أضف سؤال أو موضوع جديد          

برمجة نيسان ولكزس وفورد--- منقووووووووول

up 7 down 2
ماكسيما 2008 6744
قبل 9 سنه



بسم الله الرحمن الرحيم

السلام عليكم ورحمة الله وبركاته



حبيت اطرح الموضوع لانه اغلب الشباب عندهم مشاكل بسياراتهم وبعضهم مش فاضي لها وبعضهم تعب من يدور في الكراجات

المهم المشكلة الاولى هي لمبة الايرباق لما اتم تولع وتبند في سيارات نيسان بسبب انك فكيت الكراسي او بعض الوصلات في الستيرنك او في الطبلون !!!!!!!!!!!!!!(انا مجربها)

الحل (( تدخل المفتاح في السويتش وتديره كأنك تبي تشغل السياره وطبعا بتطلع الك المبات جميعها حقت التشييك ومن ضمنهم لمبه الايرباق اول ماتضي طالع فيها واول ماتنطفئ اطفئ المفتاح مباشره لأنك لو تأخرت ما بتضبط البرمجة يعني السر في لمبة الايرباق نعيد عشان توضح تفتح المفتاح وتنتظر لمبة الايرباق ليما تنطفئ واول ماتنطفئ تسكر السويتش بالمفتاح وتعملها اربع مرات متواصله و الخامسه تشغل السياره مباشره ومبروك عليك البرمجه ))

وبالنسبه لموديل من 2008 وفوق المفتاح الذكي(البصمة)
اولا تضعط مرتين تخليه على on بدون ماتشغل السياره فيه زر بين البابين حق الي هو اطفاء الانوار الي داخل لمن تسكر الباب تضغطها 10 مراااات بعدها تطفي السلف من on الى of بعدها تشغله on ومبروك عليك البرمجه

وفيه برمجة حق السيارة تشيك على اداء بعض القطع حط سوتش on بدون ماتشغل السياره فيه زر حق الي هو اطفاء الانوار الي داخل لمن تسكر باب السائق تضغطها 10 مراااات بعدها تطفي السلف من on الى of بعدها تشغله on بتشوف المشاش يشتغل والليت والفول ليت والكشاف والمروحة ومبروك عليك البرمجه

برمجة ريموت النيسان اذا راحت البرمجة بسبب تبديل البطارية او تبرمج ريموت جديد

بسم الله نبدأ :
1- افتح باب الموتر واركب (لاتقفل الباب)
2-حط المفتاح محل التشغيل وخله على OFF
3- والباب مفتوح قفل (السنتر لوك) وافتحه
4-صك الباب وقفل (السنترلوك) وافتحه
5-نروح للمفتاح ونحطه على ON (من دون تشغيل السيارة) وبعدين نرجعه OFF نكرر العملية 6 مرات (نحطه على OFF في الآخير)
6-راح يأشر دبل اشارة مرتين
7-هنا انتبه والرموت مكانه) اضغط على زر الفتح في الرموت (وخلك ضاغط عليه لاتفكه) وبيدك الثانية اضغط على زر القفل في الرموت ثلاث مرات (وانت معلق على زر الفتح) مع المرة االثالثة فك الازراز (الفتح والقفل) في نفس الوقت واللحظة
8-راح يأشر دبل اشارة مرتين
9-الان شغل السيارة
10- راح يأشر الفلشر ايضا وهذا يدل على انتهاء العملية
11-طف الموتر وجرب الرموت وافتح وقفل على كيفك


برمجة ليت انخفاض الهوة في اللكزس ال اس 430 في زر تحت الطبلون لما تضغط عليه يرد والثانية اللي تضغط عليه وتتم هاذي مال الريموت
المهم اضغط عليهة وخلك ضاغط والسيارة تشتغل وبيروح الليت


