أضف سؤال أو موضوع جديد          

وقفات مع الاعلانات

up 52 down 8
صلي على رسول الله777 134
قبل 6 سنه و شهر



1 - مصور بالليل (وكان النهار لن يطلع )
2 - مصور جزء بسيط من السيارة ( طرف اسطب جنط الخ )والردود تمدج وتسوم
3 - السيارة مخزنه ( اصبح عدد السيارة المخزنه عننا اكثر من المستعمله
( كم عضو جزاهم الله خير كتب موضوع عن بيعه سيارة وبعد مده وجدها بالمعارض
مغير عداد المسافات .. سلم لي على المخزن )
4 - السيارة استخدان طبيب ( ماخذه التطعيمات كامله )
6 - مغطي اللوحه ( ما يبي احد يعرف عدد ملاك السيارة )
7 - مقفل الردود ( كمين للضحيه - شريطي باله طويل )
8 - من تشوف شرح طويل عن السيارة الطول والعرض والارتفاع وعدد الاحصنه وسعه الوقود
ووزن السيارة والدوران والشركه المصنعه.... اعرف انه ناوي يصكك بسعر حتمال الوكاله
تستحي تحطه
9 - امثله شريطيه
( محد يجد رزقه ) يعني اروح اشتري علبه تونا نجلس ساعه انا وبالبقال انا
اقول كم وهو يقول سوم لين ينتهي تاريخ التونه
( من حد لد ) مثل لم اجد له اصل في تاريخ العرب والعجم والبربر حتى كفار قريش
لا علم لهم به حتى كلمة لد لم اجد لها معنى في قاموس اللغه
10 - سوال يتهرب منه الشريطيه ( كم لها السيارة معاك ) تساله يجاوبك السوم وصل كذا

نصيحه لوجه الله لا حد يشتري سيارة على الصور او الايمان ( الحلفان) سيارة معروضه صورها مشاءالله اتصلت به
حلف لي ايمان تجمد لها مياه المحيط وبعد سفر وبهذله وتعب اتضح انها سيارة لا قير ولا مكينه
ومرشوشه



ادوات الشريطيه












إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


صدقت
ومن البداية الواحد مايشتري الا شي تحت عيونه ويعاينها
مو يترك الامر للصور ويتعنا وفي الاخر مثل ماقلت سيارة مضروبة
السيارات بكل مكان والمعارض برضه انزل واسال بتشتري بفلوسك
مو تصدق الصور وارسلي هي او تروح لمكانه 


up 4 down 2
ابو عبدالله احمد 3530
قبل 6 سنه و شهر



لا اله الا الله محمد رسول الله
صلو على رسول الله
اللهم صل وسلم علية


up 5 down 1
المحمد١ 86
قبل 6 سنه و شهر



ممتاز الموضوع و الاسلوب مضحك ههههه
بس ناقصه تعديل اﻷخطاء اﻹملائية و النقط و يضبط و فالك اللايكات


up 6 down 4
أبو نجوى 2443
قبل 6 سنه و شهر



حياك
المشكله تبي تفحص السيارة وتشوفها
البلشة باالسفر تضرب مشوار وتجي والا السيارة بوادي
وكلام صاحبه بوادي 
مخليك تسافر وتذاكر وحالتك حاله وباالاخير سيارة خردة



up 4 down 0
باترول 2020 2623
قبل 6 سنه و شهر



كانك قلت اللي ببالي موضوع روعة ومايغبنك الا قفل خاصية الردود وفعلا اذا شفت كاتبلك مواصفات كثيرة لدرجة ان الكبوت يفتح بزر اعرف السالفة فيها شطحة خرافية الهرج الكثير ما اقراه انزل تحت ابي الزبدة


up 4 down 4
benz lover -74
قبل 6 سنه و شهر



بالفعل لاحد يشتري سياره بالحلف والايمان
قسم بالله مشيت من الطائف للأحساء عشان لكزس ٤٣٠ 
وانا اصلا ماخذها تمشيه 
وكنت اطلب الشريطي حسبي الله عليه رقم الشاصي 
وكان يتهرب 
لكن مشيت له واخذت رقم الشاص واعطيته واحد يشتغل ف وكالة لكزس 
وقالي اخر صيانه على ٣٨٠ الف كيلو والعداد الي كنت اشوفه على السياره 
١٢٠ الف كيلو 
حسبي الله ونعم الوكيل 
طبعاً كرشته وكملت تمشيتي 
لكن المصيبه انه باع ٤ سيارات من نفس الموديل فالموقع 
وكلها مشيها من ١٠٠ الف الى ١٥٠ الف 
بلغت الاداره ما سوو شيء نهائياً 


up 9 down 0
hack1 2915
قبل 6 سنه و شهر



حسبنا الله ونعم الوكيل
الغش والكذب اصبح من سمات معارضنا حتى اذا
شفنا اعلان كاتب العيوب بصدق نمدح ونحتفل فيه
اصبح الصدق عمله نادره.
الشريطي خرب كل شي جميل نزع الثقه بين الناس
نسي انه محاسب نسي ان رزق الحرام ينزع البركه
من صحته واهله نسي دعوة مظلوم جمع فلوس السيارة
بطلوع الروح ..
نسي اننا مسلمون نسي ان التاجر الامين يحشر مع
الانبياء والصدقين

