أضف سؤال أو موضوع جديد          

لي. البنزين

up 14 down 4



السلام عليكم ورحمة الله وبركاته 

الموضوع عن لي البنزين. ومشكله حصلت لي والحمدلله انحلت قبل ماتحترق السياره 

قبل اسبوع سافرت ابها. ورجعت قبل يومين قبل ماارجع كالعاده اشيك على السياره 

رحت غيرت زيت وغسلت السياره وعبيت بنزين. 
بعد ماعبيت بنزين. رجعت البيت اخذ اغراضي واسافر. يوم نزلت من السياره اشم رايحه بنزين مزعجه 

قلت يمكن يوم عبيت الحين فل. انكب شوي من البنزين وبقت الريحه 
 دخلت البيت واخذت اغراضي  ويوم وصلت السياره اشوف البنزين ينقط تحت السياره 

استغربت قلت هذا بنزين ولا مويه من الشارع. شميته الا والله بنزين. يهرب من الي الي في التانكي عند الغطاء الي تعبي منه 

الي الي يوصل البنزين للتانكي.  قلت وش الحل الحين لو مشيت عليها والبنزين لحق الشكمان لاقدر الله بتحترق السياره 

قلت مالي الا اتوكل على الله وامشي. ومشيت وانل مهدي. ماني مسرع. قلت  لاقدالله وحصل شي انط من السياره والحمدلله وصلت

الورشه. وقلت له السالفه وشاف التهريب وطلع 

من الي. الي كنت شاك فيه. قالي روح قطع الغيار وجبلي واحد 

وشغل يدي 80ريال. ورحت شريت اللي ب37ريال 

وركبه والحمدلله انحلت المشكله. وسافرت والحمدلله الان اراسلكم من الرياض 

فاانتبهو يااخوان من هذا اللي. لاقدر الله. ولحق البنزين الشكمان راح تحترق السياره. والله يسترنا جميعاً وفي امان الكريم. 

اخوكم ابوسعود 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


جزاك الله خير موضوع جميل و حبيت اضيف الى معلوماتك  اذا التانكي صار يهرب بنزين من تحت اشتري صابون  اي نوع سوا لوكس او اي شي  و خليها في المويه كدا 10 دقائق و تلاقي الزبون ذاب  و بعدين ادهن الصابون في مكان التهريب وتلاقي التهريب وقفت يعني حل مؤقت  مجربها في ميتسوبيشي سبيس واجن 1998 و حبيت اعلمكم عشان تستفيدو 


up 5 down 0
fowad 123
قبل 5 سنه



مشكور على الافادة والتنبية
حفظ الله الجميع


up 1 down 0
الواصل 555 113
قبل 5 سنه



وعليكم السلام ورحمة الله وبركاته

الحمد لله أنك سلمت من واحد يرمي السيجارة من الشباك

والحمد لله أنك حليت المشكلة قبل ما تمشي في الخط وتتورط

لو فضيت التانكي من البنزين كان أسلم لك من هذه المغامرة


up 2 down 0
أبو عبادة 4852
قبل 5 سنه



جزاكم الله خير. بالنسبه لرد الاول 

معلومه مفيده وتوي اعرفها جزاك الله خير

الرد الثاني اللهم امين الله يحفظ الجميع 

الرد الثالث. 

الله يسلمك. صحيح. لو احد رمى السجاره كان 
حصلت كارثه بس الحمدلله اولاً واخيراً. والله يحفظ الجميع 

اللهم امين وبئذن الله الكل يستفيد من الموضوع. 

وخاصتاً بهالايام. الحر اشتد. والي بيعبي السياره فل 

يحاول يعبيها في وقت. يكون الجو باردا مثلاً الصباح بعد الفجر 

ويشيك بين فتره وفتره على التهريبات. وبئذن الله 

ماتلاقون الا كل خير وسعاده بحياتكم وايامكم. 


موضوع جميل فعلًا تشكر عليه

كان في حل ممكن تسويه انك تجيب لي المويه و ترش تحت السيارة و بعدين تشغل لكن الحمدلله عدت على خير

تحياتي لك عزيزي




up 1 down 0
m nd m 492
قبل 5 سنه



الله يجزيك الخير عالتنبيه يا طيب 
و الحمد لله عالسلامة


up 1 down 0
ayham73 659
قبل 5 سنه



الله يجزاكم الف خير ويستر علينا وعليكم ويحفظكم 

الله يسلمكم جميعاً. والحمدلله عدت على خير. 


اول رد معلومة منطقية وممكنة مشكور ماقصرت

شكرا لصاحب الموضوع 


up 1 down 0
benz lover -77
قبل 5 سنه



العفو يابنز لوفر 




الحمدلله على السلامه وحلو منك الملاحظه 


up 1 down 0



الله يسلمك من كل شر 


الحمدلله على السلامة  بالنسبة للبنزين مايشتعل لو قطر على الشكمان وحتى السيجارة ماتشتعل لو تحطها ببنزين تطفي الجمرة من واقع تجربة 


up 0 down 0
محمد ن 34
قبل 5 سنه