للسيارات فورد

معلومات مهمة ورائعة لمالكي الفورد
حبيت أكتب لكم بعض أسرار الفورد FORD ( فيكتوريا - ماركيز - لنكن )
الكل يعرف ان الفورد شركة رائدة في صناعات السيارات
الفورد في السابق كانت تعتمد على نوع واحد من الفورد وهو الفيكتوريا فقط
وهو ما فعلت الفورد لتوسيع نطاق العمل وتوزيع الشركة او الوكالة الى ثلاث اقسام FORD ( فيكتوريا - ماركيز - لنكن )
كراون فيكتوريا - غراند ماركيز . وهو كما معروف
انقل لكم بعض أسرار الفورد FORD ( فيكتوريا - ماركيز - لنكن )
بسم الله نبدأ ...........
اولاً:
طريقة تحويل درجة الحرارة للمكيف الالكتروني من مئوية الى فهرنهايت او العكس
الطريقة : تضغط على مفتاح max a/c و DEF مع بعض لمدة ثانيتين او ثلاث وراح تتغير تلقائيا وسلامتكم.
ثانيا :
لإسكات صوت جرس الحزام
بالنسبة من موديل 99 إلى 2002 الطريقة التالية:
1-أغلق أبواب السيارة بإحكام وإغلاقها من الداخل بحيث لا يستطيع من بالخارج فتح أبواب السيارة .
2-ضع المفتاح على وضع التشغيل دون إدارة المحرك .
3- عندها سترى مؤشر ( لمبة ) حزام الأمان أمامك مضيئة انتظر حتى تنطفئ.
4-أدخل حزام الأمان في مكانه ثلاث مرات بشكل سريع .
5- أضئ أنوار السيارة بسرعة ثم أطفئها .
6- أدخل حزام الأمان مرة أخرى ثلاث مرات ثم انتظر حتى ينطفئ المؤشر( اللمبة ) .
7- أدخل حزام الأمان مرة واحدة ثم أخرجه بعدها سترى المؤشر يضيء بشكل سريع إذانًا بنجاح العملية
اما بالنسبة من موديل 2003 وفوق كما يلي:
الطريقة الموجوده في الكتالوج تسويها على مقعد السواق ، والمقعـد إلي بجانب السواق.
لأنه يـوجد حساس في المقعـدين
والطريقة أنك تقوم بوضع المفتاح على وضع ON حتى تلاجظ جميع الأنوار .
عندما تختفي لمبة الحزام أربط الحزام 9 مرات متتالية ، خلال 50 ثانية
عنده سوف تضئ لمبة الإرباق ، قم بربط الحزام وفكه مرة واحدة
قم بنفس الطريقة على المقعـد الآخر
ثالثاً :.
طريقه برمجه مفاتيح الفورد
((اذا كان عندك ثنين وتبي تظيف ثالث))
طبعا انا ماجربتها لأن عندي ثلاثه مفاتيح وماني محتاج مفاتيح اضافيه
اليكم الطريقه
يمكنك برمجه مالا يزيد عن8مفاتيح لسيارتك لكي تقوم بإعداد مفتاح مبرمج بنفسك تحتاج الى مفتاحين مبرمجين سابقا (مفتاحين يمكن استخدامها لتشغيل سيارتك) ومفتاح جديد غير مبرمج جاهز وذلك لاداء كل خطوه من العمليه حسب المطلوب
ملاحظه (يجب قراءه وفهم العمليه بخطواتها الكامله قبل البدء)
طبعا اعرفو اوضاع السويتش اللي بذكرها
اول ماتحط المفتاح في السويتش هذا يسمى وضع=1 عندما تحرك المفتاح وتشتغل معك المسجل والقزاز هذا يسمى وضع=2
وعندما تشتغل معك اللمبات اللي في الطبلون يسمى وضع=3
وعندما تدق سلف يسمى وضع=4 <<ماراح نحتاج له اضفته فقط للتوضيح
الخطوات
1-ادخل المفتاح الاصلي في السويتش وادره من وضع =1الى وضع التشغيل =3 واتركه ثانيه واحده على الاقل
2-ارجع واخرج المفتاح من السويتش
3-بعد عشر ثواني من اخراج المفتاح الاصلي وادخل المفتاح الاصلي الثاني وادره من وضع=1 الى وضع=3 <<نفس العمليه السابقه واتركه لثانيه واحده على الاقل او عشر ثواني كحد اقصى وبعد كذا اخرج المفتاح من السويتش
4-بعد عشرين ثانيه من اخراج المفتاح الاصلي الثاني ادخل المفتاح الجديد (غير المبرمج) وادره من وضع =1 الى وضع=3 واتركه لمده ثانيه واحده على الاقل وسيتم من خلال هذي العمليه برمجه المفتاح الجديد
ولبرمجه مفاتيح اخرى يجب الانتظار لمده 20ثانيه وتكرار العمليه بداً من الخطوه -1-
رابعاً :.
طريقة برمجة ريموت الفورد
( كراون فكتوريا و القراند ماركيز)
طبعا بدال نصب راعين الورش وتقعد السياره عندهم نص ساعه او ساعه
المهم هذي البرمجه وماتاخذ اكثر من دقيقه وانا بعد ماتعلمتها برمجة ريموت سياره اخوي (ماركيز2004)
وتبرمجمت معي
طبعا البرمجه برمجة الريموت الاصلي و تشمل الفل ونص الفل (الموجود بها ارقام بالباب) واللي لها ريموت
فقط امسك الريموت وعلق على اي زر مثلا زر اغلاق الابواب
