أضف سؤال أو موضوع جديد          

تغيير مرايا اكسنت بفلشر

up 13 down 8



السلام عليكم ورحمة الله وبركاته 




الموضوع اليوم عن تغيير مرايات السياره 




من مرايا عاديه. الى مرايا فيها اشاره 




وبضيف لكم صور قبل وبعد اخليكم مع الشرح




السياره : اكسنت 11الشكل القديم 




قبل فتره شفت بموقع حراج سياره نفس سيارتي 




والمرايا فيها اشاره وقررت اركب نفسها 




رحت محلات قطع غيار هونداي وماحصلت عندهم 




رحت للوكاله في خريص مخرج13 تقريباً 




وريتهم الصوره قلت ابغى نفس المرايا هذي 




قالي سيارتك ماتركب عليها لازم ترهمها 




قلت ماعليك شفلي سعرها والباقي علي ان شاء الله 
قالي الحبه الوحده ب550 يعني الثنتين 1100




قلت اوكي عطني ياها قالي لازم نطلبها طلبيه 




وطلبها ودفعت عربون. ومشيت بعد 4ايام 




اتصلو علي وجيت. واخذتها طبعاً لونها 




يجي عسلي. او حليبي. 




لازم ترشها. واخذتها ومشيت رحت الصناعيه 




ورشها  الثنتين ب120ريال. مع ان حقها اقل 




لاكن ارخص واحد لقيته 




وبعد مارشيتها خليتها يوم كامل لين تنشف 




واخذتها ورحت. لكهربائي اعرفه واتفقت معها 




يركبها. واخذها. قالي لازم فيش يركب في نفس المرايا 




رحت ادور الفيش ماليقيت بالوكاله قالي خلاص 




اركب لك فيش 




طبعاً. طريقة التركيب 




تسحب سلك من. الاشاره الي بالرفرف 




وتوصله بالمرايه  وتشتغل مع الاشاره على طول 




والله الرجال ماقصر ركبها وكل شي من عنده 




هو جاب الفيش وجاب السلك 




وظبطها كلها نص ساعه وهي جاهزه 




وماشاء الله تبارك الله. طلع شكلها 




احسن من المرايا القديمه 




وشغل اليد الكهربائي 




100ريال 
هذا الي عندي اليوم 
وان شاء الله يعجبكم الموضوع 




اخليكم مع الصور 




وفي امان الكريم 




اخوووووووكم. ابوسعود 













إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


تقريرك حلو جزاك الله خيرا لكن تكلفتها غالية والموتر مايسوى انك تدفع فيه هالمبلغ للكماليات


up 29 down 4
jeddah123123 156
قبل 5 سنه



ماشاء الله شي جميل الصراحة .


القزاز عندك كهرب ؟ 


up 3 down 1
khalidoo 1167
قبل 5 سنه



جده 

شكراً على مرورك. وصدقت بكلامك لاكن تعرف 

الشباب. والهوايه. 



نعم القزاز كهرب


وموفقين ياشباب 


انت يبيلك موتر بطل تشتغل عليه

بس شغل كنه وكالة ماشالله


up 2 down 2
jeddah123123 156
قبل 5 سنه



لو  تفصل حق الرفرف نهائي يعني تخليه يشتغل بس المرايا يطلع احلى


up 0 down 0



يالربع قيمه الشيء مو بالسعر يمكن له قيمه معنويه 

هذا رد على الاخ jeddah

وشغل حلو والله يباركلك بموترك


up 1 down 2
abomesal 1038
قبل 5 سنه



جزاك الله خير  اخوي 


دام عالرفرف موجود ما يحتاج عالمرايا


up 1 down 0
ryyan555 702
قبل 5 سنه



دام عالرفرف موجود ما يحتاج عالمرايا


up 1 down 0
ryyan555 702
قبل 5 سنه



ماشاءالله جميل 

لكن يكلف


up 1 down 0
ks.k9 21
قبل 5 سنه



ابداع  وشي جميل صراحه


up 1 down 0
ابو مطرقه 22 76
قبل 5 سنه



يازين شطفتك 
هههههههههههههه
الله يبارك لك فيها


up 1 down 0
وائل ..... 305
قبل 5 سنه



فكرة جميلة صراحة أهنيك عليها وتستاهل لآيك .. 

الإشارة هذه مكانها جميل الواحد يشوفها وهو راكن جمبك يسار سيارتك أو يمينك لانه ماراح يشوف الاشارة اللي تحت 

أو الاشارة اللي بالخلف والأمام .. أحسنت الفكرة وأهنيك عليها 


مشكورين على ردودكم. المحترمه. عسا الله يوفقني 

وياكم. دنيا واخره. 

لكم مني كل الاحترام. والتقدير. 

ولي مواضيع ثانيه ان شاء الله. قريب وفي امان الله