طفح الكيل وهذا الحل

63 39

لايمكنك التصويت حتى الحصول على 20 نقطة على الأقل
إضغط هنا للإخفاء

ابو سعود629 4707
قبل 8 سنه و 7 شهر

السلام عليكم ورحمة الله وبركاته , مساكم الله بالخير , واخباركم عسآآكم طيبيين 





المهم ياشباب كتبت هالموضوع ماهو شطاره لا والله لكن طفح الكيل .. ممكن البعض منكم راح يستنقصني على اللي ابكتبه لكن مايحس بالنار الا اللي يوطيها وانا شخص اصبر اصبر لين انفجر 




الموضوع ومافيه ان سيارتي اكسنت وكل  ماطلعت ابروح مشوار ارجع اخلاقي قافله بسبب العالم الهمج اللي ماتعرف تسوق ,, يحتقرون الشخص على حسب نوع سيارته 






1- تجي عند الدوار ماحد يحترمك ويطلعون بوجهك 


2- تفتح الاشارة تلاقيهم كلهم بواري وكأنك جالس تمشي على رجولك 


3- تدق اشارة يحشرونك يخلونك ماتلف 


4- تدز علشانك بتخلص مشوار وتكبس للي قدامك يفتح لك ويجي جنبك ويدز يعني شوف اني كسرت خشمك 



5- اغلب اصحاب الهايلكسات همج وكل واحد شاد حيله كأنه في رالي 




لذلك قررت امس اطلع ب ابو شنب الجمس وكان في راسي شر وقلت ي انا ي الجمس واللي حصل كالتالي :



1- جيت ابديور مع الاشارة ويطلع هايلكس من الشارع الثاني يعاند يبغى يطلعها قبلي واللي حصل اني رصيت له بنزين وطيرت له صدامه وعفست له زاوية الموتر , وقلت له ماتشوف !!؟ ولا الدعوه عناد ؟ قال ياخي الشارع وسيع قلت له اوك وسيع لكن معي جمس ماهو اكسنت  لو ماكبرت اللفه اباكل الررصيف جلس يقول الله يسامحك قلت له اخلص انا متنازل مشيت وهو جالس يلقط بقايا صدامه 



2- صني 2010 تقريبا مظللها كتم وانا بداخل الدوار وطلعها بوجهي وجبت له الجنب كامل زحفت به لين اخر الشارع وجبت نجم والغلط عليه 100% 




3- واقف عند تقاطع وماسك سرا من فترة طويلة ويجيك فورد بدون مقدمات وبدون اشارة وبدون سلام ويبغى يسقط والنتيجه باب امامي ورفرف ومراية 



ليه الناس تعامل الشخص على حسب سيارته ؟! يعني لازم الواحد يسوي كذا ولا الكل بياكله صار الواحد يطلع من بيته مايضمن يرجع !




البعض منكم ممكن ينتقدني لكن طفح الكيل من الهمج والعالم الغبيه اللي تدرعم وبس 3 اشخاص درعمت فيهم وان شاء الله يكون درس لهم :) 



الصوره توضيحيه لأبو شنب , وقد اني عرضته للبيع تشليح بدون صدمات واللحين كملت عليه :)

إبلاغ

الردود