أضف سؤال أو موضوع جديد          

موضوع يهمك جدا

up 5 down 3
افكار جديدة 662
قبل 5 سنه و 6 شهر



السلام عليكم و رحمة الله و بركاته :
اغلبنا يشتري سيارته ايجار تمليك و لا يدقق في العقد و لا  النسبه السنويه و حبيت اوضح بعض النقاط في العقد .
 اتمنى قراءة بنود العقد جيداً وبتمعن.
عدم الإكتراث لردود المندوبين في حال هناك ملاحظة ستجد الرد جاهز (هذا كل الناس توقع عليه وهذا روتيني)، لكن هذا غير صحيح..(ناقش لأنك بتدفع فلوس، أنت العميل وهذا لا نعرفه في مجتمعنا للأسف) بسبب لو لا سمح الله هناك أختلاف في المستقبل لن يتم سماع هذه العبارات..وأنه هذي البنود علىشان لا يتم إرجاع السيارة من قبل العميل وهذا غير صحيح... لانهم مؤمنين على السيارات لدرجة أن العميل في حال أرجع العميل السيارة يلزم شركة التأمين بإرجاع مبلغ السيارة الأصلي ( والله إفترى).
هناك بند في العقد ينص على أنه يحق للطرف الأول أو الممول إستقطاع الأقساط الشهرية (قيمة الإيجار الشهري) من حسابات العميل بشكل شهري "وهذا ما فيه شي"، لكن في نفس البند نقطة تنص على أمكانية الطرف الاول المطالبة بمستحقات الطرف الثاني "المستأجر" في المؤسسات الحكومية والخاصة "يعني الراتب ومكافئة نهاية الخدمة" دون ذكر في حال تعثر الطرف الاول... وهذا يتعارض مع ما ذكر في نقطة الإيجار الشهري.
هناك بند مجحف جداً للراغبين في تأجير السيارات ذات الدفع الرباعي (مثلي!) وهو أنه يلزم المستأجر بعد الدخول في السيارة في الأماكن الوعرة، وعدم سحب المقطورات (قلص يعني).. بالأحرى ممنوع النزه في البر ولا تقلص تانكي والا عربة قلص!... ترجع تناقش يقولك على الناس كلها.. وش علي من الناس!
هناك بند ينص على أن المستأجر يتحمل أي مصاريف تطالب بها شركة التأمين في حال حدوث حادث أو شي ... السؤال ما هو المبلغ... غير مذكور... المندوبين يقولون 1000 أو 1600 ريال... تقول أكتبوها... يقولك هذا يمشي على كل الناس!...
بوليصة أو شروط التأمين غير ملحقة في العقد (يجب أن تكون جزء لا يتجزء من العقد)... علشان تعرف وش لك وش وعليك... طبعاً غير موجود...
هناك بند يحتاج إلى المنطقية وهو أن المستأجر يلتزم في إبلاغ الممول في حال تغيير قطع الغيار! كيف يعني ما تغيير فحمات الا بأذن منه كيف كيف كيف......ترجع تسأل يقولك بدل أصلي .... وهذا علشان تحط قطع غيار أصلية.. وأكيد إضافة إلى أنه يمشي على الناس كلها...ملاحظة: طبعاً لا توهقوا قالوا لك على الناس كلها.
هناك ملحق في العقد يحتوي على جدول الدفعات (هذا مهم جداً)، يطلب من المستأجر في البداية معرفة تاريخ الراتب الشهري لنقول مثلا 01/09م....لا حظ في جدول الدفعات أن هناك إستحقاقات للأشهر بتاريخ 01 أو 02 أو 03 من الشهر، وهذا يتعارض مع بند في العقد ينص على أنه في التأخر العمل (دون ذكر المدة بالأيام مثلا)... يدفع 300 أو 500 أو 700 ريال بحسب العقد.... وهذه مصيبة كبرى! طبعاً ترجع تناقش يقولك كل الناس. يوقعون.. لا بس هاذي المره قالي أنا أعطيك من عند 5 أيام... تقول أكتب بالعقد يقولك هذا شي روتيني.
من مزايا التأجير المنتهي بالتملك هو التأمين الشامل بصراحة هو شي ممتاز... لانه يضمن لك العديد من المزايا.
مراعاة عند الرغبة في هذا النوع من التمويل معرفة ما هو عليك (كم تكلف كامل)... ولا تنخدع في حال أنك دفعت دفعه أولى يجب معرفة نسبة المرابحة... مثلاً أوغالباً 35% وليس 5 أو 8 أو 9% فهذه النسبة سنوية.
ينصح في مثل هذا النوع الإلتزام بالتملك لأنه في حال الإرجاع راح يمصون دمك! مثلاً: دفع الإيجار المتبقي دبل الإيجار اليومي (حسب العقد طبعاً)... مع تطبيق أنه يحق لك 25000 أو 30000 كلم في السنة يعني لو قلنا معدل مشاوير الواحد في الرياض 20 كلم دوام مثلاً يعني ما يقارب 19000 كلم سنوي... يعني تسوق فقط 6000 كم... يعني الكيلوات المسموح فيها في اليوم 68 كم ... يعني شركات التأجير أحسن منهم تعطيك 200 كم.
يجب الإنتباه لنقطة الإرجاع هناك نسب تتراوح بين 1 تنازلياً إلى ربع % (لخمس سنوات)، للناس الراغبين في سنوات أقل يجب مراعاة حساب النسبة جيداً،،، لأن أبو خمس سنوات زي ثلاث    .
(الموضوع منقول  )  للفائده   و سلامتكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


