رجعت سيارة لشخص ولم يعيد المبلغ؟؟

13 4

لايمكنك التصويت حتى الحصول على 20 نقطة على الأقل
إضغط هنا للإخفاء

abuomarr 225
قبل 8 سنه

السلام عليكم ورحمة الله وبركاته

اخواني الكرام
انا من فترة شريت سيارة من صديق لي واتفقنا على كل شي
واعطيته ثلثي المبلغ والباقي بعد شهر
بعد استلام السيارة طلع فيها مشاكل وبتكلف كثير
فقال لي صديقي ارجع السياره وهو بيرجع لي المبلغ بعد ما يبيع السيارة
لأنه على كلامه استخدم المبلغ في مشروع
وافقت وما حبيت اضغط الرجال 
مر ٣ شهور تقريباً وانا انتظر 
والرجال اعرفه شخص نزيه ومن طلبة العلم ،، وكل مره اقول له عن المبلغ يقول ان سيارته الى الان ما انباعت

قبل اسبوعين تقريباً قلت له اني امر بظروف صعبه ومحتاج للمبلغ
ووعدني انه يدفع لي خلال اسبوع كحد اقصى 

الرجال الان لم يسدد ولا يرد على رسائلي واتصالاتي 
والمشكله انه ساكن بمنطقه بعيده عني حول ٤٠٠ كيلو
طبعاً انا عارف انه يمر بظروف ولكن انا ايضاً امر بظروف 
وكنت اتمنى لو انه اتصل وقال لي انه تعسّر عليه المبلغ 
افضل من انه يسحب علي وكأني جدار 
والله شي يغبن يا جماعه .. تخيلو ارسل له اقول لا تحول لي فلوس بس طمنّا عليك ليش اختفيت
وانا متأكد ١٠٠٪‏ انه يقرا الرسايل
لكن ما ادري وش جاه 
ولا ادري وش العمل 
والمشكله اني مديون الان ولازم اسدد للناس وصديقي عارف
ولا اقدر اخذ قرض 
وانا اعرف بيت الرجال وبيت ابوه .. ولا ودي اكبر الموضوع خصوصاً ان فيه احتمال ٩٠٪‏ ان ابوه يقول مالي شغل

وتواصلت مع قريب له .. رد علي المره الاولى وقلت له السالفه
بعدها صار ما يرد 

حسيت ان صديقي قرر يجحد المبلغ
.
.
.
معليش الموضوع غير مرتب لكن والله اني منغبن والهم ماكلني حتى ما اجلس مع اهلي وانعزلت بغرفتي ولا ادري وش اسوي

ادعو لي ان الله يفرجها علي ...

إبلاغ

الردود