أضف سؤال أو موضوع جديد          

رأيكم كابرس 90

up 2 down 6
abdulaziz lq 27
قبل 5 سنه و 6 شهر



نويت اشتري كابرس 90 
بس في كثير يخوفوني من صرفيه البنزين 
او قطعها يقولون صارت مو متواجده مثل اول 
ارجو من اصحاب الكوابرس والخبره الرد 
للمعلوميه انا بالشرقيه 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


راحت ايامها وولت ياخوي دور شي جديد كم عطل بسيط يكلفك قيمة السيارة كاملة وصرفية بنزين ماترحم يصرف بقووووووة 


up 2 down 2
benz lover -78
قبل 5 سنه و 6 شهر



هل قد كان عندك واحد ؟


up 0 down 0
abdulaziz lq 27
قبل 5 سنه و 6 شهر



خالي كان عنده واحد شراه وارد امريكي عام 93 كرفه 5 سنوات عقبها المشاكل زادت خبط القير والكربليتر والمكيف و و و و وو باعه اخر شي مع انه مهتم جدا وشايب مايسرع 

نصيحة ابتعددددددد 


up 1 down 3
benz lover -78
قبل 5 سنه و 6 شهر



بعني هذي سالفه قبل 18 سنه


up 0 down 0
abdulaziz lq 27
قبل 5 سنه و 6 شهر



بالنسبه لي كان معي ولازال موجود ٩٠ بخاخ
بس اللحين معي موتر جديد الحمد لله والكابرس واقف الحمد لله بدون مشاكل لمدة سنتين ومكيفه مو زي الجديد افضل من الجديد 
القطع تحصلها بأغلب المحلات ورخيصه 


up 2 down 2
baker alatwi 26
قبل 5 سنه و 6 شهر



المشكله ما تلقى نظيف ولا تقدر تستورد ،، وش جوك يا الحساوي اركد بس وشف لك ياباني في عز الصيف مكيفه ثلج ،، لكل زمان وصفه والكابرس ولا بلا رجعه


up 1 down 4
فواز ١٤٣٦ 41
قبل 5 سنه و 6 شهر



هي ماهي سيارة كرف 
هي هاالحين سيارة هاوي يعني فاتح لك غرفة باالصناعية
وترقع فيها
اما البنزين ياساتر تقول التانكي مشقوق
اذا عندك فلوس زايدة وفاضي اشتر ولاتشاور



up 2 down 1
باترول 2020 2624
قبل 5 سنه و 6 شهر



ريح راسك وخذلك جديد , والله مأرتحت إلا لمن اشتريت سياره جديده , وقلت للصناعيه وداعاً إلى أجل بعيد .


up 1 down 0
الحر ملك 212
قبل 5 سنه و 6 شهر



وش طبيعه استخدامك له هاوي ولا موتر اساسي ولا موتر اساسي واخذه عشق 
ولا الطفره حدتك عليه عشان نقدر ننصحك


up 0 down 0
mission 849
قبل 5 سنه و 6 شهر



طفره وباخذه موتر اساسي مافي غيره 
وغير كذا هالموتر عشق 
^يعني كلهم هههههه


up 2 down 1
abdulaziz lq 27
قبل 5 سنه و 6 شهر



من ناحية موتر اذا هو نظيف فهو عز الطلب اما اذا هو حالة تعبانة و يبيله صيانة وخر عنه الكابرس من ذي النوعيات اذا فك فمه ما يقفله ابدا من مشكلة الى مشكلة و فوق هذا قطعة شبه نادرة و يصرف بنزين مهو بصاحي كل يوم او يومين تفلل و يالله تشوفه يمشي بالشارع
و انا امتلك كابرس 90 مخليه واقف للتمشية و المشاوير الخفيفة بس ممكن اخذه لينبع في اجازه نهاية الاسبوع و كذا الحلوا بالموضوع بس انه هيبة بالشارع كل الناس تبعد عنك حتى اصحاب الفوردات ههههه


up 2 down 0
mb 320 195
قبل 5 سنه و 6 شهر



زمان كان معاي واحد بهذلني دايم يخرب فجأه وخاصه ايام الرواتب اذا هاوي الامريكي شًوف اك فورد 96 او 97 فراشه افضل وما يصرف مثله وعملي خاصه لو لقيت نظيف وسعره مو غالي 


