لا يحمل تأمين

الاجراء يشيلوووه وعلي التوقيف لين ماتتصلح سيارتك

ايش نوع تأمينك

نعم توقيف لين يدفع تكلفة سيارتك

ي رجال العوض مو زين الله يعوضك اذا الرجال ضعيف اتركه اذا مرتاح خذ حق التصليح العوض سبحان الله  ماهو زين 

ي رجال كان الصدمة ماهي ذاك الزود 
سامحه لوجه الله 

العوض من حقك و مشروع لك شرعياً و قانونياً و مقولة أن العوض ما فيه خير هذه مبتدعة من عندنا
لكن لو مقتدر مادياً حاول تصلحها بنفسك و ربي يكتب لك أجر تفريج كرب مسلم
خصوصاً لو كان على قد حاله و ما يقدر يدفع لكن لو مقتدر و تبي حقك هذا شيء راجع لك

عبدالله خالد مافيه شي بدعه والمسامح كريم  قول الله لايحطك تحت رحمة احد احمد ربك وقل خير يمكن الطرف الثاني الله اعلم بحاله وصاحب السياره عنده القرار وهوه ادري بيسامح ولا يصلح الناس ساحمت  ب رقبه تنازلوا لوجه الله وهم معاهم الحق يقصوه 

المشكله ان المرور تركه يروح وبلغني اراجع مرور الشمال كأني انا الي ما معي تأمين

والله المستعان. 

ع أساس تراجعوا يوم الأحد عند مستلم الحادث

يتم تحديد وتقييم  الاضرار ونسبة الخأ 

بحضور الطرف الثاني طبعن

واذا لم يحضر او يتجاوب 

توقيف خدمات فورا

وعفاك 

يمكن طلع بكفاله ولكن هذا حقك حتي لو كاش ماعليك من اللي يقول مايحتاج لو انت اللى صادم وماعندك تأمين محد بيرحمك الي عليك تسعر تسعيره اللي تصلح الموتر ومايكون مبالغ فيها الرجال بيدفعها كاش

حبيبي سمرمد

ركز في كلامي لا تحول معناه
أنا رديت على الأخوان و من ضمنهم أنت الي تقولون العوض مو زين
و هذي الجملة بدعة من عندنا رغم أن الشرع و القانون أباح التعويض و و الله أدرى أنه فيه خير ولا مافيه خير و ما أباحه إلا لحكم معينة
و ما قلت له لا تسامحه قلت لو شفته على قد حاله حاول تسامحه و لو تبي حقك هذا شيء يرجع لك

جزاكم الله خير جميعاً ووفقكم في الدنيا والأخره وبيض الله وجيهكم ورزقكم من واسع فضله. 

انا كلامي من كلام الأعضاء الكرام
اذا هو رجال باين عليه انه مقتدر خذ حقك كاش
واذا هو على قد حاله ومسكين والظرر حقك بسيط سامحه لوجه الله
ممكن الله يفرج كربك بسبب انك رحمت هالمسكين بدل ماتمرمطه بالاقسام
والله لايحطنا تحت رحمة احد عباده

انا مريت بنفس ها الموقف وعكسه
المرة الاولى شريت السيارة وماكملت معي شهر وكان التامين باسم الشخص الاول مش باسمي يعني مفيش تامين
واعمل حادث مع ثلاث سيارات
اكورد واكسبيدشن ولومينا
لحسن الحظ كنت لسه مستلم الراتب
راعي الاكورد شال 4000 ريال
وراعي الاكسبدشن حساسات خلفية شال 600 ريال
وراعي اللومينا تضرر الصدام الخلفي عنده بس ما اخذ عوض

المهم ان الوقت اللص ار فيه الحادث كان ليلة الجمعة في اخر جمعة في رمضان وبالتالي ماعرفت اجيب تسعيرات من الورش وعشان اطلع من التوفيق ونحلها ودي كل واحد اخذ ثمن تصليح سيارته وكالة
ماعدا راعي اللومينا
ورغم ان الاكورد موديل 2005 الا انه اصر على تصليح سيارته بقطع وكالة ( صدام واسطب )

الشاهد من الموقف حقك تاخد تعويض لاصلاح سيارتك لكن يكون بالمعقول عشان ماتظلم الطرف الثاني معاك

اسف على الاطالة