أضف سؤال أو موضوع جديد          

سوال بخصوص حادث نسبة لخطأ ميه بالميه والتامين التعاونية شامل

up 1 down 3
sulaiman2016 15
قبل 5 سنه و 4 شهر



السلام عليكم 




سيارتي هوندا اكورد فل كامل 6 سلندر 2016




قدر الله علي اليوم وسويت حادث بسيط  وجت بالصدام الخلفي راجع ريوس وجا واحد بلفه وصدمني من الخلف 












السيارة اجار منتهي بالتمليك من البنك الاهلي والتامين التعاونية "شامل" 




من ضمن شروط التامين مايشمل اذا كنت عاكس سير لاني راجع ريوس بشارع خدمه وجا واحد بلفه وجا المرور وطلعت نسبة الخطا 100% علي 




انا عاكس سير والا !




الشي الثاني التامين يشملني بالتصليح كامل والا ادفع رسوم! 




وتنصحوني ادخل السيارة وكالة والا ادخلها  افضل ورشه بصناعيات الرياض 




لاني السيارة توي مطلعها شهر 2  توها م كملت 6 شهور








واذا دخلتها وكالة يعطوني سيارة بديلة والا لا ! 




ياليت اللي عنده خبره يفيدني في هالشي اذا م عليكم امر







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


كيف ماتدري من غلطان وكيف تقول انك راجع ريوس وجاء وصدمك يمكن تمشي بمقلوب  بعدين غريبه ماجاء مرور وقرر الحادث نجم ماجاك وش قالك ولا ماجاء اذا ماجاء احد ولاقرر الحادث اشرب لك ماء وكبر مخده  وبكره الصباح صلح سيارتك 


up 0 down 7
سكودر 14927
قبل 5 سنه و 4 شهر



اخوي المرور جا وقرر الحادث وطلعت نسبة الخطا 100% علي لاني راجع ريوس وقال بكره راجع المرور 

بس السوال اللي م لقيت اجابه واضحه 

تاميني شامل التعاونية يشملني ويشمل الطرف الثاني عارف هالشي بس في هاالحالة يشملني وانا راجع ريوس بشارع رأيسي والا لا 


up 1 down 0
sulaiman2016 15
قبل 5 سنه و 4 شهر



يشملك التامين لنه حادث حتى لو خطاء عليك 100 في 100 ولا ماسمونه تامين شامل يمكن ياخذون عليك رسوم على حسب تصليح السياره وهذا من بعض الشركات بعض الشركات ماتاخذ وهذا يعتمد على حسب الشركه وانت ماعكست السير 


up 0 down 1
سكودر 14927
قبل 5 سنه و 4 شهر



اتوقع والعلم عندالله انه يشملك التامين ﻻن لو فرضنا طلعت من محل وجالس تريوس بالشارع عشان تطلع من المواقف
وصدمت واحد على مين بيحطون الخطاء؟؟اكيد عليك انت والتامين بيشمل
وغير كذا ماعمرنا شفنا دوريه توقف واحد جالس يريوس بشارع ويعطيه
مخالفه الااذا كان عاكس السير يعني امورك بالتمام بأذن الله وتاكد افضل
وان شاءالله اخر الحوادث لك ولنا لباقي الاعضاء


up 3 down 0
d7ooom777 391
قبل 5 سنه و 4 شهر



بكره ان شاء الله نراجع مرور شمال الرياض رغم اني م اعرف مكانه بالضبط لكن اللي يسال م يتوه 

بالنسبة لشيوخ المعارض بالرياض حسب م سمعت
ان شيخ المعارض بالنسيم (امعرض لحمزه)جدا سي على اللي اسمعه من اصحاب الخبرة ت

قدرون تفيدوني ب شيخ معارض صاحب امانه ! غير اللي بالنسيم !



up 0 down 0
sulaiman2016 15
قبل 5 سنه و 4 شهر



الي اعرفه افضل واحد الي بالنسيم وهو المالكي تأكد من معلوماتك


up 0 down 0
d7ooom777 391
قبل 5 سنه و 4 شهر



افتح وثيقة التأمين وأقرأ الشروط الي مايشملها التأمين اذا ماحصلتها يشملك

وبعدين المرور ماله علاقة نجم يجي ويقرر
وضرر الطرف الثاني يتحمله التأمين أنت مالك علاقة ولا تدفع أي شي


up 1 down 0
fox in the box -72
قبل 5 سنه و 4 شهر



اخوي الحادث صار بمدينه عسكريه ونجم م يقدر يدخل اي مدينة عسكريه لانه ممنوع ! 

واللي يقهر ان المرور منتضرين 4 ساعات واخر شي يقول خليهم يجون انا في مهمة حادث ثاني ومااقدر اجيهم الا بعد 3 ساعات
 دام سياراتهم تمشي بسقبل يجون يصورون الحادث!

