهذا الشي وان شاء الله 

الكل يستفيد من الموضوع انا ماحطيت الموضع الا 

للفائده. والله يوفقكم جميعاً 


up 1 down 0



اخوي كانك بالرياض ممن وصف المحل 

لان عندي ورولا جننتني بالمكيف 


up 0 down 0
طالب رضى الرحمان 209
قبل سنه و 8 شهر



المحل في النسيم الشرقي  بعد مستشفى الازهار 

تحصل محل قديم فيه بنشر محل زيت وفيه محل مكيفات 


up 0 down 0



اسم الشارع شارع الحمزه ابو هريره انت اسئل عن مستشفى الازهار 

والمحل بعده مباشره 


up 1 down 0



كيف تحاسبهم ومشكلتك ماانتهت؟

ماحلوا مشكلتك ليش تدفع لهم الحساب؟

هذا اللي خلَّى بعض العمالة يشتغل سواء يعرف او مايعرف لان متأكد انه بالاخير راح يأخذ حسابه سواء حل المشكلة او ماحلها


up 7 down 0
دكتوراه في الحب 259
قبل سنه و 8 شهر



صحيح ماحل المشكلة واقدر امشي وماعطيه ريال 

لاكن ماودي اكل حق تعب اي انسان على وجه الارض 

ما انحلت المشكله بوقتها لاكن تعب. ولاودي اكل تعب احد 

والفلوس  تجي وتروح. والعوض عند رب العالمين 

وشاكر لك مرورك 


up 9 down 2



هذا مشكلتنا مع العمالة تعب ماني ماكل حقة هذا مسكين وضعيف
والله لوانت بموقفه ان يخش بعينك
انا مااقول العب عليه واكل حقة
انا اقول انفاق بيني وبينه 
اما سالفتك تحاسب وتمشي سلامات الطيبه الزايدة تضيح الحقوق
بكل مجال 
نتمنا صيف جميل للجميع


up 6 down 0
باترول 2020 2161
قبل سنه و 8 شهر



زين حاسبت ومشيت
ولا يزيدوا يفتوا على راسك ويستنزفوك بجهلهم
وتقعد تولف وتتبهدل


up 4 down 1
ربيع الأول 326
قبل سنه و 8 شهر



الحين كمبروسر الاكسنت ب1900؟؟  

انا مغير كمبروسر افلون ب1800 


up 3 down 1
محمد الحربي... 144
قبل سنه و 8 شهر



الله يوفقك الجميع ويرزقكم 

اسئل الله العلي العظيم ان يوفقكم ويرزقكم 

ماتتمنون ولنا لقاء في موضوع اخر 


up 0 down 0



صحيح كلامك وسارتلي قبل فتره نفس السالفه  انتبهو انتبهو يا شباب من زياده الفريون خل العامل يعبيلك فريون بقدر الوكاله اذا زاد الفريون يسبب تهريبات بالليات ويسبب خرابات بالكمبرسور ويطلع صوت حنه
فيه بعذ الناس يقول للعامل زود الفريون على باله بيبرد اكثربشوي هو صحيح يبرد اكثر لكن يعدم الدنيا 


up 3 down 0
abood-111111 243
قبل سنه و 8 شهر



الحين كمبروسر أكسنت ب١٩٠٠!!!!!      والله أني سألت عن كمبروسر مازدا ٦ موديل ٢٠١٢ ب١٦٠٠ريال ، ويقولولك قطع الهيونداي رخيص على إِيش مهو رخيص الا التجاري ولا الأصلي في بعض القطع في الكوري نااار


up 2 down 0
atlas2535 75
قبل سنه و 8 شهر



1900 من الوكاله الشركة نفسها خريص مخرج13

لاكن بالمحلات برا الوكاله فيه كوري اقل من الوكاله بدرجه
ب800ريال 

بس قلت اخذ اصلي بوقتها كان مع نزول الراتب والحمدلله 




up 2 down 1



ووأنت من جدك تمشي وتدفع للي يتعلمون بسيارتك فلوس ،، أمش على عشرة وخلهم يقولون لك وش أفضل ،، وبعدين شف أحسن حل من بينهم ،، لاتخليي الناس تتعلم بسيارتك ... 


up 4 down 1
محمد9210 -36
قبل سنه و 8 شهر



صدقت يامحمد 

بس اخذت درس ماانساه  وان شاء تستفيدون 

وما تخسرون مثلي وبالتوفيق للجميع 


up 2 down 0



اخوي الله يعوضك لكن فعلاً شرعاً مو صحيح انهم ياخذون شي وهم ماحلو مشكلتك .. ولا تخاف من اكل حق احد .. لان هذا حق كفله لك الشرع والقانون .. انت ما جيت الا علشان الاصلاح ... ولو قعد فيها اسبوع ولاعرف يصلحها ما ياخذ شي لانه ببساطة ما حل مشكلتك وترى المتضرر انت لأنه اخذ من وقتك ... ادري بعض الناس مثلك يخافون لكن بس حبيت اقول لك انه خوف في غير محله ... ومثل ماقال بعض الاخوان وهي نقطة حقيقية .. كثير من هالعمالة يتعلم على سياراتنا ونعطيه فلوس لذلك تحصله وان كان ما يعرف يطق صدره ويقول لك تعال وان جات معه جات وان ماجات اسم انه حاول وهو عارف انه في الحالتين بياخذ فلوس ... هل تعتبر هالكلام منطقي!! أكيد العاقل يقول لأ


up 1 down 0
turkiq 162
قبل سنه و 8 شهر



صدقت  وان شاء الله. نتعلم 


up 0 down 0