أضف سؤال أو موضوع جديد          

ليش بعض الناس مايفهم

up 15 down 8
sel560sel 89
قبل 5 سنه و 12 شهر



السلام عليكم ورحمة الله وبركاته ...
اخواني و اعزائي أعضاء المنتدى الكرام

موضوعي اليوم بصراحه طلعت من الدوام وفي منتصف الطريق اتفاجأ بالابل السائبه في وسط الطريق طبعا انت دوامي يبعد عن المنزل ١٥٠ كيلو
الي صار يا حبايبي اني هديت وقلت لازم انبه العالم الي جايه مسرعين عشان ينتبهوون للابل فعكست الطريق وجيت بين الخطين وقعدت اكشح بالنور لن الابل جايه بكذا زي المنعطف بسيط مو قوي يعني مو باينه من بعيد
الزبده اني اكشح للعالم ومطلع يدي مع الدريشه ولا حياة لمن تنادي وانواع البريكات وانواع الافلام والله العظيم مادري ليش بعض الناس يعابط والله لدرجة ان في ناس متاكد انهم شايفين الابل بس مسوي انه مدرك الوضع ولا يهدي ولا وصل عندها انواع البريكات ماتشوف الا دخنة الفرامل
بالاخير قلت هذولا مرضان يمكن يحسبوني استهبل والقى شماغ بالمرتبه الي ورا وانزل من الموتري واكشح بالنور واشر بالشماغ قسمبلاه ولا احد مهتم هههههه يعني مادري تشوف واحد عاكس الخط وياشر بالشماغ والنور اكيد في شي قدامك بس الناس هذي مدري كيف تفكر

وقبل تقريبا ٦ اشهر نفس السالفه كنت ماسك طريق الدمام الرياض المهم كالعاده مجلعد شوي الا التريله الي متعطله بنص الخط واقف ونزل صديق وخلى الموتر والله فالمسار الوسط المهم تفاديته ونفس الحركه عكست الطريق وجيت بين المسارين وبدات اكشح للعالم والله ولا احد يمك وانواع البريكات والموقف الطريف الي صار ان واحد من ربعي كان بعد رايح الرياض واكشحله بالنور عرفته انا هو ماعرفني وبغا يدخل بالتريله الغبي هههه بصراحه قهروني العالم يعني ما ادري انا شفاف مايشوفوني ولا وش السالفه
ولا هو زياده ثقه بالنفس ولا مسوين انهم مدركين الخطوط ما ادري
هذا موضوع حبيته انقله لكم للنقاش والله يستر على كل المسلمين والمسلمات ويكفيهم شر الحوادث ومفاجات الطريق







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الي يقول الناس تخاف من قطاع الطرق . الرجال ياشر بالشماغ للانتباه ما قعد ياشر بالرشاش ولا بسلاح . 

يكفي وسوسه على الناس 


up 0 down 0
ابوعابدالله 81
قبل 5 سنه و 11 شهر



و الله يا اخي اهتمامك يبين انك من البشر النادرين في هذي الدنيا - الله يكثر من امثالك


up 0 down 0
overmen 1
قبل 5 سنه و 11 شهر