عطل في السياره

شيك على المويه يمكن نقص بسيط غير ملاحظ بالقربه

وشيك على مراوح الرديتر 

موية الرديتر مليانه والمراوح مزبوطه وكنت ضاغط على الزر بس النتعه وسوست فيت

انا ابعرف شي واحد هل هو طبيعي ذا الشي ولا في مشكله في السياره وخوفك من حق الورشلنصابين يجلس الواحد يفتي من راسه 

شيء طبيعي ترتفع في لعقبه لكن عندك بزياده ارتفعت كيف كاننت رجلك ع البنزين 
خل دعستك موزونه وشيك على  دينمو المروحه احيان يكون دنيمو المروحه خداع تشوفه شغال ولا فيه شي لكن ماتتشغل الدعسه الثانيه واذا مسكت خط تنزل حراره طبيعي لنا هواء حق خط يبرد رديتر فمايحتاج سرعه للمروحه  دعسه ثانيه شيك ع مراوح وشيك على رديتر وشف اخر مره صيخته متى 

والله ياخوك كان معي فورد 2003 فكتوريا كنت امحطه في عقبة الهدا والمكيف شغال والحراره ثابته ولا قد ارتفعت ام التاون كار ماله معاي شهرين ولا صيخت الرديتر وبعدين رديتره صغير ممكن البلا منه 

انت تقول استخدام أمريكي هذي المشكلة بمعظم الفورد الوارد امريكي

شيك على الرديتر والمراوح ممكن تختلف عن السعودي 

الرديتر صغير مو زي رديتر السعودي وخوفك اغيره وتطلع المشكله مو منه

يا اخوان مشكلة الحرارة بس في العقاب يجيها تفتفه وتنتيع اذا  كنت مشغل المكيف اما اذا كنت ماني مشغل المكيف الحراره تكون طبيعيه على النص بس يجيها تنتيع اما في البلد وفي الزحمه ماترتفع الحراره ابد 

ياخي تجي زحمه ترتفع الحراره  ترقى عقبه ترتفع الحراره  ليه ترتفع الحراره لن السياره تعرضت لضغط شديد داخل غرفه الاحتراق الحين انت تقدر تمشي على سياره بدون رديتر ولا ماء ولا مرواح  اكيد لا  كلما ضعفت عندك وسائل التبريد كلما قلت كفاءه المحرك عزم يضعف حراره ترتفع المكيف ماعاد يبرد  فاانت عارف ان رديتر سعودي والامريكي يختلف طبيعي لن سعودي رصاته اكثر من الامريكي وكذالك شيك على دينمو مرورحه وسوي تصيخ رديتر وتنظيف سلندر مكينه انت تقول ليه اغيرها وهي مافيها حراره هي مافيها حراره لن هواء يبرد سياره مع ممشى لكن لو صار لسياره ضغط زي انت تقول رقيت عقباه فطبيعي ترتفع حراره مراوح تشتغل سرعه ثانيه اذا تعرضت سياره للحراره بف حراره ينفتح ويدخل ماء من رديتر ماء بارد فااذا هذي كلها ضعيف  فماراح يعطيك قوه دفع وتبريد ان شاء الله فهمت  الحين ؟؟ 

 اكيد انت تقول ان حراره ماهي مرتفعه  وطبيعيه لكن يوم رقيت العقبه ارتفعت الحل قلته لك فوق انا كان عندي دينمو حق مروحه خربان وتركته ماصلحته واعرف انه خربان يشغل مروحه بس مو سريع ومتاكله فحماته رحت على السياره الشرقيه مرتين ماصلحته حراره   مارتفعت فوق خليته وكان وقت الشتاء الحين وقت الصيف والحراره الجو  غيرته على طول لن حراره الجو الحين صيف  

جزاك الله خير ياخوي 

الحرارة في الزحمه مع المكيف ماترتفع ابد بس مشكلتها العقاب فقط 
والمروحه سليمه 
والرديتر صغير شكل المشكله منه

حبيبي خذ العلم من جرب مشكلة موترك
نفس مشكلة الكامري الامريكي من 98 الى 2002
كانت ترتفع معي في الهدا 
ولعلمك الكامري 98 الى 2002 اشتريت اكثر من 4 
98 و99 و2000 و2001 كلها جمرك وطوالي اغير الرديتر
لان رديتر بلدها ولا بريال عندنا ماينفع
المشكلة كلها في الرديتر بس ابشرك مشكلة الرديتر
حلوها في الكامري من 2003 وفوق يجي نفس رديتر السعودي
غير الرديتر برديتر رصاته اكبر وعليك برديتر نوعيته طيبة
وراح تذكرني بالخير 

الله يجزاك بالخير يالرفاعي
بس هل كنت تواجه التفتفه بالطلوع 

للامانه ماكنت اواجه تفتفه 
بس ترتفع الحرارة في الصيف مع عقبة الهدا وعقبة الباحه المخواة
وكنت اوقف حتى ترجع لوضعها الطبيعي واكمل
وترتفع مع مكيف وبدون مكيف بعد ماغيرت الرديتر
راحت المشكلة ولا عاد ارتفعت نهائيا

ياصاحب الموضوع ترى شركة فورد تعتمد نظام حمايه للمكينه اذا ارتفعت الحراره 

لدرجة خطيره للمكينه تبدا تفصل البنزين عن المكينه عشان تشتغل السلندرات مثل التبريد

والتفتفه ماتجي الا اذا الحراره فعلا عاليه لدرجة مضره وهالكلام مذكور بكتيب السياره... في حل ممكن تسويه

في جهاز فحص السيارات حق البلوتوث ابو 60 ريال تقدر تشبكه على طول بالسياره

وانت ماشي وشوف كم توصل الحراره داخل المدينه بجوالك المفترض تكون 90 تقريبا وفوق 

الميه وشوي تكون خطر ...هذا الحل يفيدك قبل تبدا بتغيير قطع

عشان تتاكد ان الحراره فعلا عاليه والتفتفه حمايه للمكينه او الموضوع يكون مشكله اخرى.

اضافة للي قالوه الشباب لا تخلي الجير يلعب بالنمر 
يعني اذا شفته طالع نازل بين الرابع والثالث عشقه ثالث
وهكذا بباقي النمر ولا تشد عليه 

الرديتر كان ناقص ثلاثه لتر وعبيته ونزلت نص العقبة وطلعت وانا مشغل المكيف على الاخير ولم ترتفع الحراره او تكتم 

الحمد لله امورك طيبه وبالتوفيق وشكرا على اضافة الحل