أضف سؤال أو موضوع جديد          

لم تجد قطع لسيارتك او وجدت اسعار فلكية اقرأ الموضوع للفائدة

up 5 down 7
عربة للسيارات 1664
قبل 4 سنه و 6 شهر



السلام عليكم ورحمة الله وبركاته


اسعد الله اوقاتكم بالخير اخواني اعضاء المنتدى الكرام..

موضوعنا اليوم يختص بقطع الغيار والبدائل الممكنة في حال عدم توفر القطعه المطلوبة بالسوق او ارتفاع سعرها ونحمد الله بوجود بدائل مجربة من اشخاص على مدى سنين طويلة حتى تم اكتشاف البدائل 

حكمة الزمن الماضي (صاحب الحاجة اعمى)

للأمانة الموضوع منقول من تجارب اشخاص فعليين ونجحو باكتشاف البدائل وطبعا الخطأ وارد وارجو التأكد من اي خطوة تخطيها بقراراتك واستشر مهندسك او مرجعك الخاص

وبسم الله نبدأ:


جيب دوج درانقو موديل 2003 يركب عليه دفرنش خلفي حق اي كابرس من موديل 1986 الى موديل 1990
طرمبة(فيول بمب) بنزين الفورد كراون فكتوري موديل 2003ا ( داخل التانكي ) تركب على المرسيدس موديل 1988 بدون ترهيم. وكذلك على الدايو موسيو موديل 2000

-----------------


منظم الهواء الي في النيسان صني + مكسيما من موديل 2001 الى 2005، الي يركب في الهوز حق البخاخ ممكن تفكه و تنفخه بـ هواء وترجعه مكانة و تنتهي مشاكلك اذا السيارة تطفي فجأة. مايحتاج استبدال ،،، بشــــــــــــــــرط انك تفك اصابع البطارية قبل تبداء الشغل ولما تخلص تشبك الاصابع ..


-----------------

جنط الجمس(رنق) (شنبر) حق موديل 1980 ابو 6 مسامير يركب على البليزر موديل 2008 


------------------

كمبروسر الهايلوكس 2006 يركب على الجمس 1999 


-----------------

طرمبة الكدلك(فيول بمب) تركب على الباترول اللي من موديل 97 

بالنسبه دينمو سلف حق الجالنت والمازدا واحد موديل 90-93

-----------------

لكزس400 سابقا خرب اتوماتيك المرووحه
وركبتلها اتوماتيك مروحة vxr وممتازه من دون تعديل وفوق هذا ارخص من اللكزس

------------------

(فيول بمب) طرمبة مرسيدس 500 اس موديل 90 تركب على الجمس من91 الى99

اغلب قطع غيار اللكزس gs300موديل 97قطع كراون تويوتا

------------

كامري امريكي ركب لها قطع اي اس 300 2001 تقريباً نفس القطع

---------------

مكينة المازدا 626 موديل 96 الى 2000 تركب على كيا كلارس من نفس الموديل 

--------------

لاصحاب اليوكنات 2000 و2001 و 2002 والتاهو يركب عليها فيول بمب vxr

------------------
سكان الماكسيما والعمود حق السكان للماكسيما تركب على الباترول والعكس صحيح مركبها على باترول 97 حقت
ماكسيما 2000

------------

قطع الهايلكس(بكب) يركب على الفور رنر 93-96 ومعروف قطع الهايلكس ارخص من الفوررنر

---------------

جميع موديلات الباترول البخاخ00
يوجد خرطوش خارج من البخاخ الى قربة الهواء وسعره تقريباً من 200 ريال وطالع بينما يركب عليه خرطوش الكابرس نفس النوعيه وأفضل بالنسبه لليونه وعدم التيبس والانشقاق بسعر 40 ريال فقط00 
دينمو الكهرباء (باترول)جميع الموديلات:
(الوات) قوة الدينمو الاصلي للباترول من 80 وات واقل بينما دينمو المكسيما من 2004 وما فوق 110وات ويركب على الباترول بتعديل بسيط بالقاعده الي فوق فقط وهذا طبعاُ يفيد لمن يحتاج الى كهرب زياده مثلاُ :
الي مركب مراوح كهرب عالية السرعه وانوار غازيه 
مركب ثلاجه خارجيه كبيره التي تستعمل للكشتات

