سوناتا المجدوعي --- كامري خليجي

اسالتك يجيب عليها بنك الراجحي

وبالتوفيق

حياك الله ياخcoco13

ابغا معلومات عن القصد والبنك افضل 
تمويل شخصي 
قص بدون دفعه 
اجار تمليك 

السوناتا ودربك اخضر  الجديدة اختلفت عن موديلات 2011-2014

صارت راسية ومريحة وعزلها صراحة ماتتخيل انها من فئة الكامري ابدا واذا تفكر بسعر البيع فسوناتا تمسك سعرها 
ومن ناحية العملانيية فخلاص الكامري انتهى زمنها الان ملاكها يعانون اصوات ديكور وقطع غيار عمرها قصير والخ

الافضل لاشك تمويل شخصي دامك مقصد مقصد


الايجار المنتهي بالتمليك سالفته طويلة عريضة ، بتسافر تفويض صدمت لاقدر الله وراح تالف جب موترهم والشيك بأسمهم وخربطه زايده وان ماعاد بغيت الموتر يا شف احد يتقبلها ولا مدري وشوا



المهم انه وجع رأس


طلعها يا محفوظ السلامة بأسمك تمويل شخصي واشترها كاش اولاً اوفر لك في السعر يعني بتاخذ 70 من البنك يمكن ياخذ منك 12 او 14 على حسب النسبة اللي بيحسبها لك والموتر بأسمك


بغيت تبيع ، لاقدر الله اندقشت الشيك يجي بأسمك راحت تالف الموتر لك وبأسمك والشيك لك الخ ..... الله لايقوله طبعاً



بالنسبة للسيارات كلها كويسة وتكد وعملية باقي رايك الشخصي اللي مقتنع من شكلها ومركبها معجبك توكل على الله


وفقك الله

شوف اخوي لي اكثر من 10 أيام الف المعارض افضل شي لقيته كامري خليجي عند الفليج في الشفا بسعر 87500 فل كامل بصمة جلد 2016 والله سيارة من أروع ما يكون مواصفات توب التوب فتحة شاشة كله شد بلد سيارة بمعنى الكلمة والستاندر ب 71 ألف السوناتا ما سألت عنها بس انا ارتحت للكامري وبأذن الله الأيام الجاية بشتري وحدة

(1)  خذ قرض من البنك وطلع سيارتك بإسمك ..
(2) كذا ولا كذا أنت دافع قسط القرض و نصيحتي لك خذ قرض شخصي من البنك ..
(3) تأخذ قرض وتكون السيارة بإسمك و ملكك و حلالك ولا احد يكلمك فيها و لا احد يستقعد لك اذا تأخرت بدفع القسط ولا ولا ولا ..

خذ قرض شخصي وطلعها ابرك لك و أضمن بعد الله ..

الله يعطيكم العاافيه ومقصرتم 

طيب باقي الفرق في مواصفات في السناتا من ناحيه الوكيل وارخصهم 

الكامري معروفه المواصفات 

السوناتا تختلف حسب الوكيل 
افضل وكيل يجيب مواصفات ؟؟

خذها من المعارض ارخص من الوكاله واغلب المعارض تلاقي عندهم تقسيط الراجحي 
بالنسبه لقسطها الشهري لو سعرها 80 الف زيد عليها ارباح البنك تقريبا 7-8 آلاف 
ثم اقسمها علي سنوات التقسيط 
لو تبيها 5 سنوات يعني 60 شهر 
نقسم 88الف على 60 تساوي 1466 ريال مبلغ القسط الشهري

مواصفات السوناتا 2017 اقل نوع مكينة كبيرة تجي شكمانين, حساسات خلفية من بلدها( مع زر) مو تركيب وكيل, كاميرا خلفية, المقاعد الخلقية تنطوي 60/40, مكيف خلفي ومخرج شاحن, الابواب الخلفية فيها مساحة تخزين مثل الامامية, تكاية في النص مع حامل اكواب, drive modeتغير وضع القيادة، تحكم كامل من الدريكسون، بلوتوث للرد، تليسكوب،كشافات، جنوط 17، حساسات الكفرات،2 ريموت شكل عصري. اوسع سيارة في فئتها عن تجربة وبالارقام واكبر مساحة للتخزين في الشنطة، قطع غيارها معقولة وسعرها صار يمسك بعد البيع.
الكامري ما اعرف عنها كثير لكن اعرف وعن تجربة ان مكينتها نوعا ما انشط من السوناتا واكبر

الله يعطيكم الف عافيه 


طيب افضل وكيل للسوناتا استاندر مكينه ٢٤٠٠    ٢٠١٧:

كم سعرهاا 
لانا الوكاله تبعد عني ٨٠كيلو 
وماقدر اروح الوكاله حسب دوامي 

ليش ماتروح مكتب اجار تاخذ كامري يوم والسوناتا يوم

واللي قلبك يرتاح له خذه وشكرا

نصيحه خلك على كامري

للي يقول عزل واصوات ديكور ..! 
السوناتا شكل 2015 نعم افضل من شكل 14 من ناحية العزل ..! 
لكن يبقى عزلها مش حالك من تجربة ..! عزلها عادي قبل ماجربها معت تطبيل مو صاحي عليها ولما جربتها اصوات الكفرات في راسك والهوا من بعد 120 تسمع تنسيم 
اما اصوات الديكورات اي نعم فيه اصوات ديكورات لما تمر من على حفر ..! بلاش تطبيل ..! 
بالنسبة لي ارشح السوناتا افضل من الكامري لكن الحق حق عزلها افضل من شكل 14 لكن مازال عادي فيه ازعاج بالمقصورة 

فيه نقطة حبيت اوضحها لك لو بغيت تاخذ سوناتا ان شاء الله ، ترى 2017 افضل بكثير من 2016


اقل فئة بمكينة كبيرة جاء فيها مانع انزلاق واعداداتها عربي بالاضافة للكاميرا الخلفية واشياء كثيرة فيها بجنط 17 بصراحة ممتازة جداً


وسعرها في الوكالة الوعلان يوم اشوفها انا قبل كم يوم 71 الف وقال لي لحد يشتري الحين اصبر لين 5 او 6 رمضان بينزل منها كم الف بعد


معلومة حبيت افيدك فيها ، وفقك الله