لا حول ولا قوة إلا بالله العلي العظيم

اكثر عينه ما يحترم الي بالطريق اصحاب الاندكروزر .. فيهم بجاحه غير طبيعيه 
مو كلهم طبعا 
انا عايش بمنطقه يعتبرو الي معه جيب شيخ وهو يتعامل مع الي حوله على نفس المنوال
يسقط عليك وبالتقاطع يخش عليك والدوار الافضلية له .. نوقف على اشارة تلقاه طامر الرصيف ويسقط على اول واحد 
المشكلة مو هنا يجيك جحلوطي زيه يقولك عز يا مال العز 
الهيلوكسات والدداسن متهورين 
الاوبتما والسوناتا والاكورد والالنترا مدري زاحفين على وش يعني اسف ع الكلمة تراك 4 سلندر لو سويتلك مصيبة 
اضعف دورية تلك مع اذنك .. واصحاب الكوابرس والتشارجرات خصوصا العينات حقت فكت الصدمات يعتبرو معهم طيارات
رغم اني من عشاق الكابرس لكن هذا الوضع عندنا 
وش ذنبي اشتري كابرس ومع كل نقطه تفتيش مجنب ع اليمين .. رغم اني مركب لوحات وبدون تظليل 
لكن خلاص عند العساكر سيارة شبهة وحقت مشاكل 
والحين الورعان طايحين بالجيوب اللكزس 
تعال نقطه الرياض القصيم وشف كم جيب لكزس مسفط عند النقطه

لا طبعاً غير صحيح