هل صحيح خبر 12 الف

يعني زعلان ماتبيهم يتملكون او كيف ؟!!

الله اعلم ولكن في خطاب منتظر للامير محمد بن سلمان يوم 25-4-2016 وهناك تعديلات كثير هدفها النمو في اقتصاد المملكة

اشاعات وكلام فاضي !
الى الان لااحد يعرف الية ونظام القرين كارد 

توجهات الدولة السعودة الان لذلك بيحطون انظمة معقدة هدفها فتح مجاب لسعودة مثلها مثل امريكا
لازم الشباب ينزلون الميدان
والبنات ينزلون اسواق النساء بدل مايجي رجل يواجه النساء 
الضغط جاي شوي شوي

الي سمعت ان الاجنبي يدفع كل شهر الف ريال 

لمكتب العمل. وش الهدف منها ماادري 

عن باقي التفاصيل 

وفيه كلمه لمحمد بن سلمان الاسبوع الجاي هذا 

والله اعلم فيها رفع الاسعار وماشابه 

السلام عليكم,

انا اللي سمعته انه في البلد عندنا راح يطبق نظام الجرين كارد وهو نفس النظام المعمول به في أمريكا.  هذا النظام عبارة عن, انه

المقيم يقدر يسوي أي شي نفس المواطن يقدر يستثمر, يقدر يتعلم, و يقدر يشتغل.  المقيم مع نظام الجرين كارد يقدر يسوي أي 

شي مثله مثل السعودي.  والجرين كارد مو أي حد ياخذها الا اللي له مدة مقيم في البلد و المدة اقصد فيها من 5 سنوات

الى عشر سنوات.  طبعا هذا مثال عن طريقة الحصول عليه.

انا ضد انه يكون مافيه فرق بين المقيم والمواطن
أساسا المقيم حاليا وسابقا يعتبر الكل بالكل بهالدولة
كل القطاعات وكل الشركات الخاصه ووو الخ ماسكها مقيمين لبنانيين ومصاريا والخ
وعيال الوطن يتخرجون من الجامعات ويقعدون بالبيوت بدون وظيفه
اعرفلكم ناس كثير متخرجين من الجامعه ولهم سنين بلا وظيفه واعرف مبتعثين جايين بشهادة من برى وماحصلوا الوظيفه
طبعا لحد يقول الوظايف كثير ومدري ايش
كيف تبي واحد تعب سنين علشان يأخذ البكالريوس وبالنهاية يشتغل كاشير ولا استقبال ولا معد طعام براتب زهيد مايناسب غلاء المعيشه ولا يقدر يفتح فيه بيت

ياخي لو الله يفكنا من الأجانب حنا بخير 
كل المشاكل والبلاوي منهم وبعد الفضايح 
يجون باسماء السعوديين ويسببون مشاكل 
ووسخو البلد علينا من خمر ودعاره  وبعض السعوديين متعاون معه
لانه جايب له اللي يبيه 
والمشكله حتى الاجنبيات مسويه نفسها سعوديه 
وفيه ناس يمكن هنا مايقتنع لاكن اخر ٣ مقاطع انتشرت
الاي فيها دعاره ومسويات انهن سعوديات طلعن اجنبيات 
واخر سالفه حقت الدباب ..
ياخي قسم ماصرنا نتحمل جيت جوعان يوم شبعت صرت تتشرط
وتبي حقوق نفس المواطن ..

اغلب اللي يدخلو السعودية يكون اول شي :
* مديون حق الفيزه ،
* عنده اهل ينتظرو منه مصاريف ،
* عنده ضغوط في العمل ، دوام لايقل عن 12 الى 14 ساعه ،
* عنده الف شغله في راسه من هم وغربه وبعد عن كل من يحب وأولهم والديه ،
* اليوم الواحد اللي يمر عليه بدون شغل يعتبر خساااااااره مدفوعه غصب عنه ،