يعني ننتضر 7 ساعات! عشان قرار حادث !


up 0 down 0
sulaiman2016 15
قبل 5 سنه و 4 شهر



الله يعينك بس لو تصلحها من ورشه ممتازه افضل الوكاله بتتاخر وثاني شي يمكن يعوضك بسياره ويمكن لا وتراهم نصابين يستغلون التامين ويصلحون لك حاجات سليمه ويرشون لك اجزاء من السياره وهي سليمه كله بس علشان يستفدون من تامين نصيحه انصحك تصلحها بورشه وانت الي تشرف عليهم وحاجات السليمه لايقربونها انا خويي  صلحها بوكاله  رشو البيبان وهي سليمه ورشو الشنطه ورفارف وهي سليمه وتحتاج تعديل فقط وصدمه ورا بصدام  تفاجاء يوم راح يبيعها قالو انها مرشوشه وقال موتري انا مطلعه من وكاله واعترض يوم راح لهم قالو رشيناها  لنها تعبانه وبويه بتختلف ونصيحه انصحك من الان انك تنتبه من نقطه هذي قبل لايطيح الفاس براس وانصح اي شخص  يصير له زي موقف  


up 0 down 1
سكودر 14927
قبل 5 سنه و 4 شهر



الريوس بشارع عام = عكس سير قد صارت معي وانحجز موتري وبحب الخشوم طلعته 


up 0 down 1
benz lover -78
قبل 5 سنه و 4 شهر



دامها بمدينة عسكرية شي ثاني

طيب شف انت تكلم مع المرور قل طلبت نجم وما يقدر ومعي تأمين
وطبق نفس الصدمه بمكان ثاني

بس يشملك التأمين شي أكيد


up 0 down 0
fox in the box -72
قبل 5 سنه و 4 شهر



معقوله اخوي سكوتر الورشات اللي بالصناعية تجي افضل من الوكاله!

ع حسب الوكالات انا بروح لوكالة عبدالله هاشم وهي تعتبر 
تعبر شركة هوندا الرأيسية بالرياض 

لكن الورش م تضمن نفس الوكالة! هذي وجهة نضري 


up 1 down 0
sulaiman2016 15
قبل 5 سنه و 4 شهر



الوكاله يدخلون السياره يعني ماتدري وش يسون فيها كانه غرفه مسكره وماتدري وش يسون بداخل  لكن انت دامك تبي الوكاله احرص على النقطه الي ذكرتها لك وانا انصحك وانصح اي شخص لاتطيح زي ماطاح صاحبي بس مجرد تنبيه 


up 0 down 0
سكودر 14927
قبل 5 سنه و 4 شهر



بالنسبة لي اول مرة يصير لي حادث 

اول شي اروح للمرور واخذر قرار الحادث واروح لشيخ المعارض وارجع لشركة التامين وبعدها للوكالة والا !


up 0 down 0
sulaiman2016 15
قبل 5 سنه و 4 شهر



الله يسعدك اخوي سكوتر زين انك وضحت هالنقطه ..


بس شي يقهر اذا السيارة تجلس شهر بالوكالة وادفع قسط شهر والسيارة موجودة بالوكاله!


up 1 down 0
sulaiman2016 15
قبل 5 سنه و 4 شهر



مرور شمال الرياض في الدايري مخرج ٦ واتجه شمال اول اشاره تجيك(عند دوار) ديور ورا وتلقاه على يمينك


up 0 down 0
jeddah123123 156
قبل 5 سنه و 4 شهر



حتدفع نسبة التحمل


up 0 down 0
mfh2009 369
قبل 5 سنه و 4 شهر



انا نفسك وانا اخوك موتري اكورد 2017 وتامين البنك الاهلي التعاونيه المهم صارلي حادث
والغلط 100‎%‎ علي ورحت للتامين قالولي عطنا 5000 تصلحها وكاله او 2500 ورش عبداللطيف جميل والله ظحك التامين ذا
المهم اني رحت للوكاله وسويتها ب حسابي ب 3700 باب ورفرف 


up 0 down 0
meshal 2200 17
قبل 3 سنه و 9 شهر



انا صارلي حادث والخطاء علي مئه بالمئه لعدم وجود طرف ثاني وصار الحادث بسبب انسكاب الديزل وكنت قد دفعت دفعه أولى 18000 ريال ولا رجع لي شيء منها معا ان التأمين شامل المفروض يعوضني كامل والله حرام الفلوس ذي كلها تروح وانا مالي ذنب الي يعرف طريقه يساعدني بالله عليكم 


up 0 down 0
وديني
قبل 3 سنه و 7 شهر