سبحان الله الحمد لله الله اكبر

يا رجال مو بس في السعوديه ترا كل بلد فيها الزين وفيها الشين وعلى نياتكم ترزقون سوي اللي يرضي رب العالمين وان شاء الله رب العالمين بيسهلها معك ويرسلك اولاد الحلال

اللي يقول الاجانب اكلو حلالنا وانهم يوقفون لبعض ويفزعون لعبض 
اقول هذا الكلام غير صحيح انا اجنبي من مواليد السعودية وعايش على هذي الارض 
وانا مستعد افديها بروحي لو تطلب الامر 
واللي يقول الاجنبي يفزع للاجنبي ما يفزع للسعودي اقوله غلط كلنا سواسية 

والله الشي الوحيد اللي اقدر اخذه وبزيادة هو الزر اللي اشتريه من المطعم عشان اللي شغالين فيه افغان وانا منهم 
اكلمهم بلغتي واقوله ..ياولد افزع لي في الزر زوده ياخي ولد وطنك انا ههههه وهو يزودني في الرز 
وبس واذكر لكم موقف ثاني حصل لي ومن نفس جنسيتي افغان 

سيارتي خرب فيها السلف وقلت خليني اروح التشليح واشتري لي سلف من هناك 
واروح والقى تشليح اللي شغالين فيها افغان واكلمهم بالغتي واقلهم اني ابغى سلف وبكم عندكم 
وقالي سعر السلف ب 180 ريال واكسر معاه اللين ما نزلي هو ب 150 ريال وقالي التركيب ب50 يعني 200 ريال
والله السلف ما كمل معاي الى اسبوعين وخرب واروح له واقله ان السلف خربان واعطيني واحد غيره قالي مالك شي عندي 
والاله انغبت غبنة صح 

واذكر موقف ثاني نفس الشي لسيارتي كنت
رايح اخذ سطحه عشان تاخذ سيارتي توديها الصناعية كان عندي طرمبة البزين خربانة
واروح اول سطحه كان راعيها بنقالي او باكستاني ما ادري بظبط واقوله على الهرجة
قالي ب 150 ريال ومارضي ينقص منها ريال واروح اللي بعده ونفس جنسية اللي قبله واقوله على الهرجة 
قالي ب100 ريال كاسرت معاه وقالي خلاص هات 80 ريال قلت له طيب 

هذا يعني انو الناس ماهم سواسية فيهم الطيب وفيهم البطال والصالح والطالح
 
وانا ساكن في عمارة كل اللي ساكنين فيها اجانب وفيه جار واحد سعودي وحاله مثل حالنا ويمكن اسوى ولكن 
انه رجال ينحط على الجرح ورجال طيب وامي وامه صارو صحبات وكل يومين اومي تنزل عندهم او امه تطلع عندنا
والرجال طيب وراعي فزعات واخوه شغال في الجيش يجيهم كل اسبوعين اوسلم عليه وهو رجال طيب بعد