---------------

جنوط الجيب الدايو مقاس 15 تركب على الددسن وشكلها مناسب جدا واخف من جنوط الوكااله


وجنوط البليزر مقاس 15 تركب على الددسن ايضا وشكلها اطيب لكنها ثقل جنوط الوكاله

مساعدات مرسيدس تركب على الهايلكس من موديل 2005 وتحت سلام سلام 

وجنوط المرسيدس ايضا تركب على الهايلكس وميزتها اخف بكثير من جنوط الوكاله واعرض .. 


وجنوط البرازيلي تركب على الباترول وجنوط الباجيرو ايضا تركب على الباترول ..

---------------

اذا دورت شيء وما لقيته وعجزت

روح محلات قطع المعدات الزراعية (بشرط تكون القطعة معك للتطابق) وتشوف العجب

لكن بعض القطع يبغالها تعديل شوي

------------------

عرفت مهندس في جده جالد في خلق الله أصحاب الرولزرويس والجاكوار إصلاح كلتش ودسك وفحمات في الوكالة روز ب 6000 وطالع وعنده ب 3000 ريال 50% والزبون مبسوط
والدعوه كلها بطيخة وإصلاح كابرس ب 300 ريال 
(ورزقكم في السماء وما توعدون)

وعنده أسرار أخرى لا يفصح عنها لأصحاب (الفيراري ) إصلاح وتوضيب فوق 10000 ريال
لأنه مافي وكالة والقطع طلب وشحن وأسعار فلكية.

--------------

اشترينا مرة أنا وصديق سيارة (مازيراتي)قديمة ومهملة ب 2000 ريال لون أحمر


قلنا يمكن نحييها وعجزنا في توفير البساتم إلا بطلب من إيطاليا $$$$


دلنا صاحب المخرطة على محل قطع (برادات) ثلاجات الخضرة الكبيرة وورانا مثلها وطابقناها 100% قيمة السلندر الواحد 80 ريال 

نفضنا السيارة وكشخنا فيها وانباعت ب 16000

--------------

فرامل الكلايزلر SRT-8 فرامله تركب عل البورش الكايان وارخص


في حالة خراب اي رمان عندك في سيارتك لاتروووووووح للوكاله ولاقطع الغيار 
يوجد في كل صناعيه محل لبيع الرومانات 

ماعليك سوا انك تاخذ رماانك ( الخربان ) وتعطيه راعي الرمانات ويخيرك بين انواع الصناعات 
ولي اجود من رمانات الوكاله واقل سعر

--------------

الكامري Le الأمريكية
موديل 97 .. 98 
تقدر تركب عليها هوبات كرسيدا 91 لأنه هوبات الكامري الأمريكية غير متوفرة
للخلفية طبعا

----------------

رديتر اللاندكروزر موديل 96 يجي نحاس
يركب على الباترول (نيسان) اعتقد من موديل 97 وتحت
ميزته حسب ما اخبرني صاحب المعلومة انه اكبر وابرد للموتر
يعني تنسى الحراره
شرط تركب اصلي وابعد عن التجاري اذا تبغى ترتاح
هو اشتراه بـ 400ريال من التشاليح
+
معلومة ثانية قريتها كثير وهي 
بلف الحراره(الي يركب بالكوع) ركب بلف ديزل نفس موديل موترك و (ميزته يسرع دورة الماء ما بين المكينة والرديتر) 

تحية لاهل النيسان

-----------------------

الشيروكي : اذا خربت النحاسات حقت القير روح للجميح واطلب نحاسات قير عادي ليوكون موديل 96 والي حصل لي ان نحاسات الشيروكي موديل الفين صار فيه صوت مع التعشيق للثاني وصوت قرّه قلت اغيرها كلها دام اني فكيت القير وسألت عن النحاسات بالوكاله بعد مافرطت القير وطلعت كل حبه ب 375 x سته = 2250 ريال في المتحده
في الجميح 35 x سته = 210 ريال

