طرمبة الزيت وخبطت المكينه
27
3
إضغط هنا للإخفاء
السلام عليكم
الموضوع عن طرمبة الزيت وقصتي معها
قبل فتره اكثر من5شهور كنت مسافر من الرياض
لا ابها السيارة اكسنت11الشكل القديم
الحمدلله وصلت لاابهاء ثالث يوم من وصولي
جاني ظرف بسافر الباحه اول ماطلعت من ابهاء
ولعت لمبة الزيت في الطبلون وطفت اللمبة
تولع وتطفى رحت قلت بغير زيت وسيفون رحت
الوكاله اخذت سيفون اصلي
ورحت غيرت الزيت والسيفون
ومشيت تقريباً30كيلو ورجعت اللمبة تولع وتطفى
كنت ماشي تقريباً160 هديت لين 120
وطلع صوت عمود الكرنك وطفت السياره وانا امشي
اخذتها بسطحة ورجعت ابهاء وديتها الصناعيه
كلهم قالو المكينه خبطت والسبب الطرمبة ماعاد ترفع الزيت
المهم تركتها في الورشه وقلت لهم بجيكم العصر
جلست افكر اشتري مكينه او اوظب
قررت على التوظيب ورحت الورشه وفك المكينه
وكتب لي القطع ورحت الوكاله وجبتها لهم
طبعاً نص توظيب. نسيت اغلب القطع الي جبت لهم
المهم التكلفه كلها مع شغل اليد والقطع 2800ريال
بعد يومين طلعت السياره والحمدلله تمام كل شي
سبب التخبيط ان الطرمبة ماعاد ترفع الزيت
فا انتبهو ياشباب اذا ولعت لمبة الزيت
وقف السياره ولاعاد تحركه ابد خذها بسطحه
وعلى اقرب ورشه غلطتي اني مشيت بالسياره
لاكن الحمد لله على كل حال
وان شاء الله تستفيدون من قصتي
والله يوفقني وياكم وفي امان الكريم
ولاتنسون اللايكات
اخوكم ابوسعود
إبلاغ
الردود
0
0
اخوي محمد ن
والله يوفقك كل من يقرا رسالتي ويقول امين
قبل 8 سنه