قصتي مع الي اشترا سيارتي السوناتا

26 3

لايمكنك التصويت حتى الحصول على 20 نقطة على الأقل
إضغط هنا للإخفاء

سبحان الرازق سبحانه 2513
قبل 8 سنه و 6 شهر

السلام عليكم ورحمة وبركاته 




الموضوع. هو عن قصة حصلت معي 




يااخوان قبل ثلاثه شهور. كان معي 




سوناتا. 2010 ماشيه. 167الف وكسور 




قررت ابيعها لاني عندي غيرها ولله الحمد سيارتين 




اكسنت وازيرا. المهم. نزلت معارض النسيم بالرياض




في ايام الاسبوع العاديه. سامها اكثر من شخص 




ولا بعت. ورجعت اليوم الثاني  قلت. فاضي 




وبنزل المعارض لين ابيعها. والله وجاني واحد 




شباب. قالي. مسيومه قلت مسيومه ب19الف 




جلس يفحص ويشوف البودي. وقلت له كل شي فيها 




قالي ماشه كم قلت 167الف وشوي 




قال ب20الف وعلى الفحص. قلت ماهو حقها 




قال انا صامل. ولاني من الي يسوم وينحاش لجاء البيع 




قلت. ابد تونى بااول المعارض. عطني رقمك ان محد زاد على سومتك بتصل عليك 




قال انا شراي ومستعجل وتعبت ادور لنظيف 




لاكن كم حدك للصامل. قلت. 23الف 




لاكن. قبل ماتفحص. تراني موظب المكينه 




قبل 7شهور وقطع اصلي وفواتيرها معي 




قال. بيني وبينك الله ان كان القطع تجاري 




التوظيب مايعيب الموتر. قلت ابد القطع اصلي 




والفواتير هذي هي قال مشينا على الفحص 




والله وطلعنا وفحص السياره. وجازت له 




واشتراها. ب23الف. ونقلها بااسمه وراح 




وانا رجعت البيت. بعدها. بشهر. تقريباً 




نزلت المعارض مع خويي يدور سوناتا 2013
او2014




وجلسنا ندور بالمعارض. ودخلنا الحراج تحت المكرفون 




واشوف سيارتي الي بعت. عرفتها باللوحه 




قلت لخويي هذي سيارتي السوناتا الي بعت 




طالع في اللوحه قال اي والله هي. 




وجيت شفت واحد في السياره ماهو نفس الرجال الي شراها 




قلت بكم قالي36الف واصله الحين 




قلت ليه قالي مخزنه السياره ماشيه 44الف 




ماصدقت الي شفته رجعت اطالع باللوحات 




واتئكد هي سيارتي ولا انا غلطان. 




انا يوم بعتها ماشيه 167الف 




وش وصل العداد 44الف. 




شكله الي شراها. يبغى يلعب على الناس 




ونزل عدادها حسبي الله ونعم الوكيل فيهم 




يااخوان انتبهو. قسم بالله. فيه ناس 




مايخافون الله. يرجعون العدادات ويغشون الناس 




لاكن وين بيروحون من الله.  وهذا النصاب 




انفضح هذاك اليوم. لين طلع من الحراج. 




انتبهو. 




اخوكم ابوسعود 

إبلاغ

الردود