أضف سؤال أو موضوع جديد          

طرمبة الزيت وخبطت المكينه

up 27 down 3



السلام عليكم 

الموضوع عن طرمبة الزيت وقصتي معها

قبل فتره اكثر من5شهور كنت مسافر من الرياض 
لا ابها السيارة اكسنت11الشكل القديم 

الحمدلله وصلت لاابهاء ثالث يوم من وصولي 

جاني ظرف بسافر الباحه اول ماطلعت من ابهاء

ولعت لمبة الزيت في الطبلون وطفت اللمبة 

تولع وتطفى رحت قلت بغير زيت وسيفون رحت 

الوكاله اخذت سيفون اصلي 

ورحت غيرت الزيت والسيفون 

ومشيت تقريباً30كيلو ورجعت اللمبة تولع وتطفى 

كنت ماشي تقريباً160 هديت لين 120

وطلع صوت عمود الكرنك وطفت السياره وانا امشي 

اخذتها بسطحة ورجعت ابهاء وديتها الصناعيه 

كلهم قالو المكينه خبطت والسبب الطرمبة ماعاد ترفع الزيت 

المهم تركتها في الورشه وقلت لهم بجيكم العصر 

جلست افكر اشتري مكينه او اوظب 

قررت على التوظيب ورحت الورشه وفك المكينه 

وكتب لي القطع ورحت الوكاله وجبتها لهم 

طبعاً نص توظيب. نسيت اغلب القطع الي جبت لهم 

المهم التكلفه كلها مع شغل اليد والقطع 2800ريال 

بعد يومين طلعت السياره والحمدلله تمام كل شي 

سبب التخبيط ان الطرمبة ماعاد ترفع الزيت

فا انتبهو ياشباب اذا ولعت لمبة الزيت 

وقف السياره ولاعاد تحركه ابد خذها بسطحه 

وعلى اقرب ورشه غلطتي اني مشيت بالسياره 

لاكن الحمد لله على كل حال 

وان شاء الله تستفيدون من قصتي 

والله يوفقني وياكم وفي امان الكريم 

ولاتنسون اللايكات 

اخوكم ابوسعود 








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


امين  الله يجزاك خير 

اخوي  محمد ن

والله يوفقك كل من يقرا رسالتي ويقول امين 


مشاء الله رخيصه قطعها