أضف سؤال أو موضوع جديد          

استغفال الناس عن ضغط المكينه أو نسبة المكينه

up 13 down 2
Abu-Saad-212 387
قبل 6 سنه و شهر



السلام عليكم ورحمة الله وبركاته ،،

في موضوع قاهرني ولاحظت استغفال عقول الناس فيه ،
والعالم على نيتهم ما يدرون وش اللي قاعد يصير بالضبط
وحبيت أطرحه لعموم الناس عشان يعرفوا ويستفيدوا من الشي هذا 

يا اخوان كلنا قد شرينا سيارات ، وفحصناها بمحلات الكمبيوتر أو (مراكز فحص الكمبيوتر)
وياكثر ما نسمع بـ (نسبة المكينه) أو (ضغط المكينه)

واللي يصير طبعا بعد ما يفحص يطلعلك ورقة مكتوب عليها أرقام السلندرات 
وجنب كل سلندر نسبة الضغط من مية (84% ، 91% ، 79% ... الخ)
ويطلعلك ناتج نسب السلندرات كلها ويقولك ان نسبة المكينه كذا ....
وهذا من أهم الأمور اللي يستند عليها المشتري ويضمن ان المكينه كويسه
أو الشنابر والبساتن كويسه ويقرر بنظافة المكينه

وانت تشوفه قدامك وهو يسويها وكل اللي سواه يجيب حاجه زي الملقاط عليها أسلاك موصله بالكمبيوتر اللي وراه
ويشبكها بأسلاك البواجي أو الكويلات !!!!!!

طيب يا اخوان فكروا فيها شوي ، شلون بيقرر بنسبة الضغط داخل السلندر عن طريق البواجي ؟؟
طيب سؤال ثاني ، هل في حساسات داخل السلندر خاصة بقياس الضغط داخل السلندر ؟؟

الموضوع ومافيه انه يشيك على قوة الكهرباء أو نسبة الكهرباء للبوجي ، وبناءا على الشي هذا طلعلك هذي النسب
طيب بالطريقة هذي هل هو فحص المكينة ولا فحص كهربا وكويلات وبواجي ؟؟؟؟؟؟

لقياس الضغط داخل السلندر ماتقدر تعرفه الا بطريقة وحده
انك تجيب ساعة قياس الضغط وتشبكها بمكان البواجي وتشيك على كل سلندر واحد ورا الثاني
وتقعد تشغل السيارة كل شوي ، يعني موضوع طويل
وهذي الطريقة الوحيده اللي تقدر تكتشف فيها ضغط السلندر وتقدر تعرف قوة الشنبر أو البستن
وهذي فيديوهات لطريقة فحص المكينه الصحيحه :
https://www.youtube.com/watch?v=ovvXnd7AhiU
أو
https://www.youtube.com/watch?v=0W0kQeTvURU
وغيرها الكثير ، سوي بحث عن 
engine compression test
وبتطلعلك فيديوهات كثيرة باليوتيوب

أما مراكزنا على الماشي يشبكلك اسلاك وسبحان الله فجأه نسبة المكينه يطلعها لك 
اليابان ما وصلوا للاختراع هذا

وان كشفوا لك المكينه يطلعون مشاكلها عن طريق التدخين من الشكمان أو أصوات غريبة بالمحرك
الشي هذا كلنا نعرفه ، ومافي أحد بيشتري سيارة تدخن مع الشكمان أو صوت محركها غريب
فنضطر نكشف على المكينه بالمراكز لسبب معين ، ونطلع بدون نتيجه ماغير ملعوب علينا

موقف حصلي مرة بمركز كارتك (المركز الفخم والرهيبين والخطيرين) على حسب كلام الناس
كان في سيارة فورد كراون فكتوريا حق صاحبي وكان بيبيعها ، وكان فيها جلد بلوف
المهم تواعدنا مع المشتري وهو اختار نروح لمركز كارتك ، ودخلنا السيارة وقعدوا يفحصوها
وجاك الفني الفنان الخطير حق المركز ويدعس الدعسه وانتم بكرامه والا الموتر يدخن دخان كثيف من ورا
وكتبوا بالتقرير في الأخير ان المكينه فيها بداية تبويش وتخلط زيت
أقسم بالله ياشباب ان هذا اللي حصل ، هذا غير المشاكل اللي طلعوها للسيارة وهي مافيها شي
من ضمن المشاكل ان فيها آثار سحب شاصي ، والغبنه بنفس التقرير كاتبين البودي بلد
سألتهم شلون آثار سحب شاصي والبودي بلد ، قالي ما أعرف هذا اللي حصل
قلتله اشرحلي واستقعدت لهم هناك ، قام قالي ممكن الباب متغير ، الحين بطبيعة الحال لو الباب متغير 
بتلاحظ آثار فك المسامير اللي مثبته الباب
اخذته وفتحت له الباب وقلتله شلون اكشف اذا الباب متغير !!
شفت وجهه وقمط والله ما عرف يرد ، وقلتله عن طريق المسامير صح ولا لا ، قام قالي ايوا
ووريته ووالله ان مساميرها حق بلادها
قعد يلف ويدور ووراني مكان سحب الشاصي طلع المكان مصدي !!!
ومسحوها من التقرير
وبالأخير المشتري اعتذر وسحب نفسه ، ومن حقه وابسط حقوقه بس اللي يقهر حركات المركز
المقصد ان شغلهم وفحصهم زي وجههم ، ماغير يسحبون الناس بالمظاهر ويجيبون لك شاي وقهوه وديكور
المركز بطران ولا الشغل من جنبها والله وأسعارهم اللي مبالغين فيها
ولا الفورد والله ثم والله ان راعيها غير جلد البلوف واختفى التدخين نهائيا وقعدت معه فترة وباعها

