هل استطيع تركيب مثبت سرعة من الوكالة ؟

اضن تروح تشتريلك من التشاليح مثبت من موتر نفس موترك فل تاخذ المثبت حقته بس ما ظنتي تسويها لك الوكاله لكن احتمال
كم كهربائي يعرف للتوسان ويسويها وموفق وانتبه تروح لكهربائي غشيم يجيب العيد بموترك

نصيحه من اخ لي اخوه شي اذا مكان من الوكاله لي تحط وانت شوف 
مشاكل الناس بمثبت السرعه وهو مو توليف 
لكن من رايي لك يالغالي خلك زي مانت 
او بيع موترك وشتر موتر ثاني 
مجرد راي والله يوفقك شاء الله

تراه كله حساسات بكره يعلق عليك 

فيه فيليب مهندس فلبيني بورشة باالقصيم ابحث بالشيخ قوقل يركبه لك 1500 ريال وشغله تمام التمام
مشوار للقصيم تمشية وكليجا وسكري ومثبت سرعه هع

هذا تجربة واحد مركب عنده ورقمه والوصف موجود
http://www.alrahalat.com/vb/showthread.php?t=2367

مادام هالميزه مطلب اساسي لديك 


ليش تشتري موتر غير متوفره فيه 

شكرا على الافادة يا اخوان 
مدرس عاطل.
انا عملي كان في منطقة قريبة مني  بس الحين عيرت مكان عملي وصار في منطقة بعيدة وصاير امسك خطوط كثير 
ثاني شيء انا سيارتي تقسيط حاولت اتنازل عنها علشان اخذلي سيارة غيرها بس ما حصلت مشتري  

Khaled3224  
فيليب هذا ناس كثير يمدحونه ويقولوا شغلوا مضبوط ١٠٠٪‏ 
بس المشكلة انه بعيد عني  والوقت ما يساعد  وشكرا على مرورك ما قصرت 

Khaled3224  
فيليب هذا ناس كثير يمدحونه ويقولوا شغلوا مضبوط ١٠٠٪‏ 
بس المشكلة انه بعيد عني  والوقت ما يساعد  وشكرا على مرورك ما قصرت