أضف سؤال أو موضوع جديد          

السيارة مجرد 4 كفرات .. قصتي

up 23 down 5
YASSER505 4165
قبل 3 سنه



السلام عليكم 
انحكمت قضائيا بسبب كمبيالة 154 الف ريال 
والسبب: 

منذ صغري عشت حياة محدودي الدخل وسيارة العائلة كانت اقل من المتواضعه 
ومرت الايام وانا بدون سيارة الى ثالث ثانوي واخذت سيارة متواضعه جدا من اخوي وشكلها محرج شويتين 
وعلى هالحال لمدة سنتين وخربت السيارة وصرت اداوم بتاكسي مدة سنتين اخرى 
اخذت سيارة تقسيط من شخص 
وحصل بيني وبينه خلاف وقام سحبها 
ورجعت عالتاكسي
وسخر لي الله واحد وعطاني سيارته مدة 6 اشهر لين اخلص المعهد بمقابل زهيد جدا 
وبعدها اخذت سيارة قديمة جدا بالتقسيط بسعر 17 الف 
وبمجرد ماتوظفت 
قلت وش افخم وافضل سيارة اقدر اخذها 
كنت احاول اعوض الحرمان 
وقمت اخذت قرض بفائدة 4.75 بالمية بالسنه لمدة 5 سنوات 
واخذت سيارة ب 82 الف وسددت ديوني 

ومرت الايام وتعثرت بالسداد 
وقلت ماراح يسوون شي 
وحكم علي البنك بالسداد مع الفوائد الخيالية 

لو يرجع الزمن .... 
كان اخذت اقل سيارة سعر لاني اقتنعت ان السيارة مجرد اربع كفرات لا اكثر والان انا منكب بسبب "السيارة"
نصيحة لاتفكر تاخذ سيارة بقرض او بدين ... خذ على قدك وقد الي معك 

دعواتكم ... 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اي والله صادق..بس ي ليت قومي يفقهون!


up 3 down 0
الفيلسوف1988 5
قبل 3 سنه



حسبنا الله و نعم الوكيل ... ربنا يعوض عليك و تأكد ما في شي ربنا سبحانه و تعالى حرمه علينا إلا و فيه خير لنا أو تخليص من شر
{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}


up 4 down 0
ayham73 654
قبل 3 سنه



كلامك عين الصواب وتجربة صعبة للاسف......وهذي نظرتي للحياة عدم التفكير في المواتر والمظاهر الخادعة .. سيارة نظيفة تودي وتجيب ..وثم التجميع لشراء منزلا او أرض....


up 2 down 0
theuk1984 789
قبل 3 سنه



الله يكون بعونك انت اخذت قرض شخصي الظاهر جاي علي الدور حتى انا متعثر بقرض بس ماهو واجد تقريبا فوق 12000 ريال


up 1 down 0
ابومعتصم 2000 46
قبل 3 سنه



قلنا لكم ونزلت موضوع قبل كم سنة عن هالشي 
هذ سيارة بحيث قسطها يناسب دخلك ومايضرك ماديا بحيث انك تقدر تقسط بدون اي زنقه 
لكن البعض مايقتنع الا لمن يجرب 
حقها اكسنت استاندر تقسيطها 700 وتعيش جوك 
كلن يعيش على قدر حالته المادية 

والله يكون فعونك والله يعينك وييسر امرك دامك نشرت الموضوع لتوعية الناس 


عشان كذا استنكر اللي توه متعين براتب ٣٠٠٠ او ٤٠٠٠ ويدور ازي ا او جينيسس او يدور جيب ربع !!!


up 4 down 1
benz lover 368
قبل 3 سنه



والله اني كل ماروح معرض ولا وكاله اقدم ع سياره 
ان يضيق صدري وشي يردني ولا اقدمم اولها يوم نزلت السوناتا الجديده 
ماخذ معي اوراقي ودفعتي ورايح للوكاله بقدم خلصص 
الا تجيني ضيقه مارتحت واطلع وادخل بالليل موقع حراج 
واحصل لي ايكو نظيف ب٨ والله اني كرفتها ماحطيت فيها الا كفرات 



up 13 down 2



فلها العمر مرة وحدة ، والقرض تقدر تسدده لو تراقب مصروفاتك اليومية ، تخيل ناس تشتكي من قلت الفلوس وهي تتعشى ب 100 ريال وتشتري أشياء مال أمها داعي ب 500 .... طلع قرض وأشتر سيارة وأأأأأأأأأأأأأأأأأأأأأأأنبسط ي عم 


up 5 down 25
محمد9210 -39
قبل 3 سنه



^^ اخر شي تفلها صح بالتوقيف تلعب تركس انت والشباب هناك 


up 8 down 2
benz lover 368
قبل 3 سنه



ذكرتني بنفسي ايام التاون كار كانت امنيتي الوحيده وماغير اهوجس فيها وراحت سنين والحمدالله اليوم ربنا اكرمنا فيها 2011


up 1 down 2
لينكولن 2011 437
قبل 3 سنه



ربنا يفك تاني . تاني موضوع اليوم بنفس المشكله تقريبا 
انا حاليا والله بدوام بتكاسي و بجمع وبتشري سياره كاش فقط  فر من القروض و الايجار المنتهي فرارك من الاسد 


up 2 down 0
ابو-ادهم 72
قبل 3 سنه



والبعض راتبه قليل جدا ولكن يحب الكشخة والوجاهة فيروح يشتري بي ام او مرسيدس قديمة وكل يوم والثاني وهو في الورشة ، وهات ياصرف على قطع الغيار والصيانة حتى يصل الى مرحلة الافلاس ، ثم يبيعها بخسارة كبيرة ،
وكل هذا بسبب حب المظاهر وطلب الوجاهة  


up 0 down 0
في الصميم 99 103
قبل 3 سنه



موضوع ممتاز جدا 
وياليت الشباب يقتدون باهاالنصيحة 
كسر حطبك باالفاس ولاتعتاز للناس 
والله كريم وان شاالله تنفرج


up 1 down 0
باترول 2020 2512
قبل 3 سنه



انا باقي على الميتين ال تبع الوالد 1980


up 1 down 0
ryyan555 692
قبل 3 سنه



مد رجولك على قد لحافك
الله يعوضك