زبدة الموضوع المفروض ان المراكز تكون عندها خدمة فحص نسبة الضغط مو فحص كهرب
والا ليش متعب نفسه وفاتح مركز فحص وجايب عماله ، كان أخذت السيارة لأي ورشه وفحصتها هناك !!!

أتمنى من الجميع الانتباه للشغله هذي واتمنى أكثر ان كانت مراكزنا تهتم بفحص المكينه 

واعذروني على الاطاله 

أخوكم
ابو سعد










إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


كارتك (المركز الفخم والرهيبين والخطيرين  معروف الفحص هذا ان يبالغ بالفحص لنه ماهو مستفيد شي منك بس يستفيد لليبي فحص عنده يستفيد فلوس ويستفيد سمعه 

وانت بطقاق وش عليه منك ع قولت واحد ضلموه بسيارته وهو فاحصها عندهم قال عيال الحرام مايخلو للعيال الحلال شي ومشى متركهم وسيارته معه الى يومك هذا وهي بحاله فوق الممتازه بعد ماقالو فيها صوت بمكينه سبايك وتحتاج توضيب ومن االكلام الرخيص حقهم وطار الزبون 

وكذالك الشايب حق البريدي تشوف الشرطيه معه اخر الليل اصل هو قالها بنفسه انا ماستفيد الى سمعه وفلوس وش علي منك شراء سيارتك ولا ماشراها يولد حتى موتر الجديد الي بقراطيسه يطلعون فيه عيب هههههههههه


up 5 down 0
سكودر 14928
قبل 6 سنه و شهر



افضل شي انك تروح تفحص عند ميكانيكي فاهم مو في مراكز فحص  

وشعبنا ماشاءالله يصدقون اي شي  يقولك لو مركز كبير شغله نظيف و اذا محل صغير شغله ابو كلب  هذا هو حالنا 


up 3 down 1
fowad 123
قبل 6 سنه و شهر



بس والله انك  كفو استقعد لهم خصوصن الهندي حقهم مسوي فاهم يوم حشرناه قال ودي السياره مكانيكي افضل طيب انت يا حمار وش دراك وش فهمك بمكينه يوم تقول ودها المكانيكي وديناها المكانيكي اقسم بالله المكينه والقير على الشرط ولو فيه خير يقابلني الفحص هذا  لكن المشكله تعرف وين المشكله الناس تصدقهم 

 وعندك بعد اللون لؤلؤي بعض الالوان هذي تجي فيها سماكه من وكاله ويقلون انه مرشوشه ودي اعرف النقطه هذي ماتدري من تصدق 


up 2 down 0
سكودر 14928
قبل 6 سنه و شهر



صراحه من وجهة نظري انه في العالم كله مافي مكان او مركز او محل تفحص فيه السياره ويطلع لك حالة السياره 100% مستحيل حتى لو الشركه نفسها فيه اشياء مايعرفها الا راعي السياره شخصيا


up 4 down 1
abdulaziz7000 468
قبل 6 سنه و شهر



جزاك الله خير على الموظوع الجميل. 

وبقول لكم. قصة حصلت لقريبي. في 

مركز كارتك. قبل سنتين 

اشترا النترا.وراح الفحص يفحصها 

فحصوها. طلعو فيها رشوش. وهذي بسيطه 

المكينه. طلعو نسبتها 90%

وطلع المهندس. يجرب القير. 

ويوم رجع سئلنها. وقال القير. فيه. صوت 

وفيه. حنه. وتغييرات القير. تتئخر. 

المهم اخذنا السياره وطلعنا.  وقال قريبي 

انا بشتري السياره   لان. نعرف صاحبها. 

وعلى يده وكاله. والسياره محركاته نظيفه 

وشفها للحين معها. سافر عليها لين طفش 

ولا اشتكى من شي قيرها زي اللوز. 