* عاد يُعتقد ان القيرين متطابقين والعلم عند الله

*بالنسبه للكامري من 2003 - 2010 وخصوصاً الي جايه من طريق ابو جميل الكمبروسر يوجد له بديل صيني وبجودة عالية وتحصله بشارع العويضه بالصناعيه القديمه .. أخوه من أمه وابوه وبحدود 500

------------------------

%99,9 من قطع غيار الفورد اكسبلورر تركب على ميركوري ما ونتينير من كهربائيات وغيرة والعكس

------------------------

كان عندي باث فندر مديل 2001 مكينته 6 سرندل 3.000
وخبطت علي رحت التشاليح وحصلتها غاليه على 9000 تزود وتنقص
المهم بعد البحث اكتشفت ان مكينة الباث = مكينة السدرك
ولاكن السدرك يجي كربيتر والباث بخاخ
والحمد لله بعد البحث حصلت مكينة سدرك يابابيه بخاخ وسعرها 1700 ريال ومع التركيب كلفتني 2500 ريال في تعديل بسيط في القزوز 
واستعملت السياره سنتين وبعتها وهي شغاله

---------------------

جيب الكزس والفي اكس ار علبة الدركسون -فحمات الفرامل_ المساعدات وثلاث أرباع الميكانيكيه تركب والفرق بالسعر كبير ومجرب

----------------------

الشمعات الداخلية للأنوار الأمامية لمعظم السيارات(إن لم يكن لجميعها) تركب عليها شمعات osram الألمانية بسعر( من 10إلى15 ريال فقط ) بينما في الوكالات تباع علينا بأربعة أضعاف ، وتوجد لدى محلات قطع غيار المرسيدس، ما عليك إلا أن تكون الخربانة معك للمطابقة فقط . للمعلومية أنا أعتقد أن جميع لمبة أو جميع شمعة في السيارة سوف تجد لها منتج لدى شركة osram . والله أعلم

----------------------

Bmw M5 والمكيف مايبرد رحت للوكاله قالوا كمبروسر وعملوها مشروع نصب وخاصة انها M5 ووطلعت منهم ورحت لواحد سوري في الصناعيه وركب لي كمبروسر كرسيدا مع تعديل بسيط وصارت السياره ابرد من اول ماشاء الله ثلاجه و5% من حسابات الوكاله
وللمعلوميه اخواني اغلب قطع السيارات تصنعها شركات خارجيه غير المصنع والشركات تبيع للجميع تويوتا ونيسان وغيره وهذا ينطبق على الامريكي والالماني 
وتلاحظ هذا في الونيتات الصينيه مركبين لها مكاين هايلكس القديمه وتباع بارخص 
لأنه من المستحيل ان يغير المصنع جميع القطع في كل موديل جديد , فالقطع المشتركه لجميع الموديلات كثيره وكل ماصار المستهلك مفتح يوفر على نفسه الكثير


-------------------

جيب ديهاتسو روكي موديل 91 او 92 ما كينته نفس ماكينه هايلوكس 84 

رحت لمحل يبيع قطع غيار ديهاتسو ابي اشتري اصلاح كبليتر قالي 200 ريال اصلي

رحت لعبداللطيف جميل لانه هو وكيل ديهاتسو الان قال 250 ريال 

بس الصراحه طحت بواحد اجودي ابن حلال من حقين عبداللطيف

قال يابو الشباب لا تتعب حالك رح الى اقرب محل يبيع قطع غيار تايوتا 

وقله يعطيك اصلاح كبليتر هايلوكس 84 وعطاني رقم الماكينه وقالي اسكت لاتقوله جيب ديهاتسو 

وبالفعل رحت واشتريته ب 50 ريال وركب مثل العسل...