ملاحظه مهمه
الشريطي اذا كلمته اول سوال بسالك من فين تتكلم
اذا كنت بعيد يحلف لك ايمان وبعياله ما يترك شي
الا يحلف لك على امل انك تحول له الفلوس ويشحن لك
السيارة
واذا عرف انك من مكان قريب منه قال لك فيها بعض
العذاريب


up 3 down 0
ابو عبدالله عمران 50
قبل 6 سنه و شهر



منهن اللي واقفات مع الاعلان و لا يستحين على وجيههن؟
وقفات و ليس واقفات


up 4 down 2
مخاوي الطرقة 394
قبل 6 سنه و شهر



اخوي مو كل الي قلته صح
انا اعرض السيارة واكتب مواصفاتها واحصنتها ووو
لان فيه ناس ما يعرفوا !
والحمدلله ابيع على شريطية ويتلبق الموتر بمعارضهم بفرق 10 الاف عن السعر الي انا بايعهم فيه



up 1 down 0
ليزو 481
قبل 6 سنه و شهر



مايقهرك الا اللي يكتب بالاعلان سيارة نظيفة جدا ورده 

تدخل الاعلان تحصله ماشي ٢٠٠ الف مرشوش رفرفين وطرف كبوت ( طبعا هذي تمويه ) 

مشكلة والله 


up 3 down 0
عبدالمجيد 1234 102
قبل 6 سنه و شهر



في اعلان يغبنك 

اللي يكتب فل كامل وتدخل اعلانه  تلاقي مكينة صغيرة وبدون فتحه وبدون جنوط 
وبدون زينون  

وتجي تكلمه يقول انت تبي تقطع رزقي 


up 3 down 1
t-m-d 443
قبل 6 سنه و شهر



صدقت ولك لايك

أنا في الدمام ولما أبحث أختار الشرقية فقط لأني عارف أن المناطق الثانية مو مضمون أبداً وممكن يمشّيك 1000 كم وهو كذاب

نصيحة للجميع ابحث في منطقتك فقط ولازم تكون عارف مكان مضمون للفحص وقابل البائع في النهار ويكون صاحبك معك ولا تشتري إلا وأنت مطمئن ولا خل فلوسك في جيبك وروح بيتكم مستريح أحسن ما تروح مغبون


up 1 down 0
أبو عبادة 4852
قبل 6 سنه و شهر



كله كوم ومخزن كوم

انا يوم اقرا مخزن وانا داري انها خابور خشابي


up 3 down 0
سند10 1161
قبل 6 سنه و شهر



في سيارات موديل 2015 و 16 وفيها رش صدام ورفارف ويكتب رش تجميلي!!!!


up 1 down 0
dell2012 1043
قبل 6 سنه و شهر



وذكرتني بصاحب جيب عاارضه للبيع ومنزل له صور على وقت امطار 
وانا عارف الديره صارلها اكثر من 4 شهور ما شفنا المطر ووقت  صيف حنا  وقتها


up 1 down 0
صوت العزاوي 523
قبل 6 سنه و شهر



والله موضوعك ممتاز وضحكني من قلبي 
السوم 3800
الحد 4000 يا اخي جات علي 2000 بيع واخلص 
العن شيء موضوع اللعب في عداد السياره حسبي الله عليهم 




up 1 down 0
ابو-ادهم 71
قبل 6 سنه و شهر



بس في نقطه حقت تغطيه اللوحات صح لها معنين انه كم عدد ملاك الموتر لكن لو باينه اللونه ولو مميزه نوعا ما
بيقروشونك بالشارع اذا عرفونك عن تجربه الصراحه ولو معاك اهلك ولا شي قروشه


up 0 down 0
محمد حمدان هلال 19
قبل 6 سنه و شهر



ههههههههههههههههههههههههه اهم شيء السبحه


up 1 down 0
ابوخالد1397 2893
قبل 6 سنه و شهر



ههههههههههههه اكثر شي عجبني 
قصة التونه ههههههههههههه
اقعد ساعه انا وراعي السياره
اقله بكم يقلي على السوم طيب كيف اشتري


up 0 down 0
راعي البيوك 2237 99
قبل 6 سنه و شهر



أتفق معك باستثناء اقفال الردود في حالة وحده

أذا اقفل الردود بشرط انه كاتب جميع تفاصيل السيارة من ممشى وعداد وصور وكل شيء وعيوبها ما خلا حاجة , هنا اقولك من حقه يقفل الردود لأن فيه ناس تسأل عن الاعلان ويلقاه مكتوب لكن متعيجز يقرأ

والحاجة الثانية انه ما يبي الناس تبخس في موتره .. الرجال تلقاه كاتب حد ورقم جوال واللي يبي يشتري يكلم وصلى الله على نبينا محمد

بالتوفيق


up 0 down 0
الاحترافي 1437
قبل 5 سنه و 11 شهر