السلام عليكم فكتوريا 97

لو لقيت كامري نظيف بسعر معقول بيكون احسن بحكم ان تويوتا مكتسحه العالم

ابعد عنها .. مشاكلها كثير
جوزات اذرعه مقصات ذراع الشاص ذراع الدودة
تهريب زيت وجه بلوف صوفة 
كل اللى ذكرته لك في حالة السيارة نظيفه
وان كنت ماتدري عنها انها نظيفة او لا
حط حسبتك في قير ومكينة ومكيف

كان معايا ثنتين اشتريتهم
بسبب المقلب اللى  اسمه فورد كرف
وتعتبر زي الكرسيدا ومدري ايش 

ماغير وحده طيرتها للتشليح
والثانية بعتها بتراب الفلوس 

حياك
انت 
قلتها موتر ماله قطع غيار بدولتكم لاتتورط فيه
شف لك كامري بحدود سعر هاالفورد او تزود من القيمه

اشكركم جزيلا كثير الشكر     لكن الكامري مش واسعة وغالية شوي

ليكات للجميع +1

شوف انا استخدمت الفورد 97 لكن ركز فيه فرق بين فكتوريا وماركيز   ماركيز أحسن بكثير ي الطيب. والفورد حليل ماهو بطال   لكن نصيحه مني. اذا تبي موديل قديم خذ كامري.  نظيف. من 94 الي 2002 حلوه وأسعارها مو غاليه او كورلاء. مجرد نصيحه ولَك حرية الاختيار 

يا رجال اللي يقولك خرابات ما عنده سالفه ولا يعرف الفورد انا اغلب سياراتي فورد 89-97-98-2010 والله انها سيارة اعتيادية إلى أبعد الحدود وعمرها ما خذلتني في سفر مع اني اسافر في السنه من مره إلى مرتين وكان أفضلها من وجهة نظري الماركيز ال97 سيارة صبورة بمعنى الكلمه وجلست معاي حوالي 5 سنوات ما غيرت غير فحمات فقط واللي شراه مني فحصها كمبيوتر طلعت تمام التمام يعني اذا انت بتحافظ توكل على الله وخذه أهم شي قبل لا تسافر تشيك عليه وتغير فلتر القير مع الزيت وترسيخ اللديتر وتحط ماء اصلي وتشيك على العضلات وتوكل على الله

انا معي فكتوريا 97
الوالد شاريها من صالة عام 2007 الين الحين ماشية امورها
خذلك النظيف وشيك عليها شهرياً
استخدمها اخوي قبلي..سوى فيها كل شي
تفحيط..سرعة..بلع حفريات..عطاها شوط..لمدة 4 سنين
مع كذا بس غيرنا العضلات والمكينة والقير مافيهم مشكلة...والدفرنس كان يهرّب شي بسيط وكان نقدر نصلحه ويمشي اموره
لكن الاهمال صار فيه ونة واضطرينا نغيّره
...........
استخدامي من 2011 الين الحين
معي الحين كويسة واستخدامي مؤدب -إلا كم مرة على خفيف هههههه-
كانت فيها تهريب دركسون وغيرت العلبة من التشاليح على 180..هذا الخراب الوحيد اللي صار لي
وباقي الامور كويسة الحمد لله..قطعها رخيصة إلى متوسطة..موب غالي بالمرة
وبس,,

وإذا شريت السيارة سوي مثل كلام اخونا ابوخلوودي1

يعطيكم الف عافية يا اخوان  والله ما قصرتوا   انا اعتذر للناس الي ما اعطيتهم ليكات لاني سويت اكثر من 7 ليكات 
ولكن الدعاء افضل من مليون ليك  الله يجزاكم خير جميعا