أضف سؤال أو موضوع جديد          

بلف الحراره. وخويي

up 10 down 1



السلام عليكم ورحمة الله وبركاته




االموضوع عن بلف الحراره 




هذي ياشباب القصة صارت لخويي 




قبل يومين وبنقلها لكم للفائده. 




قالي اسوي موضوع واحط قصته لكم هنا عشان الكل يستفيد 




اتصل علي خويي قبل يومين الساعه10الصباح 




طبعاً سيارته اكسنت نفس سيارتي 




كلمني قالي السياره فيها حراره 




قلت خلاص مرني وجاني الرجال 




ورحت انا وياه واشتغلت لمبة الحراره 




قلت له وقف وفتحت الكبوت اشوف اللي محجر 




حق الرديتر اطالع بالمراوح ماتشتغل 




قلت له هذا البلف خربان. مايفتح 




قالي متئكد قلت ايوه 




بس شغل المكيف عشان تشتغل المراوح وتبرد السياره 




شغل المكيف واشتغلت المراوح وطفت لمبة الحراره 




قال وش نسوي قلت امش القطع واشتر بلف حراره 




ونروح عند حقين الرديترات وخله يركبه 




قالي اخاف مايطلع البلى من البلف قلت له 




اذا ماطلع الخراب من البلف اصلحها على حسابي 




لو تبي اغير مكينه غيرتها قال مشينا 




ورحنا القطع واخذنا بلف الحراره ب35ريال اصلي 




ورحنا ركبناه ب50ريال وعبى الرديتر مويه اصلي 




سعرها63ريال 




وشغل السياره وجلست 10دقايق واشتغلت المراوح 




طبيعي وراحت المشكله قال خلنا نجربها بدون مكيف 




خلها واقفه ساعه قلت بكيفك وقف ساعه ولا ساعتين 




وقفنا خليناها شغاله تقريباً40دقيقه 




وامورها تمام مافيها حراره ابد 




والحمدلله انها ضبطت. وهذي كل القصه 




للفائده 




ولاتنسون اللايكات 




اخوكم ابوسعود وفي امان الكريم 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


ممتاز. بس سؤال ايش علاقة البلف بالمراوح؟ انا اعرف ان المراوح تشتغل بحساس وقطع كهربائية!


up 4 down 0
dell2012 1035
قبل 5 سنه



حسب كلام حق الرديترات اللي أتعامل معاه من زمان قلي المراوح لها علاقة ببلف الحرارة  بس مدري وش نظامهم


up 1 down 0



البلف. علاقته مع المراوح 

اذا وصلت درجه حرارة الماء في الرديتر درجه معينه 

يفتح البلف عشان يدخل الماء للمكينه وتشتغل المراوح 

تبرد على الرديتر 

واذا البلف مافتح. يعني خربان ماراح تشتغل المراوح 

حتى يفتح البلف ويدخل الماء للمكينه  واذا تبي تعرف 

اكثر عن البلف اكتب في قوقل وتطلع لك. التفاصيل 


نحتاج شوي خبرة عشان نحل اشياء  تبدو لنا صعبة و امرها ممكن يكون بسيط .

لو ما عندك علم عن البلف كان سرقوكم الورش . 
البلف اذا ما هو اصلي الشمع الداخلي ما يعطي اداء صحيح ببعمله و سعره بالوعلان ب 45 اعتقد .


و تركيب البلف اشوفه شوي غالي ب 50 ريال الا اذا كانت اكسنت شكل 11 و فوق لاني ما قد غيرت لها بلف و لكن قريبا باذن الله راح اكمل مجموعتي بالاكستنات هههههههه و اخذ الشكل الجديد . 

ملاحظة احتمال خلال هذا الاسبوع تنقص المويه بالقربة و السبب خروج هواء من الدورة و يفضل ياخذ فرة ابو 10 دقايق و هو مشغل  تكييف حار اقصى شي عشان يتاكد ان الهواء طلع . 
فا عط خويك علم عشان ينتبه لها .

ملاحظة ثانية اذا السيارة فيها مكيف حار يعني ما الغيته و ارتفعت الحرارة اول شي تسويه طف ac و شغل حار اقصى شي المروحة اقصى شي لان داخل ثلاجة الحار مويه باردة و اذا شغلت الحار تفتح البلف و تدخل المويه على المكينة و تبرد .

و اذا ما لاحظت انخفاض للحرارة طف السيارة لما تبرد و شغل ... اذا صارت ترتفع كل شوي جرب تفصل حساس الحرارة راح تشتغل المراوح باقصى سرعة و تبرد السيارة و توصلك الى اقرب ورشه و اذا خايف على المكينة او ما نفعت الطريقة طف السيارة و دق على سطحة و الله يعينك .

و جزاك الله خير على موضوعك +1 


اذا فيه اخطا بالكتابة اعذروني ^.^



up 5 down 1
khalidoo 1167
قبل 5 سنه



بيض الله وجهك ورحم الله واللديك 

والله يوفقكم جميعاً 

ومشكورين على ردودكم المحترمه