استعلام عن جربكس جيلي 2012

السؤال الحين وين بتلقا القير؟
الموتر توه جديد وماراح تلقاه منتشر في التشاليح
وغير ذا الوكيل ترللي مثل ما سمعت واحتمال كبير يصلخك بالسعر

ابعد عنها اجل نصيحه وش تبي فيها دامها قيرها معدوم

نصيحة اخو ابعد عنها انا استخدمتها سنتين نفس ذي 2012ec7 ماشي80 الف
خرب علي القير ورحت للوكالة وخسرت 8000 ومانفع يتصلح وبالأخير لقيت ناس نفس مشكلتي وطلع
عيب مصنعي فالقير الاوتوماتيك فقط ويوم طالبتهم بحقي جحدوني هاذا بالنسبة لوكالة تبوك
وبالنهاية بعتها تشليح ب3000 ماأنصحك فيها

طبعا القير قيمته 17000 الف

اظن قيرها الاوتو CVT ما يتصلح لازم تبديل و ممكن ما بضبط انت وحظك
الافضل تشوف وحده قير عادي او سيارة ثانية

زميلي عنده قير عادي وخرب
والله مدري ايش وضع  الجيلي 

وين الي يمدحون فالجيلي طلع اكثر من واحد يشتكي من هذا العيب الكبير 
لا اوتو ماتيك ولا عادي!! 
حسن كتبي وهق العالم بمدحه لجميع السيارات 
ياليته يكتفي بذكر المواصفات دون التطرق للتحمل والجودة لانها ماتظهر الا بعذ الاستخدام 

اخوي باجابر
نصيحة شوف لك موتر منتشررر   بالسوق  وقطع غياره منتشر بالتشاليح والمحلات
  اشتر اكسنت   افضل  لك  ،  واذا  تعطل قيرها التماتيك بتحصله ب 3000  الى  3500  
ويكد  معك  انا  مركبه لأخوي  قبل اكثر من  3 سنوات   ب3500  وماشاء الله إلى الان  شغال
وايضا  لحقة المكينه حراره  بسبب  غطاء الرديتررر  ونقص الماء
و وضبناها توظيب كامل  حدود   3500  إلى   4000  قبل  اكثر من سنتين ا يضا
وماشاء الله إلى الان شغاله  
يعني  شوف لك موتررر  منتشررر  وسهل الصيانه  
ابعد عن الجلي ،، نصيحه اخ    

انا استعملت الجيلي 2012 واخذته مكرووفه بعد سياره اعتماديه ماوجهت اي مشكله طبعا ec8 لها تقريبا سنه ونصف موديل 2012 

حسن كتبي يخق مع اي موتر فيه ايرباقات يحسب كثرتها من حب الوكاله لنا ع العكس ي رجال مكسبهم من هالبالونات حول ال5000 

شكرا لكم جميعا واشكر لكم
مداخلتكم 

الي عنده قروب جيلي يضيفني 0593390202

الوكيل مايؤفر قطع 

القير العادي ب 3999 ريال والصحن مع الدسك والفحمة ب800 ريال تقريبا هذا القير العادي وصح عيب مصنعي غيرته مرتين والحين خربانة

انا عندي سيارتين جيلي 2013 قير عادي السيارات ستاندر للأمانه جباره لها معي من 2013 الا الان كادها كد وسالكه وقطع غيارها متوفره يكفي ان مكينه ب2500 مع التركيب
العيب الي فيها كلها وهو عيب مصنعي
القير ترس الثاني يفلت بعد فتره من الاستخدام وانا ماشي عليه لي سنه اذا عشقت يمشي طبيعي بس من ارفع دعسة البانزين يفلت واغير 3 وامشي ماخليت فيها مكان
انا نفسي الاقي شي وكاله نظيف ستاندر لاني حبيتها والي معي كلها قد جاتها صدمات خفيفه في جوانبها
وسلامتكم

انا من القنفذه مستخدم جيلي ام قراند 2012 شد بلد تو القير خبط من مديلها إلى اليوم بصراحه سياره جباره مستخدم انا وأخذتها وكاله كنت اسافر فيها طرق طويله ماتشتكي من شي ابد ولاصلحت فيها شي والأوقفت. يوم الحمد لله واليوم بصلح القير وبستخدم من جديد ولو احصل مثلها وكاله شريت ..هي ياحبيبي من سوء المستخدم خف رجلك وحافظ تدوم ..