--------------

خرب عندي عكس الأكسنت موديل 2002 وحصلته بـ 1400 ريال وبعدين أخبرني هندي صاحب محل قطع غيار إن عكس الميستوبيشي لانسر يركب عليها وأجود منه وبسعر 600 ريال وبالفعل ركبته وله معي الحين أكثر من 4 سنوات بدون مشاكل.

----------------

التريل بليزر + الانفوي + الاسوزو اسكندر


تتراكب قطعهم مع بعض. كلتش المروحه والبريكات والجنوط لانهم بالاساس نفس السيارت بس نازله بأسماء مختلفة. توي اكتشفت ان الاسوزو اسكندر هو نفسه التريل بليزر...

--------------

فلنجة الرنج روفر كثير خرابها واذا غيرتها بوحده اصليه بترجع تخرب ثانيه في اقل من سنه
الحل انك تركب فلنجة بي ام ارخص واجود....

---------------

دينمو المستوبيشي جلنت سعره 800 ريال 
ركب بداله دينمو سدرك ياباني بحوالي 140 ريال 

اهم شي بدل البكره عشان السير يركب صح..

-------------

بلف الحرارة للكابرس يركب ع الفكتوريا والمراكيز موديلات 97 وتحت ويخليك تنسى الحراارة 




قطع الهايلكس يركب على الفور رنر 93-96 ومعروف قطع الهايلكس ارخص من الفوررنر..

----------------

معلومة مهمة لاصحاب الكابرس . جميع قطع الرودماستر تركب عليه 

لاحظت رجوع الناس للكابرس القديم من موديل 90 وتحت .واحببت افيدهم بهذه المعلومة.

--------------

لاصحاب الشيروكي + الجراند شيروكي تركب عليهن مساعدات ايسى دلكو ميه ميه و اوتومتك المروحه يركب اوتومتك جمس مع تغيير البراغي بحجم اكبر

-------------

مساعدات الشاص ال2000الاماميه والخلفيه كلها تركب على جميع موديلات الباترول من 88 وفوق وسعرها تقريبا 300 ريال 
مساعدات الباترول من 88 الى 2001 سعرها تقريبا 380 ريال 
من 2002 وفوق سعرها تقريبا 680 ريال 
وللمعلوميه مساعدات الشاص قويه جدا وقاسيه يعني اللي موب راعي مطامر ومقانيص ماانصحه بتركيبها لانك بتكره الموتر بالديره والخط وخصوصا ان كان ربع وتحت ال97 موديله لان وزنه خفيف جدا
اما ان كان اربع ابواب وخصوصا من 98 وفوق فيمكن تحمل الفرق في الراحه ولكن يضل هناك فرق.

----------------

الشيء اللى مايعرفه الأكثريه اذا يبى قطع غيار ان سيارات الشركة الواحده تركب على بعض , يعنى سيارات تويوتا تشترك بالكثير من قطع الغيار ونيسان مثل وكذلك اذا الشركه مثل شيفورليه يوم اشترت دايو طلعت سيارات مثل ايفيو وابيكا وغيرها وهذى تتراكب مع قطع الدايو القديمه واللى ما يعرفه الكثير ان الدايهاتسو تركب عليها قطع من تويوتا .
اهم شي اذا بغيت قطع غيار لا تقول ابى قطعه لسيارة موديل كذا وفيها زيت شل وفيها صدمه مع اليمين قصدى لا تعطيه موديل السيارة تحديدا , قول للبائع ابى القطعه الفلانية واذا ما طابقت ابى ارجعها وتبى تلاحظ مدى تشابه القطع .
الخطأ الشائع بالسوق انك تطيح بناس ما هى فاهمه ولازم يبيع عليك نفس رقم القطعه الموجود , وهذى بعد ملاحظه ثانية القطع للشركه الواحده احيانا تتشابه بالشكل بس تختلف برقم القطعه والسعر يختلف مثل مكينة الهايلكس اربعه سلندر والكرسيدا اربعه سلندر القطع متطابقة 100 % بس رقمها يختلف حسب كتالوج الوكالة