مافيه اي عيوب 

والفحص. يقول القير خربان وفيه حنه ومدري ايش 


واليوم ماشيه حدود 270الف. ولا اشتكى منها 


بعض محلات الفحص. ماهمه الا الفلوس 

ولا سيارتك مادور عليك انت وياها. 




up 2 down 1



المفروض الفحص يتم بمركز كمبيوتر معتمد مايكون بورشة عشان لايعيبو بالموتر وهو مافيه الا العافية كله عشان يستفيدون من حق الكشف ويتصلح عندهم الي قال عنه خربان يعني شطارة من الاخر


up 0 down 0
عربة للسيارات 1665
قبل 6 سنه و شهر



ما رأيكم فحص الكمبيوتر يكون ( مثل الفحص الدوري )  ؟؟؟


up 0 down 2
assbcars 130
قبل 6 سنه و شهر



انا ارشحح الفحص الدوري مع باوزير
هاذول يجيبون نسبه الكربون لو في خلط زيت خفيف ويجيبون الكفرات واسفل السياره والله يطلعون كل عيوبها 
اكثر من فحص الكمبيوتر ويابلاش 74ريال وانت مبسوط


up 1 down 1
احمد شريف 3176
قبل 6 سنه و شهر



بس الفحص لابد منه باي حال على شان كذا مافيه خيار قدم 
المشتري الا الفحص لانه يشتري مستخدم بسعر فوق القيمه الحقيقيه
ويمكن بفرق قليل عن الوكالة والغش بالسيارات منتشر ويعتبر من صميم 
عمل الشريطيه وانا الصراحه لو ابي اشتري راح افحص بكذا محل 



up 1 down 1
khaledsa1487 159
قبل 6 سنه و شهر



انا بصراحة ضد فحص الكمبيوتر وضغط المكينة والكلام الفاضي.
افحص البدي والعضلات وشيك على الشاسيه وامورك بالسليم ان شاء الله


up 0 down 2
دكتوراه في الحب 164
قبل 6 سنه و شهر



يارجال مركز كارتك ماخذ سمعه على حساب قطع ارزاق الناس وتهمه مصلحه نفسه انا ابيع سيارات وكل ماكلمني واحد قال بفحص في كارتك طيب تعرف كارتك يقولك لا بس سمعت عنه. مشكله المركز اليدايم تحصلها بالتقرير صوت ونه بالدفرنس وضعف تغيرات القير 


up 0 down 1
ارامكوا السعوديه 89
قبل 6 سنه و شهر



حياكم
بخصوص ظغط المكينه غير بطارية جديدة وبواجي جديدة
ولو هي مبوشة يعطيك نسبه فوق90%
فحص الكمبيوتر قله بدي فقط لنه صراحة اي معجون يبين معه
اما الشاص ودها سمكري يطلع اذا الشاص جايه شي
المكينه والقير شف لك ميكانيكي تثق فيه 
ولاحظ مسامير الكبوت اذا هي مفكوكة معناتوه المكينه مفكوكة
والقير بعد يبين اذا هو مفكوك 
بس مايهم الميكانيكي بيعطك الخبر
وباالتوفيق


up 4 down 0
باترول 2020 2623
قبل 6 سنه و شهر



بصراحة انا وقرايبي اذا بناخذ سيارة ونفحصها


نروح عند واحد تركي بنفس المعارض نعرفه

يفحص لنا السيارة من الصدام للصدام ويجربها

ويعلمنا وش فيها ويعطينا نصيحته نشتري او لا

والحمدلله الى يومك هذا كل السيارات اللي شريناها وفحصناها عنده ممتازة ماشاءالله


خصوصا اللي وارد امريكا

مثل الفوردات الجموس وكذا المعرض بنفسه يعطينا ضمان ع البودي والمحركات

لكن فوق هذا نروح عنده نفحصها 

الافضل تفحصون عند ناس تعرفونهم 




up 2 down 0
coco13 893
قبل 6 سنه و شهر



جبتوها على الجرح 

قبل يومين انا ورجال كبير سن بيبيع سيارته 

والسياره موديل 2015 وكاله يعني مامشت 4 الاف

وطلعها من معرض قبل شهر المهم انا قلتله ابفحص السياره

احتياط وديتها لمركز فحص قريب المهم انه عطاني ورقه

ومحدد على تصفية مكينة !! وحاط نسبة المكينه 84% !!

قللت لحق المركز السياره مامشت 4 الاف ونسبتها نسبت سياره موديل 2008

المهم يوم انحشر قال امسك خط وتصفى هههههههه

انا شريت السياره ولا همني الي قالو فيها وماشيه امورها ولله الحمد

لذالك المراكز ما يعطونك الا البدي اذا فيه رش او لا وهذا الي اشوفه

اما باقي الاشياء ما اعتقد صحيحه او على الاقل دقيقه


up 3 down 0
abomesal 1037
قبل 6 سنه و شهر



انشهد انك صادك


up 0 down 0
ali.alwaili
قبل 2 سنه و 9 شهر