لذلك :-

انصح كل واحد يفكر ان الاجنبي اذا دخل السعوديه يكون معاه بطاقة الرزق ، اعتبر تفكيره متحجر
لان اكثر من تلقاه عنده سياره او عنده شغل او مرتاح ، فهذا نتيجه للجهد والتعب والمثابره والحرمان اللذي سبق ذلك .
مستحيل تلقى احد جاء وقف على كنز من اول يوم .
لانه كافح باقل راتب وباقل عيشه ، ما ياكل كل اللي في خاطره ،
ولا ينام في ارقى السرر ،
سنين من التعب اذا اثمرت اثمرت ، واذا مااثمرت تلقاه متقطع قهر وعليه ضغوط نفسيه مايعلمها الا الله ،




نصيحه :-

اشتغل وثابر وابدء من الصفر مثل اي اجنبي دخل البلده المباركه واشتغل وتحمل كل التعب والضغوط النفسيه
خل ايمانك بالله كبير وتفاؤلك ايجابي بالحياة ،
ولا تقعد تفكر بغيرك انه اكل اموالك ، ترى الوقت يمر.
 جرب غير حياتك او المنطقه اللي انت عايش فيها ، وابدأ

اكثر اللي سافروا برا السعوديه سواء لدراسه او عمل ، فهم يعرفون مايلاقيه الاجنبي من تعب وغربه وفراق ،

طلوع السلالم خطوه خطوه

اسف على الاطاله بس حبيت اوضح للقليل اللي ماعنده فكره ،



اخوكم / علي الشاعر

يوووه كثرت الايكات في مواضيع مدح القرار يثبت العدد الهائل للي غير سعوديين في  هذا الموقع ،،،
 انا ما ابي اسوء الظن بأحد لكن والله لو الاجنبي يمسك الشركات والوظائف انك راح تشوف العذاب روح الى بلدانهم وشوف كيف وضعهم رشاوي وفساد وبلاوي الليل ، الحكومه بدأت تنفذ
قرارات غبيه والمواطن قاعد يطاقع بالبيت يبي شغل مكتبي ومكيف سبلت ، لا الحكومه نفذت قرارات كويسه ولا المواطن الكسول طلع يشتغل 

كل الدسلايك عشان قلت الصدق

كل الدسلايك عشان قلت الصدق

بسالكم ياللي تحسبونن متعصب 
ياخي أنتم ماتشوفون شي 
ياخي قضايا الابتزاز من أجانب 
كل البضايع الصينيه بالسوق داخله من الاجانب 
الشركه باسم سعودي بس السعودي ياخذ كل شهر مبلغ وقدره وهو نايم
والاجنبي هو اللي يورد لك البضايع يجيبلك ارخص شي واردي نوع
المطاعم والمحلات باسم سعودي والي يشتغل ويديره أجنبي 
ماتشوف دايم اللحم فاسد وحالات التسمم وكل شوي تم اغلاق مطعم 
ياخي كل يوم ماسكين قوارير خمر مع سعودي ولا اجنبي 
ياخي الهيئه قبل دايم تداهم مصانع خمر والي يسوي ويبيع سعودي؟
اجنبي طبعاً..
بس صدق أخوي ابو عابدالله
الاجنبي يبيك نايم وياكل عنك كل شي ويقولون ايش انتم تحسدونه
ياخي بالخضره ناشبين للسعوديين اجانب 
بقطاع الاتصالات قبل قرار وزاره العمل كثير سعوديين يتشكون من
اجانب ..
الاجنبي لاتفكره جاي يبيلك الخير مثل ابن البلد 
بعض منهم محترمين ولا الباقي جايب وساخه ديرته عندك
حياتهم نصب واحتيال 
شفهم دايم يمسكونهم مزورين شهادات وجايبينهم الصحه ع انهم دكاتره
بس ذبحنا التعاطف معهم  ياخي اللي مايحترم لايحترم 
يعني مثلا بالوظايف اجنبي مزور شهاده ومخليه مدير
ومعطيه سياره ومخلي موظف سعودي جامعي وتعطيه 4000
والاجنبي يذله بالوقت ويخصم عليه كل شهر ..
مايغبن هالشي صح .
اجنبي عادي مسكين متغرب 
ما المسكين الا يتعاطف مع الاجانب اللي وسخو ديرتنا 
بالدعاره والنصب والغش 

لا تعمم على كل الاجانب 

ما عندنا مشكلة مرحا الجميع بس المدن الرئيسية وخص الرياض بتنفجر من البشر