صار علي حادث . هل يحق لي فقط تقدير شيخ المعارض وهو 12 الف ؟

يمديك تعترض ترا

وش دخل شيخ المعارض ؟؟؟
سيارتك هل هي تالف ؟
اذا موب تالف رح قدر في الورش

من ناحية الاعتراض تقدر تعترض
لكن على حسب علمي الموديلات الجديدة تتقدر في الوكالات ولا ؟

لا عزيزي

التقدير لاخر 3 موديلات من الوكاله 2015 و 2016 والان 2017 اعتقد

احد الشباب معنا بالمنتدى والله ضرب ضربه بسيطه بالنترا 2015

شمعه وعفطه بالصدام .. تصليحها بالورشه 1800 ريال تقريبا

لكن قال انا بدخلها لتقدير الوكاله .. وهذا من حقي لانها موديل..والتأمين يقوله احنا بنصلحها لك ماعليك ..قال الوكاله يعني الوكاله..لان سيارتي جديده..

وتقدرت بقيميه 17 ألف..بيغروا له كبوت وصدام وشمعه ورديتر و كل شيء مع انها ماتأثرت ههه

لكن انت تقدر بس تاخذ المبلغ مو شرط تصلح عندهم بالوكاله

وهذا من ابسط حقوقك 

موفق

وللعلم هذا ان شاء الله مافيه شيء حرام. لانه من حقك..وسبق وسألت شيخ ..وقال لا بأس اذا جاك قيمه فوق اللي انت تحتاجها للتصليح..لانك وقت البيع..راح يطيح من سيارتك مبلغ وقدره بسبب هالحادث..فالمبلغ الزياده من حقك..بما ان الحادث ضرك في بيعتها..

أبو خالد 

أنا يوم رحت للمرور قال لي تروح لشيخ المعارض وتقدرها ، قلت له سيارتي موديل 2015 ابي الوكالة ، قال حنا المعتمد عندنا شيخ المعارض بس 

وش الحل ؟!

الحمد لله ع السلامه للاسف مالك الا شيخ المعارض الا اذا معك تامين شامل كذا تفرق  

اذا الي صدمك معه تامين يعوضك التامين المبلغ وصلحها فالوكاله   طبعا بعد ماتخص من شيخ المعارض روح لمحل قطع غيار معتمد وسعر القطع ذي يضيفوها لقيمت تقدير  شيخ المعارض والله يكون في عونك

شركات التامين محتاله 
قدرت سيارتي في الورش قالوا 6000 وعليها 
وقالوا دام التكلفة اكثر من 6 الاف لازم تروح لشيخ المعارض
رحت لشيخ المعارض قدرها ب 7 الاف
المهم التامين اعتمد ال 6 الاف 
وبعد شهرين تقريبا صرفوا لي الشيك ب 5800 ريال 
من الطفش ما عاد راجعت ولا شي 
قلت حسبي الله ونعم الوكيل واللي خصم هالمئتين ريال 
الله يبلاه بعياله ان شاء الله لانه ظلمني واوقع استلام شيك وامشي

جزاكم الله خير جميعا ، كفيتوا ووفيتوا

أخوي طلال ... متأكد ؟

ايه نعم اخووي متاكد 

طيب ياشباب سؤال , اذا السياره تاجير منتهي بالتمليك وواحد صدمني , يمديني اقدرها بالوكاله واخذ الفلوس ؟
ولا بس اصلحها وبس ؟

اذا ايجار منتهي بالتمليك بيكون عليها تامين شامل باسم الشركه او البنك الي السياره منهم  يعني ماتقدر

صارت لحد الزملاء نفس مشكلتك وقاله محقق الحادث شيخ معارض
وسياره تحتاج ضعف مبلغ الذي تم تقديره من شخص مزاجي وربما يفتقر التعلم  ولا يفقة بالسيارات شي او كما يسمى شيخ المعارض

والحل كالتالي :

1- تكتب معروض بورقة واذا ماتعرف تروح عند الجهات الحكومية تشوف ناس برا يكتبون لك ومضمونه انه سيارتك 2015 ..الخ باقي تفاصيل.
2- تقدم المعروض الى ضابط قسم الحوادث [ رئيس قسم الحوادث ] ويكون اسلوبك وقتها ممتاز ومتحدث واثق اذا وافق بيوقع لك عليها وترجع للمحقق اللي قالك شيخ معارض 
3- بيقولك وهو رجال محترم انه تروح 3 ورش و 1 محل قطع غيار لكن ثق تماماً لو كان السعر شاطح [ يحق لطرف ثاني يعترض  سواء شخص او شركة تامين]
4- اذا اعترض للاسف بترجع لشيخ المعارض هههههههه ! وقدامك حل واحد فقط بكتبه لك بنقطه 5 .
5- يحق لك تعترض على تسعيره شيخ المعارض وتطلب تسعيره اخرى مع توضيح الاسباب للمرور والحل الاخر توصلها للمحكمه وتعلم الشيخ انه تكالف المقدره لاتكفي ويحكم لك الشيخ حكم منصف كاقل تقدير للحكم هو : الزام الطرف الثاني بتكفل بتكاليف الاصلاح بشكل كامل

والحمد لله على سلامه

هل يحق لي شركة التأمين الاعتراض بعد تسعيرت شيخ المعارض

هل يحق لي شركة التأمين الاعتراض بعد تسعيرت شيخ المعارض

جواب مقنع 
يعني لو مااقتنعت بتسعيرة شيخ المعارض هل اعترض على تسعيرته لان فيه فرق من سعر التصليح قدروه مع القطع ٤٠ الف وشيخ المعارض قدر الفرق ١٥ الف قبل وبعد 

اهلين شباب كيفكم ... اخ من شان شيخ المعارض والله حرام عليه يسعر سياره ... سعر سيارتي 12 الف قبل الحادث وبعد الحادث 7 يعني 12-7=5ولقطع الغيار سعرها اغلى من كذا وش الحل يا اخواني قالولي شباب تقدر تشتكي عليه وا يرجعو حقك بل كامل

 يا شباب انا سويت حادث وكدا والغلط مو عليا المهم قدرت التقدير اللي في مخرج ١٨ عند التقديرات المهم التقدير مو جايب حق القطع وش اسوي اروح اقدر من شيخ المعارض عادي ولا لا