السيارات القديمه وبدايتها
24
1
إضغط هنا للإخفاء
السلام عليكم ورحمة الله وبركاته …
حبيت اشارك بموضوعي الاول في منتدى حراج
مقدمة بسيطه عن بداية السيارات في المملكه ..
كانت بداية انتشارها في عام 1940م وهي اول السيارات القديمة التي استخدمت في المملكه العربيه السعوديه وخاصه بالمدن وعندما ازدادت الحاجه اليها اكثر زاد مستخدميها وخاصه في عام 1947م فكانت هناك سيارات من جميع الماركات واكثرها انتشارا الفورد (الوري) ويسمى فرت والشفروليت ..
ومن انواعه في ذالك الوقت (الوري – الفرت – الدوج – البونتياك – الانبريال- البنز -الشفروليت)
ومثل ما انتوا عارفين ان القرى دخلت عليهم السيارات متاخره شوي واول ماجتهم السياره يقولون انهم تناحشوا وماعاد تشوف الا غبرتهم..والي يطل مع العاير والي يويدز مع المثعب والي انحاش للزبير وللكويت ولاعاد رجع من ذاك اليوم ههههههههه..
وبعد ما عرفوا حقيقتها وان الانسان هو المتصرف فيها راحوا وجابوا لها علف وبرسيم والماء ليطعموها..مايعرفون بنزين !!
..و اما عن وصفهم لها فانتشر الكلام على انها( دابة لها عيون كبيره وصوتها اقوى من صوت البعير)
الله اكبر ..مايعرفون اقوى من صوت البعير ):
.ولايوجد في الديره الا سيارتين او ثلاث..واكثرها لواري نقل تنقل الناس من القرى للمدن والعكس….
وطريقة النقل تكون ثلاث درجات (سياحيه- رجال اعمال – درجة اولى)..
السياحيه :
في الصندوق مع العفش والكفرات والعدة والحيوانات والطيور وغيرها .والغبار ينفخ خشومهم ودموعهم توصل الاذان.والشعر انواع التسريحات.واذا وصلوا الديره كنهم طالعين من قبر من الغبار.. وقيمتها (5 ريال) والصندوق ياخذ عدد كبير حسب كثرة العفش..ودائا مايكون الصندوق دورين دور تحت للعفش والي فوق للركاب..
درجة رجال اعمال:
وتكون في السله فوق الغماره مقابله للهواء النقي وتبعد عن العفش والضيق والمرافس..وقيمتها (10ريال) السله تاخذ خمسه تقريبا ودائما مايكون الاولاد الصغار فيها لحمايتهم ..
درجة اولى :
في الغماره مع السواق ..من قد الي مع السواق اكيد مرتاح .. مرتبة سفنجية راديو يرنع يسولف مع السواق وله كلمته في الرحله.. وقيمتها (15 ريال).. والغمارة تاخذ خمسة اشخاص..
واما عن مشقة الطريق فهوا متعب جدا وقد يقف السواق اكثر من خمس مرات حسب مسافة الطريق للاكل وللشرب وكذالك للصيانه وقضاء الحاجه..اما اذا غرزت السياره الله يعينهم عليها.. نزل عفش وركب عفش وهذا عفشي وهذا عفشك.وخذ صياح..
ودائما مايكون في السياره القديمه اربع توانكي ماء على الجانبين مع مطارتين للشرب تعلق على المرايه الجانبية .. ويركب صاحب السياره الشد (الهانقلين) لكي ياخذ مساحه اكبر في صندوق السياره
…
وفي هذا الموضوع حبيت اعرض لكم صور السيارات القديمة والتي قام اصحابها بتجميلها واعتبارها سيارات نادره وتستخدم للتشخيص وللعرض في اكثر مواقع العالم ..
اتمنى تستمتعون الصور …
واتمنى اذا اعجبك الموضوع تدعمني بلايك
الى اللقاء في موضوع اخر
إبلاغ
سيارات للبيع
الردود
هلابك يارفاعي وينك يارجل وانا اقول وش فيه النتتدى منور
4
0
موجود يالغالي والقلب معكم
1
0
1
0
4
0
1
0
3
1
رجعتنا لايام زمان
1
0
1
0
وشي طيب اعجبكم الموضوع
وتستاهلون اكثر من كذا
0
0
تداخلا مع الموضوع -
اذكر في قريتنا
واحد من الجماعة اشترى من الرياض دبابوكان الشباب يراكضون وراه ويسمونه حصان بليس حتى أنهم كان يسبقونه بالسياكل لضعف عزمه
1
0
وماشاءالله المنتدى فية مواضيع جميلة وجديدة
وفق الله الجميع
قبل 8 سنه و 7 شهر