اتمنى من الاخوان من لديه تجارب مماثلة او مختلفة ان يثري الموضوع بما يحمل من معلومات تهم اخوانه المسلمين وتحميهم من اساليب الغش والحرص على توفير المال بقدر المستطاع

ودمتم بخير









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ممكن تذكر المعلومات الغلط لنقوم بتعديلها او حذفها لاهنت


up 3 down 0
عربة للسيارات 1664
قبل 4 سنه و 6 شهر



عطيتك لايك على اني قرات الموضوع هذا ( النشر: قبل سنة و11 شهر )

http://www.mstaml.com/f222311/%D9%87%D8%B0%D9%87_%D8%A8%D8%B9%D8%B6_%D8%A7%D9%84%D8%AA%D9%88%D9%84%D9%8A%D9%81%D8%A7%D8%AA_%D8%A7%D9%84%D8%AE%D8%A7%D8%B5%D8%A9_%D8%A8%D8%A7%D9%84%D8%B3%D9%8A%D8%A7%D8%B1%D8%A7%D8%AA_%D9%85%D9%86_%D8%B0%D9%88%D9%8A_%D8%A7%D9%84%D8%AE%D8%A8%D8%B1%D8%A9._%D8%A7%D9%84%D8%AC%D8%B2%D8%A7%D8%A1_%D8%A7%D9%84%D8%A7%D9%88%D9%84/?close=0


up 1 down 0
الشرقية1 266
قبل 4 سنه و 6 شهر



كمبروسر الكامري من دينيو اليابانية 


up 1 down 0
الصمت كبرياء 327
قبل 4 سنه و 6 شهر



الكمبروسر المقصد صيني يباع بالصناعية جديد بجودة عالية وهو بديل بدل ماتشتري حق بلدها بذيك القيمة

اخوي الشرقية :
فعلا التجارب الي ذكرتها بالموضوع موجودة بكذا منتدى وجمعتها كلها بمنتدانا العزيز وسبق ذكرت انها منقولة 
اشكرك على حرصك وتقييمك للموضوع

وننتظر تجارب الاخوة 


up 2 down 0
عربة للسيارات 1664
قبل 4 سنه و 6 شهر



يعطيك العافية على الموضوع الجميل
عندك فحمات الاوريون والافالون نفس فحمات الكامري
يعني الاوريون من 2007 الى 2011
والافالون من 2005 الى 2010
تركب عليها فحمات الكامري من 2007 الى 2011
اختها مافية ولا فرق
يعني الي معه اوريون 2008 يطلب فحمات كامري 2008
سعرها اقل 


up 2 down 0
الرفاعي33 13910
قبل 4 سنه و 6 شهر



الله يعافيك يالرفاعي ومرورك الاجمل

فعلا كلامك سليم لاعدمناك

+

تقييم الجميع


up 0 down 0
عربة للسيارات 1664
قبل 4 سنه و 6 شهر



عفوا دينسو * اليابانية 


up 0 down 0
الصمت كبرياء 327
قبل 4 سنه و 6 شهر



موضوع جميل جدا 
كيف الطريقة للي بيجيب قطع من الكويت او الامارات قالوا الاسعار هناك ارخص والقطع اجود 


up 1 down 0
ابو هيما20 210
قبل 4 سنه و 6 شهر



الوالد عنده فورد رانجلر وانيت تفاجأنا ان قطعه نفس قطع الونيت المازدا بالملي وارتحنا لقينا حقت مازدا ارخص ولانحتري الوكالة تجيب طلبية القطعة الناقصة

ياليت هالمعلومات يعرفها كثير من الناس وتوفر عليهم مال وجهد ووقت


up 1 down 0
سند10 1161
قبل 4 سنه و 6 شهر



يا راعين الخبره وش الموتر الي يطابق الاف جي وقديم؟ لان الاف جي يعتبر جديد نسبيا لانه بدا من 2008 بالسعوديه
وش المواتر الي قديمه وقطعها تركب ع الاف جي ..


up 1 down 1
محمد حمدان هلال 19
قبل 4 سنه و 6 شهر