أضف سؤال أو موضوع جديد          

سير التايمن والمكينة

up 17 down 4



السلام عليكم ورحمة الله وبركاته 




الموضوع عن سير التايمن 




يااخوان  سير التايمن مهم جداً في السياره 




واذا قدر الله وانقطع راح تتكسر البلوف 




وتقفل المكينه وتظطر توظب السياره 




فيه بعض السيارات يجي جنزير مايتغير 




وبعض السيارات يجي ربل سير عايدي 




هذا هو الي يتغير كل 80الف بالكثير 




طبعاً الاكسنت سيارتي غيرته قبل شهرين 




سير مع الشدادات ومع شغل اليد 350ريال 




حصلت قصه ل احد اقاربي معه نفسي سيارتي 




اكسنت كان مسافر من الرياض ل ابها 




قبل مايوصل الطايف خبطت المكينه طفت عليه وهو يمشي 




وداها لورشه وطلعت البلوف قافله متكسره 




والسبب سير التايمن انقطع لانه ماكان يعرف انه 




يتغير بعد ممشى معين واظطر انه يوظب المكينه 




فاانتبهو من هاذا الشي لانه مهم جداً 




والي حاب يعرف ويتئكد ان السير الي في سيارته




ربل  او جنزير يروح اي قطع غيار وعطه الاستماره




وخله يشيك برقم الهيكل ويعلمك هل هو جنزير 




او ربل. اذا كان ربل فهو المقصود انه يتغير 




والله يوفقني وياكم 




ولاتنسون اللايكات وفي امان الكريم 




اخوكم ابوسعود 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


لك لايك وفعلا موضوع مهم والله يعين راعين الربل اما الجنزير يا انه وحش من اسمه شغل وامشي ولا تحاتي هذا الي صاير في الجمس معنا هههه

جزاك الله خير


up 1 down 0
mohammed1368 154
قبل 5 سنه



سير مع الشدادات ومع شغل اليد 350ريال ...ممتاز


up 2 down 0
dell2012 1035
قبل 5 سنه



صدقت والله الله يجزاك خير 


بعض السيارت غالي سعره والتركيب 

اخوي عنده كامري2002 غيره تقريباً حدود ال450او اكثر 

ناسي والله بالظبط  


يا خوي انا غيرت السير قبل ثلاث اشهر بسبب التصفير و الان 
رجعت نفس المشكلة لما ادعس بنزين يطلع صوت تصفير 
تتوقع وش المشكلة؟؟


up 2 down 0
0بلبل 0 -139
قبل 5 سنه



التصفير احتمال انها السيور العايديه 

مثل سير الدينمو وسير المكيف 

احتمال فقط لانه حتى هي تطلع صوت 


وعليكم السلام ورحمة الله وبركاته 

موضوع مفيد 
شكراً للتذكير +1 

تقبل مروري 


up 0 down 0
starting 1043
قبل 5 سنه



العفو  حياك الله اخوي 

وان شاء الله تعم الفائده على الجميع 


سؤال عن التصفير .... ايش السبب بالضبط فيه


up 0 down 0
honda 2014 525
قبل 5 سنه



موضوع مهم
بس غريبه مافيها لمبه تحذيرية سيارتك 
الاندكروزر الثمان سلندر يجي سير التيمن ربل
اذا مشا 150 الف تولع لمبه تحذيرية عشان يتغير 



up 0 down 0
باترول 2020 2624
قبل 5 سنه



سير الاكسنت كل 80 الف او 3 سنوات ايهم اسبق 
و تقدر تعرف انه ربل او جنزير من غطاء صدر المكينة اذا كان بلاستيك فاهو ربل و اذا حديد فهو جنزير .
السير ب 104 و الشدادات تقريبا 110 و شغل يد 150-250 حسب المنطقة و مكان الورشة 


up 1 down 0
khalidoo 1167
قبل 5 سنه



أنا غيرت سير التايمن لسيارتي السابقة ميتسوبيشي ونيت سعره مع الشدادات بأكثر من 600 ريال مع شغل اليد 900 ريال . 

جميع سيارات الميتسوبيشي تجي سير تايمن ربل . 


up 2 down 0
النهراني 271
قبل 5 سنه



موضوع مهم تسلم ع الطرح
وما ادري الماركيز 2011 هل هو يجي ربل او جنزير ياليت تجاوبوني 


up 0 down 0
yasser alyasser 593
قبل 5 سنه



الله يسلمك والموظوع للفائده 

بالنسبه للماركيز. والله مااادري بس 

اتوقع انه جنزير  وتقدر تتئكد بنفسك روح لقطع الغيار 

وعطه رقم الهيكل ويعلمك كذا تتئكد وتتطمن بنفس الوقت 

او اتصل على الوكاله وعطهم موديل السياره وهم يعلمونك 


طيب الفتك وشو بالله ؟
2003
سير ولا ربل



up 0 down 0
أبو ثامر 1982 118
قبل 5 سنه



الفتك يجي ربل ويبي له وقت لان محله صعب شوي ..... بس تراه يتحمل الفتك سيارتي 2002 فتك من يوم طلعتها وكالة الى ان بعتها ماغيرته ووصل الممشى 200 الف .


up 1 down 0
الفراعنه 315
قبل 5 سنه



انا سيارتي كورولا 2013 ويجي جنزير غيرته برمضان اللي طاف لانه يطلع صوت قرقره والصوت يزيد بشكل ملحوظ ولمن غيرته راح الصوت تماما ورجع عزم السيارة 

الحين رجع الصوت نفسه ع خفيف ويزيد كل فتره 

وش الحل ؟؟

اغير الشدادات بس ؟؟


up 0 down 0
coco13 894
قبل 5 سنه