الصيف قرب وعندي لك حل لمكيف السياره ولو هي وكاله
50
7
إضغط هنا للإخفاء
الموضوع ومافيه
مكيف السيارات وخصوصا في المناطق الحاره
كيف تستفيد من قوة تبريد المكيف بالكامل حتى لو موترك وكاله
كثير من الناس في فترة الظهر يكون مشغل مكيف سيارته على درجه 3 او 4 وبتقول وش هالمكيف اللي مايبرد زين
السبب مع حرارة الجو وحرارة المكينه يكون لها تاثير على مواصير التبريد لو فتحت كبوت سيارتك راح تلاحظ ان مواصير المكيف ماعليها عازل
عشان كذا لازم تخلي الدرجه على 3 او 4 عشان تبرد السياره من الداخل
التكلفه بالضبط ماراح تتجاوز 10 ريال وانت تشتغلها بنفسك
تروح لمحل بيع قطع غيار المكيفات المنزليه
وتقول عطني عازل مواصير مكيف اسبلت قيمتة ريالين
وتاخذ من عنده شطرتون عريض قيمته 3 ريال
وتمر محل زينه وتاخذ شداد حق الطيس البلاستيك الابيض 8 حبات او 10 اللي تبي تزيد عندك ولا تنقص
طريقة التركيب
تاخذ المقاس وتقص من العازل وتفتحه من الوسط بالكامل وتلبسه على ماصورة المكيف وتجيب الشداد على الاطراف وتغطي مكان ماسويت الفتحه بالشطرتون
مو شرط بشكل دائري حتى لو بالطول
وبعد ماتخلص
راح تلاحظ في الظهر راح تخلي درجة التكييف على 2 ولو مسافر صدقني راح تخليها على رقم واحد لانك استفد من كامل التبريد لداخل السياره
وبكذا حليت مشكله بسيطه وعلى فكره هذي مجربها على سياراتي كلها والطريقه مضمونه باذن الله
دعواتكم ولاتنسى ياللحيه الغانمه هبلي لايك نفدا خشمك
حاولت انزل صور مو راضي
ولكن تعال واتساب وابشر بالطريقه0501133933
إبلاغ
الردود
انا مركبها على سيارتين تورس واكورد وماشاء الله تبارك الرحمن ماوجهت اي مشاكل
ملاحظه
فيه ماسورتين وحده للحار والثانيه للبارد
اعزل فقط المواسير البارده بس وتجيك اكبر من ناحية الشكل
او شغل المكيف عالبارد وحط يدك عليها وراح تلاحظ ان الماسوره بدت تبرد وهي اللي راح تسوي لها العزل بس
0
0
والمواسير اللي تتكلمو عنها ماسوره الكومبريسر اللي تكون بارده ولا وحده ثانيه
قبل 6 سنه و 9 شهر