وادخل المفتاح بالسويتس وشغل لمبات العداد وطف بحركه سريعه شغل وطف طبعا مو تشغل السياره
فقط تشغل لمبات العداد يعني ماباقي لك غير دقه وتشغل السياره
بحركه سريعه شغل لمبات العداد وطف شغل وطف بحركه سريعه ولاتنسى تكون معلق على اي زر من ازرار الريموت
واستمر شغل لمبات العداد وطف الين تسمع قفلة الابواب( اذا كنت ضاغط عليها بالريموت )
وبكذا انتهت البرمجه
وجرب ازرار الريموت اللي يفتح الشنطه والمنبه (البوري) واللي يفتح ويغلق الابواب راح تلقاها شغالها
والطريقه هذي تعلمتها وانا كنت واقف اسوي سيارتي بأحد الورش وجا صاحب فورد يبي برمجه للريموت وقال له الهندي تعال بعد نص ساعه واتفق معه على 100 ريال وراقبت الهندي وشفته يوم برمجها ماخذت منه اكثر من دقيقه وعرفت ليه صرف راعي السياره وقال له تعال بعد نص ساعه عشان مايتعلم الطريقه واللي رفع ضغطي اكثر انه سواها ب 100 ريال لصاحب السياره
وبالوكاله سعر البرمجه ب 140 ريال
ولاتنسون انها تشمل الكراون فكتوريا والماركيز
طبعا الستاندر مايجي لها ريموت
خامساً :.
خصائص مسجل الفورد المخفيه
تشغيل الخصائص
تعلق على رقم 3-6 في المسجل يقوم بفحص السماعات (طبعاً لازم تكون حاطه على الاف ام لان الميزه هذي ما تشتغل ع السيدي او الكاسيت)
بعد ما ينتهي من عمليه فحص السماعات
سيقوم المسجل تلقائيا بعمل استعرض لخصائصه طبعا انت بدورك تقوم بأختيار أي من الازار السته الموجودين بالمسجل
مثلا تظغط الزر رقم واحد يقوم بإستعرض القنوات الموجوده على موجه الاف ام
والخاصيه الموجوده على الزر رقم 2 مافهمتها لكن يبدو انها فحص للسيدي او ماشابه
نجي للزر رقم 3 وهذي اكثر ميزه عجبتني
وهي تحدد قوه موجه القناه للمنطقه اللي انت فيها
معناه ان قوه ارسال القناه للحي اللي انا فيه هي 61 لكن اقوى اشاره وصلت لها هي 64 وهذي في جامعه الملك سعود واضعف إشاره كانت 24 في مدينه الخرج
نجي للخاصيه الموجوده في الزر 5 ( خاصيه الزر رقم 4 ما فهمتها وما حبيت اضيفها لانها مبهمه جدا)
طبعا الميزه الموجوده في الزر 5 هي فحص شاشه المسجل
بعد كذا نجي للميزتين الاخيرتين للزر رقم 6
الاولى هي السيريل نمبر للمسجل
والثانيه هي تاريخ صناعه المسجل
تاريخ صناعه المسجل 8\12\2005 وتاريخ صناعه السياره 3\2006
سادساً :.
برمجة الريموت الموجود في بعض السيارات وخاصة الأمريكية والموجود بالشماسه (المظلة اللي فوق راس السواق)لكي يقوم بفتح باب المنزل:-
1- قم بضغط الزرين اللي بالأطراف الموجودة بالمظلة حتى تلاحظ ان اللمبه بدأت تومض بشكل متقطع (هذه العملية لمسح البرمجة السابقة)
2- قم بضغط زر ريموت الباب وأحد الأزرار الموجودة بالمظله لفتره قصيره حتى تبدأ اللمبة تومض بشكل متقطع
مبروك لقد قمت الان ببرمجة الريموت على هذا الزر بإمكانك برمجة باقي الأزرار بنفس الطريقة
سابعاُ :.
ازرار في الشنطة مهمة جدا
الاول : زر الهادرولك
الثاني : زر الانقاذ وهو زر مهم في الفور يحدث كثيرا عند بعض الشباب
احياناً السيارة تقع في حفرة او مطبة وتطفي فجئه اضغط على الزر وقم بشغيل السيارة
واحياناً : لا سمح الله انك تعرض لحادث والسيارة طفت فجأة قم بضغط الزر بعدين شغل السيارة
ثامنا واخيراً :.
وهي اهم نقطة
'طريقة تغيير رمز القفل بالنسبة مفاتيح باب السيارة ( الازرار )
الرقم الاصلي بتاع الوكالة لا يمكن تغييره ابدا الا في الوكالة
بس بامكانك اضافة رقم سري اخر
الطريقة:
1 ادخل الرقم السري حق الوكالة المبرمج من المصنع
2 اضغط على 2/1 خلال خمس ثواني من اجراء الخطوة الاولى
3 ادخل الرقم الجديد اللي تبيه مؤلف من خمسة ارقام ادخل كل رقم خلال خمس ثوان من ادخال الرقم السابق
4 اذا تبرمج الرقم الشخصي الجديد تلاقي البيبان تنفتح وتتقفل مرة وحدة كدليل على انه تمت البرمجة
ملاحظة : هذا يعتبر رقم اضافي شخصي بحيث انه لن يتم حذف الرقم الاصلي حق الوكيل اللي يجي مكتوب في كرت
ويمكنك استعمل الرقمين كلهم الرقم الشخصي ورقم الوكيل .

