احصائيه لإستهلاك الوقود لسيارتي خلال شهر
12
3
إضغط هنا للإخفاء
بسم الله الرحمن الرحيم
اولا قبل مأبدا فيه حاجه لازم تعرفونها ان معيار استهلاك الوقود ليس فقط في عدد السرندلات او سعتها لاكن فيه عوامل كثيره اخراء مثل نضام حقن الوقود وشوط الكرنك ونسب القير ونسب الدفرنس هذا من غير الاطارات ووزن السياره هذي كلها لها دخل في استهلاك الوقود
وكل سيارة لها هندستها المكانيكيه تختلف عن الاخراء لذالك فيه سيارات صرفيتها للبنزين واحده سواء داخل المدينه او على الطرق السريعه او مهدي او مسرع فقط فرق بسيط بعكس سيارات تأثر استهلاكها للوقود بأسلوب القياده اذا كان هادي لاتصرف واذا كان عنيف تصرف وفيه سيارات اذا اسرعت تصرف واذا هدت لاتصرف وكل هذا يرجع لتصميم السياره وهندستها يبدا من حقن الوقود الى نسب الدفرنس واطاراتها وليس فقط كبر السرندل وسعته
وبما اني انا اقود سيارتي على خط سريع وداخل المدينه وداخل الصحراء واقود بقياده هادئه وعنيفه وكلهن يمرن علي يمكن خلال اسبوع واحد فكرت ان احسب استهلاك الوقود خلال شهر ٣٠ يوم وبعده راح اشوف هل انا بالمعقول او لا
بدايت فكرتي رحت واشتريت دفتر صغير وقلم وحطيتهن بالدرج حق السياره وكل ماعبيت سجلت المبلغ وعداد الكيلوات حق السياره الى ان اتممت شهر كامل ٣٠ يوم بعده قمت احسب كم مجموع السعر خلال شهر وكم كيلو مشيته خلال شهر وهكذا
نوع السياره : سوبربان ٢٠٠٥ دبل حجم ١٥٠٠
عدد السرندل : ٨
سعة السرندل : ٥.٣
نوع القير : اتوماتيك ٤ نمر
اسلوب القياده : عنيف كذالك قياده(( راليه)) ماعتقد احد اعنف مني بقيادتي
نوع الطريق : خلال شهر سافرت مرتين وكشتات وتطعيس ومشاوير يوميه داخل المدينه وتحميل وطرق سريعه وحواري
نوع الوقود : ٩١
طلع لي الاحصائيه كاتالي
٧٥٢٨ كيلو
٨٩٥ ريال
وبما ان سعر التر ٧٥ هلله (بعد تحسيب فقع مخي ويمكن اخطأت ويمكن أصبت )
طلع ١١٩٣ لتر
بمعدلات كالتالي
١٥.٦٢٥ لتر لكل ١٠٠ كيلو
وكذالك ٦.٤ كيلو لكل ١ لتر
الحسبه هذي ربما اخطأت فيها ارجو تعديلي اذ كان فيها خطاء
واعتقد لو انا قيادتي هادئه كان تغيرت الارقام ١٨٠ درجه
إبلاغ
الردود
الجموس الجديد2016 حسنوها مررره وفرق جدا جدا واضح
انا موتري اف جي يمشي للتر حول9 كيلو وقيادتي احيانا عنيفه شوي لان مركب دبه واتحمس لا سمعت صوتها
بس انت شكلك كل يوم تحط 20ريال بموترك الله يعينك
0
0
محمد حمدان
شف ترا الشهر ذا انا متعمد اني احاول اوصل اقصى معدل استهلاك عشان الشهور الباقيه ادري ان ماراح اوصل لسعر هذا الي هو ٨٩٥ ريال للبنزين وكذالك ان اليوكن الجديد راح يكون غصب اقل من كذا بكثير حتى لو استخدمته مثل استخدامي هذا
انا اربع نمر والجيل الاجد ست نمر
لذالك تعرف وشلون قياده راليه يعني يا داعس على البنزين ياداعس على الفرامل بينهن مافيه
كذالك على الخطوط مع المكيف امشي ١٨٠ - ١٩٠
كذالك تسارع اخر شي
من غير تقريبا اربع مرات تطعيس ساعه او ساعتين وادبل شغال والار بي ام فوق ٣ و٤
ووغيرها وغيرها
المهم شهر كامل وانا اشخل الموتر شخل ابغى اعرف هل هو يصرف صرف خيالي او لا وهاذي اقصى الارقام الي طلعتلي
0
1
0
0
عساك بخير,ماشاء الله عليك ليت الناس مثلك لاكن ليت لوتكتب طريقة حساب القوانين ذي بالتفصل في احد ردودك
قبل 8 سنه و 6 شهر