عندي النترا فيها بعض الاعطال

بالنسبه للتندية بين المكينه والقير هذي احتمال كبير بتكون يا صوفة المكينه الخلفيه أو صوفة القير
يا انك تشوف بالضبط التندية من وين او ممكن تعرف عن طريق لو الزيت ان كانت زيوتك جديده ماهي محروقة
لو مايلة للأصفر هذي صوفة المكينه ، وان مايلة للأحمر هذي صوفة القير
والاثنين كقطع غيار رخيصة بس المشكلة في شغل اليد ، لأنهم بيضطرون ينزلون القير عشان يوصلون للصوفة
وشغل اليد بيكلفك من 400 الى 600 ريال وانت وشطارتك

بخصوص الفرامل هذي صعب نحددها ، قربعة الفرامل ممكن تكون من الهوبات أو المقصات
اذا هوبات الدركسون بيرج معك ، واذا مقصات قربعتها تطلع بالحفر بس (يعني وقت ما تفرمل وفيه حفر قدامك) واذا الجلد مررره معدومه بتحذف معك وقت الفرملة
وبكل الحالات يبيلك تاخذها لورشه وهو بيحددلك المشكلة بالضبط

بالتوفيق

يعطيك العافية ماقصرت