السلام عليكم ورحمة الله وبركاتة

اذا لك رغبة بالكليات العسكرية لوزارة الدفاع للضباط الجامعيين فتح التسجيل الموحد لها من الاحد الماضي
 وبمعدلك هذا تقبل لكن يحددها الطول والفحص الطبي وايضا مطلوب قدرات للجامعيين

الكلية الامنية الدفعة الحالية عدد مهول ومن جميع التخصصات تقريبا 2000ضابط ويفتح القبول فيها نهاية 7 اوبداية 8 وايضا مطلوب قدرات للجامعيين

التعليم لازم دبلوم تربوي ونقصوا عدد المقاعد الى 50% بأمر من الوزير العيسى ,وتنجح في كفايات التخصص والعام 


اتمنى اني افدتك وتخصصي نفس تخصصك وخضت التجربة السابقة كاملة ,وزارة الدفاع,الامنية ,وحاليا التعليم 

وسأل الله التوفيق والسداد لي ولك ولمن يقرأ.

خذ سنة تربوي وقدم على التعليم وصر مدرس ، ترا المدرسين أكثر ناس مدلعين ماغير تبطح ونوم وتميس

وعليكم السلام ورحمة الله وبركاته

كل التقاديم الان أصبحت على جداره

اهم شي تختبر اختبار الجامعيين واختبار المعلمين والتقييم المعرفي

ماعد فيه توزيع ملفات فقط كل اللي عليك تتابع إعلانات وزارة الخدمة المدنيه

بالتوفيق لنا جميعا

واذا رغبت التعليم فالتعليم حلو وناجح , بشرط البيئة الممتازة والمريحة 

الله يجزاكم خير يااخوان وبيض الله وجيهكم

ووجهك ,وبالتوفيق 

الله يوفقك يآرب ويرزقك بالوظيفه الي تسرك.
ويوفق كل من يقرأ عقبالي باقي لي ترمين ع التخرج

استخير ورزقك مكتوب وقدم في جميع الوظائف الي بتخصصك واغلبها في التعليم

انا حاليا اول سنه في الجامعه نصيحتي خلك مدرس اذا تبي مدني

اذا تبي عسكريه عندك الامنيه وعموما وزاره الداخليه يبيلها واحد يكرف وشتغل وتكون عنده لياقع

او شوف كليه الملك خالد للحرس الوطني 

و الحرس الوطني راحه لكن الرواتب اقل من الامنيه ونصيحتي خذلك 
دوره مكافحه ارهاب تساعدك من ناحيه الخبره وزياده في الراتب
واصلا الدوره رائه وجميله عن تجربه

مادام تخصصك احياء لك عدة خيارات من ضمنها 

هيئة الغذاء والدواء يبون حقين تخصص الاحياء رواتبهم ممتازه جدا وتامين 

ولاكن الدوام طويل شوي 

نصيحتي كمل دراستك عشان تقدر تنافس ويكون لك الاولوية في التعيين وتتشرط في الراتب بعد