تلحيم في عارضه الشاصي

اولا وين عارضة الشاص مكانها بالضبط

ما ادري بس سمعت انه هو اللي يمسك الرديترات

عارضة الشاص اللي تحت المكينه اذا هي اللي تقصد اذا كان الشغل مضبوط لاتشيل هم لانها اصلا هي تجي من الوكاله ملحمه تلحيم في الشاص

انا موتر  قريب لي جته ضربه وفكينا المضروبه ولحمنا مكانها جديده عند العضيب والشغل وكاله

اي تلحيم سواء باالشاص او العوارض 
يعيب السيارة
عند اغلب الناس
بس يقولك فيه ناس مايهمهم هاالشي بحكم ان بيستخدم
بس يجي البيع خلوه يطيح نص سعر السيارة
وباالتوفيق

من الامام مافيه ضرر على الموتر الضرر اذا جاك الحام خلف الكفر الامامي وقدام الكفر الخلفي يعني في النص وهذا مستحيل ينفع معه الحام مهما كانت قوة الحام 

القطعه الي تقولها ما اعرفها والله
لكن الناس عندها خوف من ضربات الشاصي ع اساس انها مشكلة كبيرة 
طبعا ما ينلامون
لكن في ضربات بسيطة تلاقي السيارة انحرف الشاصي شي بسوط واضطروا يسخنوه ويعدلوه
انا بايع كورلا 2014 ما كنت ادري انها الشاصي الخلفي منطعج 
السيارة كانت ما تقفل شنطتها الا اذا وانا قاعد اقفل اضغط عليها من مكان اللوحه "ادفها لقدام" 
رحت للسمكري قال وزن 
خفت افك الشنطة ويبين ع المسامير والي بيشتري يقولي الشنطه مبدلة 
ف خليتها 
ويوم جينا نبيع راح المشتري للفحص وطلع الشاصي الخلفي يسار في طعجه 
ونزلت من قيمة السيارة شوي وشراها وهو مقتنع لانه حق الفحص طلع معه وجربوها لا حذفية ولا ما يحزنون
ونفس الحكاية مع فكتوريا 2011 
طلع فيها لحام بالشاصي 
وبعتها ويوم فحصنا طلع لحام بالشاصي بسبب ان الصدمه جت ع الكفر والمساعد والعضلات تحركت وصدمت بالشاصي 
ورجعت السيارة بعد التصليح تمام
طبعا انا شاريها مصلحه 
ما ادري عنها 
وبعتها وشارها الرجال ومسك عليها خط الجنوب وماشاء الله امورها طيبة 
وامس كنت بشتري كابرس 2012 
السيارة فيها رفارف امامية وباب فقط 
ايرباقها سليم
قبل الفحص عندي قاعدة .. الي هي اخذ السيارة لحفرة الزيت 
اشيك ع البطن اذا عجبني وضعه اروح افحص عشان ما اخسر قيمة الفحص
المهم
نزلت ما لقيت بلاستيكات الحماية الي تحت 
وانتبهت على خدوش زي يوم تحك مفك بالحديد 
على الشاصي الايمن 
تابعت الخدوش لين لقيت تلحيم وطعج بالشاصي 
وبيني وبينكم هونت عن الشراء 
لاني شاريها اترزق الله 
وكابرس مافيه الا 3 قطع رش وايرباقه سليم .. حرام ابيعه بدون فحص لانه بينخسف قيمته 
والحمدلله على كل حال