تغيرزيت السيارة من 270 ريال الى 140 ريال مع موضوع ثاني

22 9

لايمكنك التصويت حتى الحصول على 20 نقطة على الأقل
إضغط هنا للإخفاء

vip-yt 328
قبل 10 سنه

السلام عليكم كيفكم يا شباب عساكم طيبين صار لي فترة ما نزلت موضوع كنت مشغول في هالفترة 

بس اليوم حبيت اني انزل لكم موضوع عن تغير زيت السيارة ومشكلة في الزيت نفسه صارت لي 

قبل كم اسبوع كان نزل مطر قوي في مكة المكرمة وتحديد في الشرائع كان صار سيل 

وانا كنت مستعجل والوالدة كانت معي وسيارتي كامري 2004 اضطريت اني ادخل في السيل 
وامشي على مهلي وخايف لا يصير شي لسيارة واتعزق في السيل في وسط الشارع والسيارة كانت تنتع

كل ما احطها في الاول كانت تنتع معاي وكنت امشي على مهلي وادعي ربي يـيسر امري والحمدلله طلع من السيل
ووديت امي بيت خالتي وبعد ماخلص السيل تقريبا بعد 3 او 4 ساعات جيت اشغل السيارة و اشوفها تشتغل ولا لا
 
والحمدلله اشتغلت ولا كأنو صار لها شي وجربت القير وعشقته وسقته والحمدلله  السيارة سليمة

بس في حاجة ما كنت شوفتها اللي هوا زيت المكينة واليوم وانا كنت في جدة مع الاهل عندهم اغراض بيقضونها 
من جدة قلت خليني اشوف الزيت وافحص السيارة .. كذا بس من الفضاوة والحمدلله اني شوفته 

والله يا رجال طلعت لي بلاولي في الزيت . الزيت اللي استعمله Shll helx 5W-30 تخليقي 
وهو نوع ممتاز الصارحة يمشيك 8000 الاف كيلو مع السيفون تغيره 

السيارة كان ممشها يوم شفت الزيت كان 2000 الفين كيلو فقط يعني الزيت لسا نظيف المفروض يكون
فيه اكثر من نص العمر 
لكن طلع لي الزيت لونه اسووووود ومخلط مع شي ماادري ايش ووصخ عليه 

فا اخذت اهلي بعد ما خلصو مقاضيهم من السوق وامشي على مكة بشويش ماشي على الخط 100 الى 110 بالكثير
واول ما وصلت نزلتهم امشي على البنشري اشوف كم يغيرو الزيت حق المكينة مع السيفون 

انا دايما اغير الزيت بنفسي بس عشاني كنت مستعجل قلت خليني اروح البنشري يسوها لي احسن 
روحت البنشري اسئله بكم يسويها والله
يا اخوان انصدمت من كلامه قالي ياخذ على تغير الزيت مع السيفون 270 ريال والزيت هو Shll Helx 5W-30
يعني سعر العلبة الواحدة 50 ريال خمسة علب ب250 ريال والسيفون ب20 ريال يصيرو 270 ريال 

قلت له سلامو عليكو واسسسسسحب عليه واروح محل اللي اشتري من عنده الزيت والسيفون بسعر الجملة  
طلع لي الحساب 5 علب Shll Helx 5W-30 ب125 ريال+15 ريال للسيفون اصلي المجموع 140 ريال
من 270 الى 140 فرق 130 ريال بس زود عليه 10 ريال يصيرو دبل السعر  وهذا بس من سيارة وحدة 

بعد كذا اخذت علب  الزيت والسيفون ومشيت البيت ورفعت السيارة على العفريتة عندي في البيت 2 جحش 
اللي ينحطون تحت السيارة عشان ما تطيح 

وافك الصرة حقت الزيت وبعدها افك السيفون اشوف البلاوي الموجودة في السيارة صراحة والله شي يفجع الواحد 
كيف ماشية السيارة كذا وهذا الزيت جوتها والله احلى تحية للكامري اللي زي كذا 

وصورت لكم الفاتورة والعلبة كل شي  


الصورة الاخيرة تقطع القلب هههههه 

نسيت اذكر لم شي المحل اللي اشتري منه الزيت باع لي العلب مو بسعر الجملة الفعلي
 سعر الكرتون ال   Shll Helx ب 240 فيه 12 علبة يعني بالحبة يصيرو 20 ريال  

إبلاغ

الردود