آمل أن وفقت في عرض المفيد

الموضوع منقوووووووووووووووووووول







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


مشكوور ياغالي وما قصرت ابي اسوي لايك مو راضي لمن اضغط عليه مايستجيب يعني كأني ماضغط شئ


up 2 down 0
feroo li 1816
قبل 9 سنه



الله يعطيك على قد نيت لك رسالة عالخاص


up 1 down 0
ابو امااني 2067
قبل 9 سنه



مشكور اخوي ماكسيما ع الموضوع ولاهنت ع التوضيح المفصل

وانا كمان عندي مشكله باللايكات ما تضبط معي ياليت الاخوان يفيدونا 


up 1 down 0
camry grandi 99 7274
قبل 9 سنه



صباح الخير أخوي ماكسيما 2008 واحد من ربعي عنده مشكله معه هايلوكس ديزل غير السير الداخلي المعروف

ب   T-BELT اللي تغيره بعد 100000 كم والمشكله اللمبه حقت التنبيه لازالت مولعه 

إذا عندك الحل الله لايهينك 

ومشكور على الموضوع


up 0 down 0
مورسدس24 3640
قبل 9 سنه



مشكوور حبيبي بس عندي استفسسار ..
1* انا سيارتي امريكيه والراديو موب صافي اذا في طريقه ياليت تعلمني
2*انا شاري السياره امريكيه ولا لقيت الرقم السرري فالسياره وش الححل ؟؟؟ احتاجهه كثيير



up 1 down 0
faisal4999 3
قبل 9 سنه



مورسدس 24 :
عندي لك حركة افصل اصابع البطارية اكثر منعشر دقايق وركبه بس خل الوضع على on وركز معي لو طفيتها وماخليت الوضع على on بتروح عليك البرمجة وبتصير تفتف السيارة لكن خلي الوضع على on والمفتاح بالسوتش وافصل البطارية لمدة تتجاوز العشر دقايق ورد لي خبر





faisal4999

بالنسبة للراديو:-
1-تأكد من وصلة الاريل يمكن مو موصول او يكون اريل تجاااااااااري
2-تركيب مسجل رديء وخصوصا بعض الراديوات الصينية لانها ضعيفة ولو تركب لها مية اريل ماينفع لها
3-سمعت فيه ناس ركبت مكثف وزبط معها وبعضهم مازبط معه وتحصله عند محلات المسجلات

وبالنسبة للرقم السري:-
إذا فتحت شنطة السيارة راح تشوف على أحد الأذرعة تبع الشنطة أرقام هي هذه الأرقام السرية
وإذا ما حصلتها تفك فرش باب السواق فتجده مكتوب على نفس الجهاز(جهاز الرقم السري )الموجود جانب مكينة رفع الزجاج
وتلاقيه ممكن في كرت تلاقية في الكاتلوج حق السيارة وتقدر تروح لاي ورشة متخصصة بالفورد او الوكالة وعندهم جهاز كمبيوتر للفحص ويطلعوه لك عن طريق الكمبيوتر حق السيارة


هذا والله اعلم وارجو تبليغي بمايحصل معكم مع تحيات اخوكم / ماكسيما 2008


up 2 down 0
ماكسيما 2008 6744
قبل 9 سنه



تسلم يدك والله يعطيك العافية مشكوووووووووور .


up 1 down 0
مستر بن . 10377
قبل 9 سنه



اخوي موتري ماركيز 2007 مافيه اريل والمسجل حق الوكاله
اما الرقم السري ماحصلته لكن انشاء الله اليوم بروح البيان وبشوف وش يصير معي



up 0 down 0
faisal4999 3
قبل 9 سنه



الف الف الف مليوووووووووووووووووونــــــــــــــات الشكر لك 
احييك على هالموضوع الرائع انت خطييييييييييييير


up 1 down 0
alsaba 2
قبل 8 سنه و 10 شهر



اخوي عندي مشكله في مكسما ٢٠١٠ 


up 0 down 0
ابو خالد المعارض
قبل 8 سنه و 4 شهر



اذا مسكت خط وصلت ميتين. حق الضغط يلعب بين الخمسه والاربعه  وكانها تزود الحنه غيرت منظم الهوى الي بالقربه وبواجي مالقيت حل مع أنها ماكان فيها شي 


up 0 down 0
ابو خالد المعارض
قبل 8 سنه و 4 شهر