انا من اعداء اجار المنتهي بالتمليك 
وجميع سياراتي اللي قد اخذتها تقريبا خمس كلها كااش 
ومرتاح من هالاقساط اللي ماوراها الا نقص البركه بالراتب 


up 9 down 2
alharbi-s- 232
قبل 5 سنه و 6 شهر



محدش عاوز يقرا العقد 

الكل عايز يشخط العقد ويمشي 
بتقوله اقرا؟  
بيقول عايز اشخط فين مكان التوقيع 



up 2 down 4
شويخ من أرض مكناس 2824
قبل 5 سنه و 6 شهر



بيني وبينكم سلط الله علا الظالم اظلم منه
فيه ناس اذا توهق في سيارة ايجار منتهي باالتمليك
يتلفها كيف يعني 
اول شي يبيع المكينه والقير والدفرنس مبلغ وقدرة
وياخذ الرجيع ويركبهن في السيارة المراد اتلافها
ويطلع فيها وعاد تعال شف التخطيط اما حريق او حادث مفتعل
المهم يعفطون هاالسيارة باي طريقة 
طبعا هو متفق مع الورش اللي بتكتب التقرير انه تالف 
الورش هذي كد اشترو منه المكينه والااشياء المهمة فيها قبل الااتلاف
طبعا الخسران شركة التامين باهاالحاله 
تدفع قيمة السيارة للممول ويرجعون النسبه المتفق عليها
للمستاجر 
طيعا المستاجر سبق وانه باع المكينه والقير والدفرنس والديكورات
بمبلغ وقدرة 
طيب تجي تقوله غلط تسوي كذا يقولك اصلا هي حرام بحرام
فانصيحة
للجميع اللي بياخذ هاالنصيحةًً والا هو حر
مالك ومال التاجير عندك دفعة دور سيارة ع قدك 

وباالتوفيق للجميع


up 3 down 3
باترول 2020 2624
قبل 5 سنه و 6 شهر



الشكوا لله ياخوي ... الحمد لله ماعمري اخذت ايجار منتهى بالتملك .. اجمع نفسي مدة سنه او سنتين وازود عليها قرض شخصي من البنك والحمد لله


up 1 down 0
mohhmd5454 59
قبل 5 سنه و 6 شهر



افضل شي اللي ماعنده قدرة يطلع كاش ياخذ قرض من بنك اسلامي
ويشتري اللي يبيه واذا ماجاه قرض كبير عشان طموحه سيارة افخم يستاف
من احد اقاربه او يشتري سيارة على قد حاله تذا بغى تعمر السيارة معه
لان المنتهي بالتمليك مافيها بركة وقد حصلت كثير قدامي سياراتهم ماتقعد
نظيفة او رايحة تشليح او جاها عين او انسرقت 


up 2 down 0
ابو عبدالله احمد 3528
قبل 5 سنه و 6 شهر



افضل شي اللي ماعنده قدرة يطلع كاش ياخذ قرض من بنك اسلامي
ويشتري اللي يبيه واذا ماجاه قرض كبير عشان طموحه سيارة افخم يستاف
من احد اقاربه او يشتري سيارة على قد حاله اذا بغى تعمر السيارة معه
لان المنتهي بالتمليك مافيها بركة وقد حصلت كثير قدامي سياراتهم ماتقعد
نظيفة او رايحة تشليح او جاها عين او انسرقت 


up 0 down 0
ابو عبدالله احمد 3528
قبل 5 سنه و 6 شهر



اتفق مع الحربي تماما

القرض تاخذه اذا عندك كارثه ماديه اما شراء السياره فاشتري كاش مستعمل حتى لو القرض 20000 الف يهون ولا 150000


up 0 down 0
ابوزياد123321 208
قبل 5 سنه و 6 شهر



طيب القرض حلال يعني ؟


up 1 down 0
dawwy 266
قبل 5 سنه و 6 شهر