أضف سؤال أو موضوع جديد          

مطلوب ميكانيكي شاطر بالدمام

up 0 down 0
Bader 9212 530
قبل 10 سنه و 8 شهر



السلام عليكم 

اخواني ابي ميكانيكي شاطر بالدمام ولو يكون فلبيني يكون احسن 

لان بصراحه السياره جننتني بالنهار عداد الضغط يصعد وينزل والعزم تعباني اضف الى تغير صوت المكينه 

قالي كهربائي احتمال طرمبة البانزين ماودي اغير الطرمبه وقيمتها 800 ريال الا وانا متاكد ابي واحد يفحص لي السياره شبر شبر ويقولي وش بلاها 

علما ان تجي السياره بتوقف يجيها مثل الرعشه الديكور الامامي كله يهتز مدة لاتتجاوز 5 ثواني 

وصرفية البانزين زايده بشي غير طبيعي وملاحظها فتره عن فتره جالسه تزيد الصرفيه .. امس اخر الليل معبي نص التانكي واليوم رحت مشوار 40 كيلو مدماني وصلت والا ولعة الللمبه 

علما اني ما ازرز عليها او اشخط 100 الى120 بالكثير 

انتضر ردودكم 







إبلاغ إبلاغ



الردود


اذكر نوع سيارتك 


up 0 down 0
princ 18875
قبل 10 سنه و 8 شهر



هونداي النترا 2009 2.0 


up 0 down 0
Bader 9212 530
قبل 10 سنه و 8 شهر



متى اخر مرة غيرت البواجي ولو كنت توك مغير البواجي فشيك على منظم الهواء والحساس حقه


up 0 down 0
ماكسيما 2008 6744
قبل 10 سنه و 8 شهر



هل اذا اشتغلت المروحة الثانية تروح التفتفة وهل ركبت أي اضافات كهربائية مؤخرا ارجو الرد سريعا؟


up 0 down 0
ماكسيما 2008 6744
قبل 10 سنه و 8 شهر



غير فلتر الهواء  سوي تصفيه للمكينه   غير صفايه بنزين   ولا تصفر عداد بنزين  كثير  

 وفيه جهاز فحص يفحص لك طرمبه بنزين اذا سليمه او عطلانه   اذا عطلانه غيرها 



up 0 down 0
سكودر 14930
قبل 10 سنه و 8 شهر



اخوي مكسيما المروحه سرعتين اذا شتغلت السرعه الثاني تصفى السياره نهائيا والعكس اذا رجعت للسرعه الاولى ترجع التفتفه والنفظه والتقطيع بالمكينه 


up 0 down 0
Bader 9212 530
قبل 10 سنه و 8 شهر



البواجي تقريبا 7 الاف كذا 

تم تغير حساس الدعسه وحساس الهواء وحساس ثروتل وتنظيف بخاخات 

الي مقلقني انه هل اليومين زايده وصاير تجي بصوره مستمره 


up 0 down 0
Bader 9212 530
قبل 10 سنه و 8 شهر



لما ادبل لها دعسة البنزين واو اضغط بانزين وافك اشم ريحة كربون اسفل السياره + احس السياره مكتومه + صوت المكينه متغير 


up 0 down 0
Bader 9212 530
قبل 10 سنه و 8 شهر



عطل او تهريب بالخراطيم الموصولة بالمحرك الخرطوم الذي يمتد من فوق عطاء البلوف إلى الثلاجة اذاإذا فحصت هذا الخرطوم ستجد به صمام
لتنظيم سحب الهواء إلى داخل المحرك إذا تعطل هذا الصمام وبقي مفتوح فلن يعمل المحرك أما إذا بقي مغلق فسيزيد استهلاك الوقود
وانا لاحظت انك قلت ان التفتفة تزيد عندك بالنهار وهذا يدل على ان طرمبة البنزين تسخن بالنهار بعكس يوم تصير بالليل فشيك عليها

وعموما لزوم واحد يشوف السيارة بعينه علشان يقدر يحكم اكثر ومعليش ماانتبهت على صرفية البنزين عندك وتأخرت بالرد علشان عدد نقاطي مايسمح


up 0 down 0
ماكسيما 2008 6744
قبل 10 سنه و 8 شهر



شاكر لكم مرروكم ... كنت اتمنى احد يدلني على واحد .. لاكن بروح الخضريه العصر واشوف وش يقولون 


up 0 down 0
Bader 9212 530
قبل 10 سنه و 8 شهر