أضف سؤال أو موضوع جديد          

قصتي مع غطا الرديتر والصناعيه

up 12 down 3



السلام عليكم ورحمة الله وبركاته 




الموضوع عن غطاء الرديتر 




وهذي قصتي معها قبل كم شهر 




كنت طالع من الدوام قبل شهرين تقريباً 




ورحت الصناعيه عشان اغير بواجي 




فتح العامل الكبوت بعد ماطفيت السياره 




واشوف المويه حق الرديتر ترجع للقربه وتغلي 




وتفور المويه ويطلع بخار المويه كئنه دخان 




استغربت ماعندي حراره في السياره 




طبعاً اكسنت11 القديم مالها عداد حراره 




فيها لمبه اذا ارتفعت الحراره تولع اللمبه في الطبلون 




اشغل السياره واتئكد واشوف مافيها حراره 




اشيك على المراوح تمام شغاله وش السبب 




قالي المهندس روح عند محل الرديترات 




والله واروح لهم اول واحد شافها قالي 




بلف الحراره خربان قلت 




اوكي بجيب بلف حراره بس اذا ماطلع المشكله 




منه انت تتحمل قيمته ومااعطيك شغل يد 




قال لا 




تركته ورحت لثاني قالي احتمال عندك مشكله 




في راس المكينه 




تركته ومااقتنعت بكلامه ورحت لمحل الي بعده 




بكستاني شافها وقالي فيه حراره ترتفع قلت لا 




شيك على المراوح حصلها شغاله 




شيك على الرديتر من تحت مافيه تهريب 




قالي يمكن طرمبة مويه. ومااقتنعت بكلامه 




ورحت تركتهم رحت صليت العصر 




وبعد الصلاه رحت لبنقالي اعرفه من زمان 




هو ميكانيكي بس انه فاهم في كل شي 




في السياره والله وقلت له السالفه كلها 




وفتحت الكبوت والسياره شغاله 




وشاف المويه قاعده تغلي في القربه 




يعني المويه ترجع من الرديتر للقربه 




وتصير تغلي وتفور وتطلع المويه 




المهم قالي هذي بسيطه 




روح جبلي غطاء رديتر اصلي 




وكاله. قلت ياخي ماله دخل الغطاء 




قالي انت روح جيبلي الغطاء 
واذا ماطلع المشكله منها انا اتحمل المسؤليه 




قلت له ياخي فيه واحد قالي ان المشكله من المكينه 




قالي اذا غيرت الغطاء وماانحلت المشكله 




انا اركب لك مكينه على حسابي 




قلت خلاص ورحت للقطع واخذت غطاء الرديتر 




اصلي ب25ريال وكاله وفيه نوع ثاني كوري ب15




المهم ورجع له وعطيته الغطاء وركبه وزود المويه 




لانه نقصت يوم كانت تغلي وتفور المويه 




وشغلت السياره. والحمدلله جلست ساعه شغاله 




وانحلت المشكله. الحمدلله. 




السبب الغطاء القديم كان متشقق الربله 




الي داخله. والحمدلله انها جت على كذا 




مع العلم ان السياره مافيها حراره ابد 




بس المشكله ان المويه تغلي نار ويطلع بخار وتفور المويه من القربه 




والحمدلله اولاً واخيراً 




هذي للفائده لكم وان شاء الله الكل يستفيد من هالموظوع. 




ولاتنسون اللايكات 




وفي امان الكريم 
اخوووووووكم.  ابوسعود 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الحمدلله انه طلع غطاء  .

شيك على زيت الدركسون شكله ناقص شوي و اذا تبي تزيده ترا نوعه PSF-3 و بحكم انه غير متواجد فا تقدر تستخدم SPIIIو هو زيت القير الاوتو لها .
عندك ميتسوبيشي اللتر ب 20 و هيونداي اللتر ب 70 و شل و اللتر ب 30 و الافضل ميتوبيشي . 


up 3 down 1
khalidoo 1167
قبل 5 سنه



ان شاء الله بزوده ومشكور على التنبية 


ممتاز انك تروح وتدور واحد فاهم واللي يفتي من رأسه تحمله المسؤوليه, هذا البنقالي المفروض تكافئه. لأنه عملة نادرة بين الغشامة


up 2 down 0
dell2012 1035
قبل 5 سنه



البنقالي عطيته المقسوم ويستاهل 

والله يستر عليه سافر 

وموفقين يااخوان جميعاً  وبئذن الله الكل يستفيد 

ان شاء الله.  واسئل الله العلي العظيم ان يرزقكم ماتتمنون 

اللهم امين 

وليله سعيده في حفظ الرحمن ✋


عليكم السلام ورحمة الله 
ياخي مشكلة غطاء الرديتر لو فيه تهريب ماء مايبين 
من يهرب الماء يتبخر اول معاي كابرس قديم 
الماء ينقص كل اسبوع ولا اسبوعين ازوده  واسافر عليهه 
واروح واجي والحرارة ماترتفع والماء ماينقص على طول 
يعني. ١٠٠٠ كيلو ماينقص بس بعد استخدام اسبوع 
لازم ازوده ومافيه اثر اي تهريب  وماراحت هالمشكله لين 
غيرت غطاء الرديتر 


up 1 down 0
w.asa 2027
قبل 5 سنه