up 1 down 1
088mansour 798
قبل 5 سنه و 6 شهر



الله ذكرتنا بالماضي عام 1990 اشتريت كابرس 89 على الزيرو من ناس كار كان موجود بجده بشارع فلسطين طبعا ال اس فيراري ومن الداخل عنابي وكانوا عاملين عليه عرض ب 76000 وكنت حاس وقتها أن معي بنتلي أو روز الله يرحم ابوي واباءكم وجميع موتى المسلمين اجمعين


up 0 down 0
محب السنه 226
قبل 5 سنه و 6 شهر



الله يرحم موتى الجميع 
المشكله اني ادور على سياره رخيصه تكون نظيفه 
بس مو لاقي شي وطحت على تسعاوي بس متخوف منه اخذه ولا لا


up 1 down 0
abdulaziz lq 27
قبل 5 سنه و 6 شهر



استخداك يومي و مع حر
بيطفشك
اما اقتناء و كل فترة تروح فيهاو منطقة باردة كويس
القطع متوفرة
و تحصل ناس تبيع قطع في الانستقرام و موقع حراج
اكتب في جوجل قطع كابرس انستقرام
و خش على الحسابات و شوف توفر القطع و اسعارها


up 0 down 0
مخاوي الطرقة 394
قبل 5 سنه و 6 شهر



انا ودي بواحد وادور هالفترة س الفلوس ناقصة وابيه استعمال يومي وعشق ايضا لاحد يجي يقولي يصرف بنزين عارف صرفيته واباخذ بخاخ وان كان انحدي على الكلبليتر ابغيره واركب رياضي بس هو يصلح ولا لا 


up 0 down 0
ahamd9477 119
قبل 5 سنه و 6 شهر



^انت افحصه اذا محركاته نظيفه مكينه وقير 
شرط الباقي امره هين اكثر شي يخرب فيه 
بليتين الديلكو والقزوز دايم ترتخي مساميره 
يبي لها شد كل فتره  وطرمبة البانزين وحلها 
تركب طرمبة فورد 
وعندك المكيف دايم يخرب الكمبروسر خاصه ايسديلكو 
ودايم يطلع فيه صوت 
الحل تركب كمبروسر دلفي ماتسمع فيه صوت طقطقه وكذا 
 المهم انسى المكيف يبرد  اذا مو مركب كمبروسر جديد
ومسوي تنظيف لمواسير وللثلاجة ورديتر المكيف ولا مايظبط معاك الا اذا مشتريه وفيه مكيف شغال 
ولعلمك دايم ازرار المكيف تشوفها تفصل يعني تجي تبي تشغل المكيف 
مايشتغل ولا تبي تزود درجة التبريد ويطفي 
مثلا مشغل المكيف على رقم ٢ تبي تخليه 
على ٣ يطفي ترجعه على ٢ يشتغل تلقى مشكلته من الكتاوت مكانها بالكبوت 
وبالنسبه لصرفية البانزين يصرف حييل 
والبودي طويل بالزحمة تتضايق منه 
وفيه حساس البخاخات تلقاه ورا كوع خرطوش 
الدفايه لو خرب ماتشتغل السيارة تدق سلف وماتشتغل وعندك الصليبات دايم يطلع لها 
صوت طقه يوم تعشق القير والجوزات 
كل فتره يبي لها تشحيم لان كل فتره تسمع اصوات طقطقه ومكاين القزاز دايم تخرب
هذي اللي متذكره الحين من استخدامي للسيارة 
ولعلمك ترا اسعار القطع بالانستقرام والمواقع
اغلى من سعرها على وقتها بالوكاله 
اجل اسطبات الصغيره اللي تركب للكابرس 
بالرفرف الخلفي ب ٥٠٠ ريال وهي ماتجي طول 
اصبعي شبك امامي ب ٢٠٠٠ !! 
اذا القير حده ٩٠٠ ريال والمكينه ب ١٥٠٠ 
عند بعض التشاليح 


up 0 down 0
w.asa 2027
قبل 5 سنه و 6 شهر



البودي مو مشكله المهم قيره ومكينته ومكيفه 



up 0 down 0
abdulaziz lq 27
قبل 5 سنه و 6 شهر



اذا تبغا تتسلف عشانه خذه خذ كرسيدا احسلك ذبحني خربات وانا اخته قبل عشر سنين. والآن ايش.تتوقع بيسلك مستحيل 


up 0 down 0
سمرمد 234
قبل 5 سنه و 6 شهر