أضف سؤال أو موضوع جديد          

غسيل المكينه شركة بترومين

up 15 down 13
sel560sel 89
قبل 6 سنه



السلام عليكم ورحمة الله وبركاته ....
اخواني اعضاء وزوار حراج اعرض لكم تجربتي بدون تعصب مع شركة بترومين قبل ثلاث اشهر تقريبا كنت مع احد الاصدقاء نتبادل الحديث عن انواع الزيوت

ثم بدا يتحدث عن شركة بترومين واخبرني انه قام بغسيل المكينه وان لديهم جهاز خاص يغسل المكينه والسياره تكون طافيه

طبعا انا في البدايه تخوفت وقلت له ليش ياخي سمعت انها تخبط بالمكينه قال لا بالعكس انا تشوف ان سيارتي اصبحت افضل من اول

هنا بدات افكر اغسل او لا
مريت الفرع الي قريب مني سالتهم عن السعر قال لي تقريبا ٣٠٠ وعليها

قلت توكل عل الله وغسل والي كاتبه ربك بيصير
فعلا بدا العمل بالسياره اطفأ المحرك فك الصره فك السيفون ترك الزيت ينزل

ثم اتى بالجهاز وقام بتركيب احد الاهواز بالسيفون والاخر بالصره وركب بجانب الجهاز فلتر جديد مثل فلتر برادات المياه طبعا انا سيارتي كامري ١٣ ماشي الان الحمدلله ٣٢٠ الف

شغل الجهاز وبدات دورة التنظيف بالعمل وهي احد الاهواز يدخل مادة التنظيف والاخر يسحب والله ي الربع الفلتر قلب اسووود طبعا والسياره طافيه وهذا الي خلاني اجرب لاني كنت متاكد ان لو شغل السياره راح تخبط وحذرة انه مايشغلها قال لا مافي خوف مافي شوقل قلت اي زين

مالكم بالطويله الي لاحظته بالسياره اول شي كنت يوم اغير زيت اول امشي ٢٠٠ كيلو اسحب العيار الزيت اسود الان ولله الحمد والله امشي الا ٥٠٠٠ اسحب العيار احس ان المكينه جديده الزيت باقي فيه لمعه ولزوجه
لاحظت ايضا ان المكينه والله صارت انشط وتقبل الدهسه احسن من اول
ايضا حسيت صوت المحرك افضل من اول والحمدلله لي الان ٣ شهور ما اشتكيت من شي

بعدها كلمت واحد من الشباب وعلمته وجزبها والله انه يدعيلي اليوم يقول ماشتكا من شي بالعكس نفس الي صار معاي
وهذي تجربتي واول موضوع لي واعذرونا اذا في تقصير بسرد الموضوع وان اخطانا فمن انفسنا وان اصبنا فمن الله جل جلاله







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


Blestain اسم الجهاز


up 0 down 0
khalid991
قبل 3 سنه و 9 شهر



على حسب ََ اذا مكينة سيارتك ماتحرق او تقلب لون ََ


up 0 down 0
فزاع 999
قبل 3 سنه و 8 شهر