الحراج وطريقة بيع السيارات
10
7
إضغط هنا للإخفاء
السلام عليكم ..
يا شباب .. مجرد ملاحظة واستفسار
هل يعقل في هذا الموقع أن يكون نظام الحراج والمزايدة لأجل غير معلوم .. يعني واحد يبغى يبيع سيارته والناس تسوم وتسوم .. ويعدي أيام وأيام والرجال ما يبيع وإن وضع حده ما يضع وقت البيع .. وهذا مما يسبب مضيعة للوقت لدى الجادين بالشراء ممن هم بحاجة للشراء ..
حاجة ثانية .. تلاقي واحد يبغى يبيع ويقول لك مستعجل لدواعي السفر وتلاقي اعلانه صارله شهر وما باع .. وبعد كده تسأله السيارة موجودة يقول لك نعم .. طيب عفوا هو إيش تعريف البيع المستعجل؟ وهل الطائرة التي سيسافر بها ستنتظر بيعة سيارته .. أم هي أساليب الغش والخداع والاستفادة من الوقت وإيحاء المشتري بأمور معينة ..
رجاء .. رجاء .. يا إدارة الموقع وضع شروط وبنود لعرض وشراء السيارات بهذا الموقع تجنبا لإهدار وقت من وقتهم ثمين وجادين بالبيع والشراء .. فقد سئمنا كثيرا من طريقة هذا الموقع وأصبح ممل جدا وغير نافع بتاتا وفيه من مضيعة الوقت الشيء الكثير وخصوصا في المغالاة بالأسعار التي ليس لها علاقة في البيع الحاد أبدا .. ومعظمهم غير جادين في البيع وذلك يتضح من أسعارهم الغالية والغير منطقية ..
ودام فضلكم .. وحفظكم الرحمن ..
إبلاغ
سيارات للبيع
الردود
كثير من الناس يسوم ولكن وين الجاد ..
عارض سياره قبل أسبوعين اذا جاء الليل انواع الاتصالات
واجيك بكرا واقابلك .. ويجي بكرا ولا تلقى احد ..
وتستغرب من اللي يسوم وبينك وبينه ١٠٠٠ ك هههههههههه
ويزايد على الموتر ولا هو جاد ..
طيب ليش ؟!!
سؤال نتمنى الإجابة عليه ؟!!
3
0
كلامك جميل جدا ويستاهل التثبيت وعلى الجميع قراءته وعلى الادارة تطبيقه
2
0
وانا ماني ضد موضوعك باالعكس فعلا هذا اللي صاير
باالموقع
بس صدقني اللي جاد يلغي خاصية الردود
يسلم من مبزرة هاالموقع وشريطيتهم
واللي جاد فعلا يتصل وياخذ معلومات كامله
وتتفق انت وياه ع وقت انه يجي والا تشوف زبون غيرة
بخصوص ادارة الموقع انا اشوف ماله اي علاقة
هي موضحة كل شي للبايع والمشتري
وباالتوفيق
1
0
1
0
ماهي الميزه بكلامهم ان الاستبنه او الاسبير
من شريتها من الوكاله ماعمره نزل ..!!
1
0
السوم وصل عالجوال والخاص
استعمال طبيب
بسعر مميز
سمعونا سومانكم
صحبها الاول محافظ عليها
مصور باليل
مصور اجزاء بسيطه من السياره
الموقع صعب يدخل في نية الباءع والشريطي عنده صبر الابل في
انتظار ضحيته رجل خلق ليفترس واسعار احيانا تتفوق على الجديد
اتمنى من ادارة الموقع وضع تقيم للسلعه المعروضه بحيث ياخذ
ليكات حسب السعر
2
0
1
1
تخيل واحد ولا ثنين ينشبون لك في الخاص من الصباح لين الليل عطنا رقمك عطنا رقمك
اقول ياخوي انت الحين عطني سومتك ولا اكتبها في العام وان ربي كتبها لك بتصل , ولا فيه فايده زين ليه ماتبي تعطيني رقمك ؟ خلني اكلمك ونتفاهم و و و و و
المصيبة اني قايل الخاص لن ينظر له ولا نفع بعد
1
0
يقولك على السوم ولما تحط سومتك وجاد وتكلمه بالخاص يقولك مو حقها وهو مغليها عن السوق بعض الكورلا فرق 10 الاف حصلتهم
المصيبه الثانيه ان بعضهم يقولك شرط الفحص وصارت معي مع واحد من جنسية عربيه ماراح اذكر وش هي كلمته واتفقت معه على السعر وكل شي
قلت له بجي اشوف السياره جيت وشفتها وجلس يمدح فيها وممشاها كان مغري جدا مع ان مغليها حبتين بس ماستخسرت المبلغ فيها على نظافة الشكل
رحنا للفحص وهنا المصيبه ثلاث ارباع السياره مرشوشه القير فيه ونه ومقالي اي شي غير ان الصدام الامامي فقط مرشوش
المشكله والمصيبه اني دخلت الاعلان مره ثانيه لقيته ماسح البدي وكاله وشارط المحركات ؟ ليش ماتكون واضح بالبدايه مع الناس
يعني الا تخسرني وتخسر غيري قيمة فحص وسيارتك فيها بلا ؟ ياخي تكلم وقول كل العيوب محد ماكلك .. وغيرها من الاعلانات الكذب في كذب
حصلت اعلان لاكسنت 2014 قير عادي الحبيب حاط الصور لاعلان نازل قبل اسبوعين وانحذف المشكله ان الاعلان القديم السياره ماشيه 142 ووكسور
والاعلان الجديد ماشيه بالخمسينات ؟؟ كيف فهموني ؟ انا لي فترة شهر ادور بالموقع ادور لي سياره وربي حفضتهم حفظ الي هنا شريطية لاعبين وسياراتهم مضروبه
واحد عارض كورلا 2013 يقول السوم 35 والحد 36 ماختلفنا .. يحذف الاعلان وينزل جديد ويقولك السوم 33 والحد 35
بعد يومين نفس الحركه الضاهر السياره الي يسومها ينزل ويرفع بكيفه .. حصلتها نفس السياره في موقع السوق المفتوح نفس الشي كل اعلان سعر
لانسر كانت معروضه على اعلانين نفس السياره اعلان يقولك البدي وكاله خالي من الرش واعلان يقولك فيها صدمه خفيفه ؟ نصدق مين ؟
انا لي فترة شهر بين حراج والمعارض .. السيارات مضروبه بالمعارض الشريطية يعروضنها هنا ويقولك نضيفه وكذا سياره شفتها بالمعارض وعاينتها مضروبه منتهيه حصلتها معروضه هنا
للاسف الواحد يندم يضيع وقته مع ناس ماهي جاده وتبيع بغالي وطماعه .. كلن حر بحلاله بس حطو اسعار السوق المعقوله ووضحو كل شي لاتلعبون علىى الناس يخسرون فلوس فحص واخر شي السيارات مضروبه
2
0
0
0
قبل 8 سنه و 7 شهر