محولات دينسو أصلية سوداء لكن التكشيح يتأخر

خذ لك ليد افضل تستخدمه وقت التنبيه بالليل 

يكشح بدون تحمية

هذي خلاص لابد تحميه 

كم مقاس اللمبات. اخ بياع حراجات 

عموما لو استشرت قبل كان افدناك بتكلفه بنص السعر 

لكن ياليت تقول كم مقاس اللمبات عندك

مقاس اللمبات H7

راجع الخاص وان شاءالله مشكلتك محلوله

طيب وش أفضل نوع ليد يا كوكو وكيف يركب ؟

و عليكم السلام و رحمة الله و بركاته 
أولاً التأكد من جودة الأجهزة لابد من فتحها و التأكد من أنها أصلية أو مقلدة إذا تأكدت من أنها أصلية ننتقل للمشكلة الأخرى و هي بطئ التحمية بطئ التحمية يكون بسببين الأول جودة الشمعات المستخدمة و السبب الثاني هو كثرة الوصلات

وما هو الحل يا ملك شمر ؟ ماهي أفضل شمعات ممكن تركب

اول حاجه الدينسو الجيل الثالث ( الاسود ) لمباته مشفرة ومستحيل مستحييييل يشتغل الا على لمبات مقاس  d2s + d2r + d4s  يعني اللمبات الاصليه فقط

ماتقدر تشغله على مقاس ثاني الا اذا جبت لمبه اصليه وغيرت قواعدها الى H7 او H8 وغيرها

اذا اللمبات عندك (غير معدله) معناته المحولات تجاريه ؟ لانها زي ماقلت لك مشفرة وماتشغل الا اللمبات الاصليه 

وفيه نوعين الاول يجيك المحول مربع ولونه اسود زي اللي بالصورة ويجيك على سيارات تويوتا ولكزس من 2008 حتى 2011 .. وهذا اللي كنت اقصده بالتعليق السابق 

النوع الثاني يجيك دائري نصه اسود ونصه فضي يجي ع التويوتا واللكزس من 2012 ومافوق هذا يسمى دينسو الجيل الرابع او محولات الانفينتي وبعض الناس يسميها محولات ماتسوشيتا وميزتها انها فلاش وتكشيح مباشر، يعني ماتحتاج تحمية عكس الاجيال اللي قبلها  

شكرا لك أخوي أبو هيثم طيب عطني أفضل لمبات مع محول لتركيبها على مقاس H7

ووش طريقة التعديل وهل تكون بكفاءة الأصلية تماما ؟

انا مسوق زينون  وافهم فيها بعطيك العلم الاكيد 

 اذا المحولات السودا بويتها فيها لمعه الله يعوض عليك المحولات تجاريه  لنه المحولات الوكاله يجي اسود مطفي 
الشي الثاني المبات  اذا تبغاها سريعه لازم تكون فليبس اصلي او لمبات 35 واط صيني عشان يجيك نفس سرعة ال في اكس ار 
ومسئول عن كلامي 

افضل شي ي الغالي على الترهيم هو الدينسو الفضي ( الجيل الثاني ) هذا طال عمرك يشتغل على اي لمبه سواء اصليه او تجاريه وعلى اي موتر بعد

وفيه ميزة عن الجيل الثالث هو ان الفولت (الخارج من المحول للشمعه ) مقداره 85 عكس الجيل الثالث اللي هو 45 فولت فقط ودايم تحترق اللمبات فيه لان الفولت اللي يجيها من المحول ضعيف ( طبعا كلها 35 واط ) والجيل الثالث اسرع من الجيل الثاني بثانيه واحده فقط 

افضل شمعات للجيل الثاني ( مافيه افضل من الاصلي d2s + d2r  ) لكن المشكله انك تحتاج تعدل القاعده الى H7 وهذي صعبه احد يضبطها لانها تبغى وزن بالملي ( واذا لقيت احد يضبط لك التعديل مايحتاج تغير محولات الجيل الثالث اساسا )؟  لكن على العموم اذا بتغير المحول من الجيل الثالث للثاني شف لك لمبات فيلبس النسخه مقاس H7 او شمعات ياكي او شمعات موريموتو وكلها صينيه لكن نوعيه ممتازة وافضل مافي الصيني واسعارها من 150 الى 200 للطقم   

أخي الغالي 
ما راح أطول عليك بكثرة الكلام و الشروحات و راح أعطيك الحلول الآن الحل الأول شراء شمعات مشفرة و تعديلها للمقاس المطلوب و إلغاء الوصلات الإضافية ما بين المحول و الشمعة لأنها من الممكن مع الوقت تدمر المحول بسبب جودتها الرديئة الحل إلغاء الوصلة و تعديل رأس المحول لتركيب الشمعة مباشرة أو تغيير المحولات بهيلا الألماني

الاصلي وزنه  ثقيل 
المقلد خفيف 

اشوف انك تعرضه للبيع وتبيعه وتشتري لك هيلا الماني اصلي اقوى واسرع ف التحميه وميزته يشغل اي لمبه اصلي او تجاري 

الدينسو الاسود ممتاز بس مشكلته في لمباته ما يقبل الا لمبات اصليه او تجاريه بشرط تكون ٤٥ فولت وذي نادر تحصلها بجوده كويسه

اما بالنسبه لتأخر التحميه لها اسباب كثيره 

اولها كثر التوصيلات بين المحول واللمبه يأخر التحميه 
وبرضو اللمبات الصينيه والكوريه تأخر التحميه عكس اللمبات الأصليه 

واذا شريت هيلا انصحك تقص الراس وتوصل له اسلاك تركب في اللمبات مباشره بدون تحويله وبكذا يكون اسرع ف التحميه 

وفي النهايه حط في بالك اي محول زينون سواء اصلي او تجاري لابد من التحميه ولكن تفرق من محول ل محول ومن لمبه ل لمبه 

وبرضو قوة دينمو السياره له دور ~ يعني تركب هيلا على جيب اكيد بيكون اسرع من لو ركبته على اكسنت 

بالتوفيق

العلم الاكيد وتبي شوري قعدت سنه ع ذا الوضع اركب وافك في المحولات
انواع واشكال اللمبات لين مره صار ياخذ ٥ ثواني مني بس برضوا ماوصل للمطلوب
فبعته ورحت التشاليح وفكيته بنفسي محولين الجيل الرابع وكلمت ابراهيم السلطان
وخذيت منه طقم لمبات معدل ب٧٥٠ والرجال محترم وكفو ولا قصر وصار زيه زي الوكاله مع العلم
لو تشوف جي اكس ار المحولات السود ترا اول مايشتغل يحمى بس قوي برضو ياخذله ٣ او ٤ ثواني

ركب لمبات اصليه
وان شاءالله تنحل مشكلتك ...